မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်၌ စားအုန်းဆီများဖြန့်ဖြူးရောင်းချရာတွင် သတ်မှတ်ရည်ညွှန်းဈေးအတိုင်း ဖြန့်ဖြူးမှုရှိ/ မရှိ၊ စားအုန်းဆီများအား ပြည်သူများလက်ဝယ် အရောက်အမှန်တကယ်ရောင်းချပေးခြင်း ရှိ/ မရှိ၊ စက်မှုလုပ်ငန်းများအတွက် ဝယ်ယူခွင့်ရရှိသည့် စားအုန်းဆီများအား လုပ်ငန်းများတွင် အမှန်တကယ်သုံးစွဲမှုရှိ/ မရှိအား (၁၆.၇.၂၀၂၆)ရက်နေ့၊ နံနက် (၁၀:၀၀) နာရီအချိန်တွင် တာဝန်ရှိသူများအဖွဲ့ဖြင့် မြေပြင်ကွင်းဆင်းစစ်ဆေးခဲ့ကြောင်း သိရသည်။
ထိုသို့ စစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၊ ဒုတိယမြို့နယ်အုပ်ချုပ်ရေးမှူး ဦးစစ်ငြိမ်းအေးနှင့် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးတို့ဦးဆောင်၍ ကုန်ဈေးနှုန်းတည်ငြိမ်ရေးအဖွဲ့ဝင်များသည် ဆီဆိုင်များအား ကွင်းဆင်းကြီးကြပ်ခြင်းများ ဆောင်ရွက်ခဲ့ပြီး စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရေးနှင့် စီးပွားရေးလုပ်ငန်းရှင်တို့လိုက်နာရမည့်တာဝန်များ၊ တားမြစ်ချက်များအား အသိပညာပေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မကွေး)