၂၀၂၆ ခုနှစ် ပထမ ၂ လအတွင်း Hanoi မြို့သည် နိုင်ငံခြားရင်းနှီးမြှုပ်နှံမှု (FDI) စုစုပေါင်း အမေရိကန်ဒေါ်လာ ၃၃၅.၆ သန်း ကိုဆွဲဆောင်နိုင်ခဲ့ပြီး မြို့တော်အပေါ် ရင်းနှီးမြှုပ်နှံသူများ၏ စိတ်ဝင်စားမှု တည်ငြိမ်စွာ ဆက်လက်တည်ရှိနေသည်ကို ပြသနေကြောင်း သိရပါသည်။ ဖေဖော် ဝါရီလတစ်လတည်းတွင် FDI ဝင်ရောက်မှု အမေရိကန်ဒေါ်လာ ၂၃၂.၈ သန်း ရရှိခဲ့ကြောင်း သိရပါသည်။ ၎င်းတွင် အသစ်လိုင်စင်ချထားပေးသည့် စီမံကိန်း ၃၇ ခုမှ ဒေါ်လာ ၅.၆ သန်း၊ ရင်းနှီးမြှုပ်နှံမှုတိုးမြှင့်ထားသည့် လက်ရှိစီမံကိန်း ၉ ခုမှ ဒေါ်လာ ၂၂၂ သန်းနှင့် နိုင်ငံခြားရင်းနှီးမြှုပ်နှံသူများ၏ ရင်းနှီးမြှုပ်နှံငွေထည့်ဝင်ခြင်းနှင့် ရှယ်ယာဝယ်ယူမှု ၂၀ ကြိမ်မှ ဒေါ်လာ ၅.၂ သန်း ပါဝင်ကြောင်း သိရပါသည်။ ဇန်နဝါရီ–ဖေဖော်ဝါရီ ကာလအတွင်း စုစုပေါင်း လိုင်စင်အသစ်ချထားပေးသည့် စီမံကိန်း ၁၀၀ ခုရှိပြီး စုစုပေါင်း မှတ်ပုံတင်ထားသည့် ရင်းနှီးမြှုပ်နှံမှုတန်ဖိုးမှာ ဒေါ်လာ ၃၇.၃ သန်း ဖြစ်ကြောင်း သိရပါသည်။ ထို့အပြင် စီမံကိန်း ၂၆ ခုမှ ရင်းနှီးမြှုပ်နှံမှုတိုးမြှင့်ငွေ ဒေါ်လာ ၂၄၈.၃ သန်း ရရှိခဲ့ပြီး ရင်းနှီးမြှုပ်နှံငွေထည့်ဝင်ခြင်းနှင့် ရှယ်ယာဝယ်ယူမှု ၆၄ ကြိမ်မှ စုစုပေါင်း ဒေါ်လာ ၅၀ သန်း ရရှိခဲ့ကြောင်း သိရပါသည်။ မြို့တော်အာဏာပိုင်များသည် အရည်အသွေးမြင့် FDI များကိုဆွဲဆောင်နိုင်ရန်အတွက် မူဝါဒများကို လိုက်လျောညီထွေဖြစ်စေရန် ဆန်းသစ်ပြုပြင်ဆောင်ရွက်လျက်ရှိပြီး အုပ်ချုပ်မှုပုံစံကိုဒစ်ဂျစ်တယ်အသွင်ပြောင်းလဲမှုကိုလည်း အရှိန်မြှင့်လုပ်ဆောင်လျက်ရှိကြောင်း သိရပါသည်။ အထူးသဖြင့် ရင်းနှီးမြှုပ်နှံမှု လိုင်စင်ထုတ်ပေးရေး လုပ်ငန်းစဉ်များကို ၁၀၀ ရာခိုင်နှုန်း