ဆီထွက်သီးနှံ အဓိကစိုက်ပျိုးထုတ်လုပ်သည့် ပြည်နယ်များတွင် ပဲပိစပ်စိုက်ပျိုးမှု ကြန့်ကြာ ခြင်းကြောင့် ပြည်တွင်းရောင်းလိုအား ကြပ်တည်းလာပြီး စားသုံးဆီဈေးနှုန်း စားသုံးဆီ ဖောင်းပွမှု ကို မြင့်တက်လာနိုင်ကြောင်း စိုးရိမ်ပူပန်မှုများရှိနေပြီး အနောက်အာရှ ပဋိပက္ခကြောင့် ဖြစ်ပေါ် လာသည့် ဈေးနှုန်းဖိအားများအပေါ် ပိုမိုဆိုးဝါးစေနိုင်သည်။ Madhya Pradesh၊ Rajasthan၊ Maharashtra၊ Gujarat၊ Telangana နှင့် Karnataka စသည့် ပြည်နယ်များတွင် ပဲပိစပ်စိုက်ပျိုးမှု ပုံမှန်ထက်နှစ်ပတ်ခန့်နောက်ကျလျက်ရှိကြောင်းသိရသည်။ စားသုံးဆီကုမ္ပဏီများအနေဖြင့် အယ်လ် နီညိုဖြစ်စဉ်ကြောင့် ဆီထွက်သီးနှံအထွက်နှုန်းထပ်မံကျဆင်း၍ လက်လီဈေးနှုန်းများ မြင့်တက် လာမည့် အခြေအနေကို စိုးရိမ်လျက်ရှိကြောင်းသိရသည်။
အမေရိကန်-အီရတ်စစ်ပွဲကြောင့် စားသုံးဆီဈေးနှုန်းများ ၁၀ ရာခိုင်နှုန်းအထိ မြင့်တက်သွား ခဲ့ကြောင်းနှင့် ပဲပိစပ်စိုက်ပျိုးထုတ်လုပ်သည့် ပြည်နယ်များတွင် မျိုးစေ့ချစိုက်ပျိုးရန်အတွက် မိုးရွာ သွန်းမှု မရှိသေးကြောင်းနှင့် အစောပိုင်းတွင်မိုးရွာသွန်းရန်လိုအပ်လျက်ရှိပြီး ထုတ်လုပ်မှုကို ထိခိုက် မှုမရှိစေရန် မိုးရေရရှိမှုသည်အရေးကြီးကြောင်း အိန္ဒိယပဲပိစပ်ထုတ်လုပ်သူများ အသင်းအမှုဆောင် ဒါရိုက်တာ DN Pathak ကပြောကြားခဲ့ပါသည်။ အိန္ဒိယတွင် ပဲပိစပ်တန်ချိန် ၁၁.၂ သန်း ထွက်ရှိ ကြောင်း၊ အဓိကနေရာများဖြစ်သည့် အမေရိကန်ပြည်ထောင်စု၊ ဘရာဇီးနှင့် အာဂျင်တီးနားတို့ တွင် အယ်လ်နီညိုဖြစ်စဉ်ကြောင့် ပဲပိစပ်ထုတ်လုပ်မှုကို သက်ရောက်မှုများရှိပါက ကမ္ဘာ့စားသုံးဆီ ဈေးကွက်တွင် ထုတ်လုပ်မှုလိုအပ်ချက်ဖိအားကို ရင်ဆိုင်နိုင်ရဖွယ်ရှိကြောင်း ကျွမ်းကျင်သူများက ပြောကြားထားပါသည်။
Source : The Economic Times, June 30, 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)