၂၀၂၆ ခုနှစ်၊ ဇွန်လ (၉) ရက်နေ့၊ နံနက်( ၁၀:၀၀)နာရီအချိန်တွင် ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဆောင်၍ ဒေးဒရဲမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများသည် မြို့နယ်စားသုံးသူရေးရာဦးစီးဌာနရုံး၌ ဆီကုန်သည်နှင့် ဆီလုပ်ငန်းရှင် (၄၂) ဦးအား စားသုံးသူကာကွယ်ရေး ဥပဒေဆိုင်ရာသိကောင်းစရာများကို အသိပညာပေးဟောပြောခဲ့ကြောင်း သိရသည်။
အဆိုပါဟောပြောပွဲတွင် စားသုံးသူကာကွယ်ရေးဥပဒေပါ စားသုံးသူ၏ အခွင့်အရေးများ၊ လုပ်ငန်းရှင်များ၏ တာဝန်နှင့်လိုက်နာရမည့်အချက်များ၊ ကုန်စည်နှင့်ဝန်ဆောင်မှုများရောင်းချရာတွင် မှန်ကန်တိကျသော အချက်အလက်များဖော်ပြပေးရန်လိုအပ်ချက်များ၊ စားသုံးသူထိခိုက်နစ်နာမှုမဖြစ်ပေါ်စေရေး ဆောင်ရွက်ရမည့်အချက်များကို ရှင်းလင်းဟောပြောခဲ့ကြောင်း သိရသည်။
ထို့ပြင် ဆီလုပ်ငန်းရှင်များအနေဖြင့် သက်ဆိုင်ရာဥပဒေ၊ နည်းဥပဒေများနှင့် အညီ လုပ်ငန်းဆောင်ရွက်ကြရန်၊ စားသုံးသူများ၏အကျိုးစီးပွားကို ကာကွယ်စောင့်ရှောက်ပေးရန်နှင့် တာဝန်ယူမှု၊ တာဝန်ခံမှုရှိစွာ လုပ်ငန်းဆောင်ရွက်ကြရန် ဆွေးနွေးမှာကြားခဲ့ကြောင်း သိရှိရပါသည်။
DOCA(ဧရာဝတီ)