စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံ ဒေါ်မြတ်မြတ်မိုးသည်(၁၇.၇.၂၀၂၆)ရက်နေ့၊ နံနက် (၁၀:၃၀) နာရီအချိန်တွင် ချောက်မြို့နယ်၊ ရေတွင်းကျေးရွာအနီးရှိ အမှတ်(၃၅) အကြီးစားစက်ရုံဖြစ်သော “Yaung Ni Oo Electric Co.,Ltd” (စက်ရုံပိုင်ရှင် ဦးရန်လင်းအောင်)သို့သွားရောက်၍ သက်ဆိုင်ရာဌာန၏ ညွှန်ကြားချက်များနှင့်အညီ စက်မှုကုန်ကြမ်း သွင်းကုန်လိုင်စင်လျှောက်ထားသည့် စက်ရုံများမြေပြင်တွင် အမှန်တကယ်လည်ပတ် လုပ်ကိုင်နေခြင်းရှိ/ မရှိ မြေပြင်ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရသည်။
ထိုသို့ စစ်ဆေးရာတွင် စက်မှုကုန်ကြမ်းသွင်းကုန်လိုင်စင်လျှောက်ထားရာ၌ သွင်းကုန်ပစ္စည်းများကို တစ်ဆင့်ပြန်လည်ရောင်းချရန်မဟုတ်ဘဲ မိမိကိုယ်ပိုင်စက်ရုံများတွင် အမှန်တကယ်အသုံးပြုရန် ရည်ရွယ်၍ လျှောက်ထားခြင်းဖြစ်စေရေးနှင့် နိုင်ငံခြားသုံးငွေကြီးကြပ်မှုကော်မတီသို့ တင်ပြခွင့်ပြုချက် ရယူနိုင်ရေးအတွက် ကွင်းဆင်းစစ်ဆေးခြင်းဖြစ်ပါသည်။ အဆိုပါ စက်ရုံသည် လျှပ်စစ်သွယ်တန်းခြင်းဆိုင်ရာ ဆက်စပ်ပစ္စည်းများထုတ်လုပ်သည့် လုပ်ငန်းဖြစ်ပြီး မြေပြင်စစ်ဆေးချက်များအရ စက်ရုံသည် လိပ်စာပါတည်နေရာတွင် အမှန်တကယ်တည်ရှိပြီး စက်ရုံတွင်း၌ စက်ပစ္စည်းကိရိယာများ အပြည့်အစုံတပ်ဆင်ကာ ကုန်ထုတ်လုပ်မှု လုပ်ငန်းစဉ်များကို စဉ်ဆက်မပြတ် အမှန်တကယ် လည်ပတ်လုပ်ကိုင်လျက်ရှိကြောင်း သိရှိရပါသည်။
DOCA(မကွေး)