စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည် ငြိမ်ရေးလုပ်ငန်းများနှင့် ပြည်တွင်းကုန်သွယ်ရေး ဖွံ့ဖြိုးမှုလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ညောင်လေးပင်ခရိုင်ဦးစီးမှူး ဦးရဲမင်းထွဋ်နှင့် အငယ်တန်းစာရေး ဦးနေမျိုး ဝင်းတို့သည် ၂.၃.၂၀၂၆ ရက်နေ့တွင် ညောင်လေးပင်မြို့နယ်ဆန်စက်အသင်းဥက္ကဋ္ဌနှင့်အတူ ဆန်ဈေးနှုန်းဈေးကွက်များ တည်ငြိမ်စေရေးအတွက်ဆန်စက်များတွင် ဗီနိုင်းချိတ်ဆွဲ၍ ရောင်းချနေမှုများ အားကွင်းဆင်း ကြည့်ရှုခဲ့ကြောင်း သတင်းရရှိပါသည်။
ယခုကာလတွင် ရွှေဘိုပေါ်ဆန်းမွှေးဆန်များ ဈေးနှုန်းကြီးမြင့်နေသည့်အတွက် အများ ပြည်သူများ ဝယ်ယူစားသုံးရာတွင် အခက်အခဲများ ဖြစ်ပေါ်လျက်ရှိပါသည်။ သို့ဖြစ်ပါ၍ အခြား ဆန်ဈေးနှုန်းများပါ မြင့်တက်ခြင်း မရှိစေရန်အတွက် ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးရဲမင်းထွဋ်၊ အငယ်တန်းစာရေး ဦးနေမျိုးဝင်းနှင့် ညောင်လေးပင်မြို့နယ်ဆန်စက်အသင်းဥက္ကဋ္ဌ ဦးဖြိုးပြည့်စိုးတို့သည် ညောင်လေးပင်မြို့ပေါ်ရှိ ဆန်စက်များတွင် ဒေသထွက်ဆန်တစ်အိတ်လျှင် (၅၅၀၀၀)ကျပ်၊ ဒေသထွက်ဆန်တစ်ပြည်လျှင် (၂၃၀၀) ကျပ်များဖြင့် ရောင်းချခြင်းရှိ/ မရှိ ကွင်းဆင်း စစ်ဆေးခဲ့ရာ ဆန်စက်လုပ်ငန်းရှင် ဦးဖြိုးပြည့်စိုး၏ “ အောင်ပြည့်ဖြိုး ” ဆန်စက်တွင် ပြည်သူများအား လွယ်ကူစွာ ဝယ်ယူနိုင်ရေး ရောင်းချပေးလျက် ရှိကြောင်း သတင်းရရှိပါသည်။
DOCA( ပဲခူး)