ဒစ်ဂျစ်တယ်စနစ်ဖြင့် ဆောင်ရွက်နေပြီး ပွင့်လင်းမြင်သာမှု တိုးတက်စေရန်နှင့် လုပ်ငန်းစဉ်ကြာချိန် လျှော့ချနိုင်ရန်ရည်ရွယ်ထားကြောင်း သိရပါသည်။ စီးပွားရေးလုပ်ငန်း မှတ်ပုံတင်ခြင်းနှင့် ပတ်သတ်၍ ဖေဖော်ဝါရီလအတွင်း လုပ်ငန်းအသစ် ၁,၈၁၂ ခုကို လိုင်စင်ချထားပေးခဲ့ရာ ယခင်နှစ်တူညီသည့်ကာလနှင့် နှိုင်းယှဉ်ပါက ၄ ရာခိုင်နှုန်း ကျဆင်းခဲ့ကြောင်း သိရပါသည်။ သို့သော် မှတ်ပုံတင်ရင်းနှီးမြှုပ်နှံမှု စုစုပေါင်းတန်ဖိုးသည် ဗီယက်နမ်ဒေါင် ၁၉.၅ ထရီလီယံ (အမေရိကန်ဒေါ်လာ ၇၄၅ သန်း) သို့ ရောက်ရှိခဲ့ပြီး ၅၆ ရာခိုင်နှုန်း တိုးတက်ခဲ့ကြောင်း သိရပါသည်။ ထိုလအတွင်း လုပ်ငန်း ၂၅၁ ခု ပြန်လည်လည်ပတ်ခဲ့ပြီး ၄၃ ရာခိုင်နှုန်း ကျဆင်းခဲ့သော်လည်း ယာယီရပ်နားထားသည့် လုပ်ငန်း ၉၇၇ ခု (၁၇ ရာခိုင်နှုန်း မြင့်တက်) နှင့် ဖျက်သိမ်းခဲ့သည့်လုပ်ငန်း ၄၉၉ ခု (၃၂ ရာခိုင်နှုန်းမြင့်တက်) ရှိခဲ့ကြောင်း သိရပါ သည်။ ၂၀၂၆ ခုနှစ် ပထမ ၂ လအတွင်း စုစုပေါင်း လုပ်ငန်းအသစ် ၅,၅၀၀ ခန့်ကို လိုင်စင်ချထားပေးခဲ့ပြီး စုစုပေါင်း မှတ်ပုံတင်မြှုပ်နှံမှု ဗီယက်နမ်ဒေါင် ၄၆.၈ ထရီလီယံ (အမေရိကန်ဒေါ်လာ ၁.၇၉ ဘီလီယံ) ရှိခဲ့ကြောင်း သိရပါသည်။ ၎င်းသည် ယခင်နှစ်တူညီသည့် ကာလနှင့် နှိုင်းယှဉ်ပါက လုပ်ငန်းအရေအတွက် ၄၆ ရာခိုင်နှုန်း တိုးတက်ခဲ့ပြီး ရင်းနှီးမြှုပ်နှံမှု ပမာဏမှာ ၂.၅ ဆ မြင့်တက်ခဲ့ကြောင်း သိရပါသည်။ အဆိုပါကာလအတွင်း လုပ်ငန်း ၄,၉၀၀ ခန့် ပြန်လည်လည် ပတ်ခဲ့ပြီး ၅၅ ရာခိုင်နှုန်း မြင့်တက်ခဲ့ကာ ယာယီရပ်နားရန် မှတ်ပုံတင်ထားသည့် လုပ်ငန်း ၁၄,၁၀၀ (၄ ရာခိုင်နှုန်း မြင့်တက်) နှင့် ဖျတ်သိမ်းခဲ့သည့်လုပ်ငန်း ၁,၇၀၀ (၆၅ ရာခိုင်နှုန်း မြင့်တက်) ခဲ့ကြောင်း သိရှိရပါသည်။
Vietnam Plus
DOCA (ရန်ကုန်)