အိန္ဒိယဗဟိုအစိုးရအနေဖြင့် လက်ရှိသီးနှံရာသီအတွင်းအိန္ဒိယအစားသောက်ကော်ပိုရေးရှင်း မှ ထုတ်လုပ်သည့် ကောက်ပဲသီးနှံအိတ်များတွင် QR ကုတ်စနစ်အသုံးပြုမှုကို ပြည်နယ် သုံးခု ဖြစ်သည့် Andhra Pradesh၊ Telangana နှင့် Odisha တို့တွင် ပိုမိုဆောင်ရွက်သွားမည်ဖြစ် ကြောင်းသိရသည်။ ဗဟိုအစိုးရသို့ ဖြန့်ဝေရန်အတွက် ဆန်စက်များမှ ထွက်ရှိလာသော ဆန်တန်ချိန် သိန်း၂၀ ကို QR ကုတ်စနစ်အသုံးပြု၍ ရွှေ့ပြောင်းပို့ဆောင်ပေးသွားမည် ဖြစ်ကြောင်း သိရသည်။
သီးနှံအိတ်များအား ပြုပြင်ပြီးပြန်လည်အသုံးပြုနိုင်ရန်နှင့် သီးနှံများအား စိုက်ပျိုးမှုမှသည် ဖြန့်ဖြူးရောင်းချသည်အထိ အဆင့်ဆင့် ခြေရာခံနိုင်ရန် ရည်ရွယ်၍ ဆန်စိုက်ပျိုးထုတ်လုပ်ရာ Andhra Pradesh ပြည်နယ်တွင် ၂၀၂၅ ခုနှစ် ဒီဇင်ဘာလမှ ၂၀၂၆ ခုနှစ် ဇန်နဝါရီလအထိ ကနဦးဆန်းသပ်မှုအဖြစ်လည်းကောင်း၊ ဂျုံစိုက်ပျိုးထုတ်လုပ်ရာ Punjab ပြည်နယ်တွင် ၂၀၂၆ ဧပြီမှ မေလအတွင်း လည်းကောင်း QR ကုတ်စနစ်အသုံးပြုခြင်းကို ဆောင်ရွက်သွားမည် ဖြစ် ကြောင်းသိရသည်။
လက်ရှိ သီးနှံရာသီတွင် Andhra Pradesh ၊ Telangana နှင့် Odisha ပြည်နယ်များတွင် ဆန်ထုတ်လုပ်မှုအတွက် ဆောင်ရွက်လျက်ရှိကြောင်း၊ ကနဦးဆန်းသပ်မှုကို တိုးချဲ့သည့်အနေဖြင့် အဆိုပါပြည်နယ်တစ်ခုစီမှ ခရိုင်များကို ရွေးချယ်ထားကြောင်းသိရသည်။ Andhra Pradesh ပြည်နယ်ရှိ ဆန်စက်ရုံများမှ ခန့်မှန်းခြေ ဆန်တန်ချိန်၁၀ သိန်းအား ဖြန့်ဖြူးမည့် ခရိုင်များသို့ QR စနစ် ကပ်နှိပ်အသုံးပြု၍ ရွေ့ပြောင်းပို့ဆောင်ပေးသွားမည်ဖြစ်ပြီး Telangana ပြည်နယ်နှင့် Odisha ပြည်နယ်တို့မှလည်း တန်ချိန် ၅ သိန်းစီ ရွေ့ပြောင်း ပို့ဆောင်ပေးသွားမည်ဖြစ်ကြောင်း သိရသည်။
QR စနစ် ကပ်နှိပ်အသုံးပြုခြင်းကြောင့် အာဏာပိုင်များအနေဖြင့် သီးနှံရာသီချိန်တစ်လျှောက် သီးနှံအဝယ်ဒိုင်များမှ ဝယ်ယူခဲ့သည့် သီးနှံအိတ်တစ်ခုချင်းစီကိုနောက်ကြောင်းပြန် ခြေရာခံနိုင် မည်ဖြစ်ပြီး၊ သီးနှံအိတ်များအား သိုလှောင်ရုံတွင် သိုလှောင်ထားရှိချိန်တွင် Scan ဖတ်သွားမည်ဖြစ် ကာ ရောင်းချဖြန့်ဖြူးမည့် နေရာဖြစ်သည့် ဈေးဆိုင်များသို့ ရောက်ရှိချိန်တွင်လည်း ထပ်မံ၍ Scan ဖတ်သွားမည်ဖြစ်ကြောင်းသိရသည်။
လက်ရှိတွင် မည်သည့်စင်တာများမှ ဝယ်ယူခဲ့သည်၊ မည်သည့်အဝယ်ဒိုင်များထံသို့ ရောက်ရှိ ခဲ့သည်၊ မည်သည့်သီးနှံရာသီအတွက် ဝယ်ယူထားသည် စသည်တို့ကို ခြေရာခံနိုင် ကြောင်း အရာရှိ တစ်ဦးကပြောကြားထားပါသည်။
ထို့အပြင် ဖြန့်ဖြူးရောင်းချမှုအပိုင်းအနေဖြင့် သင့်တင့်မျှတသော ဈေးနှုန်းဖြင့် ရောင်းချနေ သည့် ဆိုင်များ၌ (ePoS) ကိရိယာဖြင့် QR ကုတ်စနစ်အား အသုံးပြုသွားမည်ဖြစ်ပြီး၊ အစိုးရမှ ပံ့ပိုးပေးသည့်ငွေကြေးထောက်ပံ့မှုကို လွယ်ကူချောမွေ့စေရေးအတွက် အလိုလျောက် ငွေသား ဖြတ်တောက်ခြင်းကို ပြုလုပ်ရန်ရည်ရွယ်ကြောင်းသိရသည်။
လက်ရှိတွင် ဖြန့်ဖြူးရောင်းချသည့်အဆင့်၌ အစိုးရမှ ငွေကြေးထောက်ပံ့မှုကို ပံ့ပိုးပေးထား ကြောင်း၊ QR ကုတ်အား ကပ်နှိပ်လိုက်သည်နှင့် မည့်သည့်သီးနှံအား ဖြန့်ဖြူးထားကြောင်းကို အတိအကျသိနိုင်ကြောင်း၊ အလိုလျောက်ငွေကြေးဖြတ်တောက်မှုကိုပါ တစ်စပ်တစ်ဆက်တည်း ပြုလုပ်နိုင်ရန်ကြိုးပမ်းဆောင်ရွက်လျက်ရှိကြောင်းသိရသည်။
ယခုအစီအစဉ်သည် စက်ပိုင်များမှသည် ဝယ်လက်များအထိ သီးနှံအိတ်တိုင်း၏ ခရီးစဉ် တစ်လျှောက်တွင် ဒီဂျစ်တယ်ခြေရာခံစနစ်ကို ထားရှိဆောင်ရွက်ခြင်းဖြင့် ပိုမိုတာဝန်ယူမှုရှိသော အများပြည်သူထံဖြန့်ဖြူးရောင်းချမှုစနစ်ကို ဖော်ဆာင်နိုင်မည်ဟု မျှော်မှန်းထားကြောင်းသိရသည်။
Source : Business Standard, 10 June 2026(လယ်ယာထွက်ကုန်များနှင့် အဓိကသွင်းကုန်များ ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့