ကမ္ဘာ့စားသုံးသူအခွင့်အရေးများနေ့အထိမ်းအမှတ် အခမ်းအနားကို (၁၃.၃.၂၀၂၆) ရက်နေ့၊ နေ့လယ် (၁၄:၀၀) နာရီ အချိန်တွင် ပြည်ထောင်စုနယ်မြေ၊ နေပြည်တော်ကောင်စီဝင်းအတွင်းရှိ ဇမ္ဗူသီရိခန်းမတွင်ကျင်းပပြုလုပ်ခဲ့ရာ နေပြည်တော်ကောင်စီဥက္ကဋ္ဌ၊ ကောင်စီဝင်များ၊ တိုင်းအဆင့် ဌာနဆိုင်ရာများနှင့် အသင်းအဖွဲ့တာဝန်ရှိသူများတက်ရောက်ခဲ့ပါသည်။
နေပြည်တော်ကောင်စီဥက္ကဋ္ဌမှ “ထုတ်ကုန်ဘေးကင်းလုံခြုံမှ ယုံကြည်စိတ်ချစားသုံးသူဘဝ” ဟူသောဆောင်ပုဒ်နှင့်အညီ စားသုံးသူပြည်သူများ ယုံကြည်စိတ်ချစွာ အသုံးပြုနိုင်ပြီး ကျန်းမာရေး ကောင်းမွန်သည့် လုံခြုံသောလူနေမှုဘဝကို ပိုင်ဆိုင်နိုင်ရေးအတွက် ကုန်စည်နှင့် ဝန်ဆောင်မှုများ ကို ဘေးအန္တရာယ်ကင်းရှင်းအောင် ဆောင်ရွက်ရာမှာ ကော်မတီဝင်ဌာနများ၊ မိတ်ဖက်အဖွဲ့အစည်း များနဲ့ ပူးပေါင်းဆောင်ရွက်ကြရန် နှင့် ထုတ်လုပ်ရောင်းချနေ သောကုန်ပစ္စည်းများသည် သတ်မှတ် ထားသည့် စံချိန်စံညွှန်းများနှင့်ကိုက်ညီပြီး ဘေးကင်းလုံခြုံမှုရှိသောကုန်ပစ္စည်းများကို ရွေးချယ် ဝယ်ယူအသုံးပြုနိုင်စေရေးအတွက် စားသုံးသူပြည်သူများကို အသိပညာပေးဟောပြောပွဲများ စဉ်ဆက် မပြတ်ဆောင်ရွက်သွားရန် လိုအပ်ပါကြောင်း တိုက်တွန်းပြောကြားခဲ့ပါသည်။
ထို့နောက် စားသုံးသူရေးရာဦးစီးဌာန၊ နေပြည်တော်ဦးစီးမှူးက ၂၀၂၅-၂၀၂၆ ဘဏ္ဍာနှစ်၊ ပြည်ထောင်စုနယ်မြေ၊ နေပြည်တော်အတွင်း စားသုံးသူကာကွယ်ရေးလုပ်ငန်းများ ဆောင်ရွက်မှု အခြေအနေများကို ရှင်းလင်းတင်ပြခဲ့ပြီး စားသုံးသူရေးရာဦးစီးဌာနအနေဖြင့် လာမယ့်ဘဏ္ဍာနှစ် များတွင်လည်း ယခုထက်ပိုမို ဆောင်ရွက်နိုင်ရေးအတွက်အစီအမံများရေးဆွဲပြီး စားသုံးသူကာကွယ်ရေး လုပ်ငန်းများကို ဆက်လက်အကောင်အထည်ဖော် ဆောင်ရွက်သွားမည် ဖြစ်ပါကြောင်းပြောကြား ခဲ့ပြီး စားသုံးသူကာကွယ်ရေးဆိုင်ရာ လုပ်ငန်းဆောင်ရွက်မှု Video Clip ပြသကာ စားသုံးသူရေးရာ ဦးစီးဌာနဝန်ထမ်းများက ဂုဏ်ပြု တေးသရုပ်ဖော်သီချင်းဖြင့် ကပြဖျော်ဖြေတင်ဆက်ကြပါသည်။
အခမ်းအနားအပြီးတွင် နေပြည်တော်ကော်စီဥက္ကဋ္ဌနှင့် ဧည့်သည်တော်များက ကုန်အညွှန်း အမှတ်အသားစိစစ်ပြီးသောကုန်ပစ္စည်းများကို လိုက်လံကြည့်ရှုအားပေးခဲ့ကြောင်း သိရပါသည်။
DOCA(နေပြည်တော်)