ဧရာဝတီတိုင်းဒေသကြီး ၊ မအူပင်ခရိုင်၊ ဓနုဖြူမြို့နယ် မြို့ပေါ်ရပ်ကွက်နှင့် ကျေးရွာများအတွင်းရှိ မျိုးစေ့နှင့် စိုက်ပျိုးရေးပစ္စည်း အရောင်းဆိုင်၊ ပိုးသတ်ဆေးဆိုင်များနှင့် ဓာတ်မြေသြဇာ အရောင်းဆိုင်တို့အား သတ်မှတ်စည်းကမ်းချက်များနှင့်အညီ ရောင်းချခြင်းရှိ၊ မရှိကို မြို့နယ်စိုက်ပျိုးရေးဦးစီးဌာန၊ မြို့နယ်စားသုံးသူရေးရာဦးစီးဌာန မှ တာဝန်ရှိသူများက ၂၀၂၆ခုနှစ် ဖေဖော်ဝါရီ ၄ ရက်တွင် ကွင်းဆင်းကြည့်ရှု စစ်ဆေးကြကြောင်း သိရသည်။
ထိုသို့ကွင်းဆင်း စစ်ဆေးခြင်းကို စိုက်ပျိုးရေးဦးစီးဌာန၏ ဦးဆောင်မှုဖြင့် စားသုံးသူရေးရာဦးစီးဌာနမှလိုက်ပါပူးပေါင်းဆောင်ရွက်ရာဓနုဖြူမြို့ပေါ်ရပ်ကွက်နှင့် ကျေးရွာများအတွင်း ရောင်းချလျက်ရှိသော စိုက်ပျိုးရေးလုပ်ငန်းသုံးပစ္စည်းများ၊ ပိုးသတ်ဆေးများ၊ ဓာတ်မြေသြဇာ အရောင်းဆိုင်တို့ကို လှည့်လည်ကြည့်ရှု စစ်ဆေးခြင်းဆိုင်ရှင်များ အနေနဲ့ မိမိတို့အရောင်းဆိုင်များမှာ မှတ်ပုံမတင်ထားတဲ့ ဓာတ်မြေသြဇာနဲ့ ပိုးသတ်ဆေးများကို မရောင်းချရန်၊ မြန်မာဘာသာဖြင့် ရေးသားဖော်ပြထားသော အသုံးပြုပုံ သတင်းအချက်အလက်များရေး သားဖော်ပြ ထားသည့် သက်ဆိုင်ရာ’ ခွင့်ပြုချက်ပါဝင်သော တရားဝင်ကုန် ပစ္စည်းများကိုသာ ရောင်းချရန်ကို လည်းကောင်း၊ မိမိတို့ရောင်းချသော ကုန်စည်များ အမှတ်တံဆိပ်မရှိပဲ ရောင်းချခြင်းမပြုရန်၊ ကုန်ဈေးနှုန်းမှန်ကန် တည်ငြိမ်စေရေးစစ်ဆေးခြင်း၊ ယခုကာလသည် စိုက်ပျိုးတောင်သူများ သီးနှံပေါ်ချိန်ဖြစ်၍ စိုက်ပျိုးရေးသုံးဆိုင်များမှ ရောင်းချသောကုန်စည်များ ငွေပြန်သိမ်းချိန်ကာလဖြစ်သဖြင့် တောင်သူများ စားသုံးသူအခွင့်အရေးမထိခိုက်စေရန်အတွက် အသိပညာပေး ဆောင်ရွက်ခဲ့ပြီး စီးပွားရေးလုပ်ငန်းရှင်လိုက်နာရမည့် တာဝန်များအကြောင်းကို အသိပညာပေး ဆွေးနွေးခဲ့ပြီး ယင်းသို့စစ်ဆေးရာတွင် စိုက်ပျိုးရေးလုပ်ငန်းသုံး အရောင်းဆိုင်များက တောင်သူအကျိုးကို ရှေးရှုကာ တောင်သူများပိုးသတ်ဆေး လာရောက်ဝယ်ယူရာတွင် အသုံးပြုနည်းများကို တောင်သူများနားလည်၍ အသုံးပြုတတ်အောင် ရှင်းလင်းပြောကြားရန်လိုကြောင်း အရောင်းဆိုင်ရှင်များအား တာဝန်ရှိသူများက မှာကြားကြောင်း သိရှိရပါသည်။
DOCA(ဧရာဝတီ)