ပိန်းပင်၏ အမြစ်ဖြစ်သော ပိန်းဥသည် ဆိမ့်သောအရသာရှိကာ ကစီဓါတ်ကော်ရည် ပြည့်ဝသော ဟင်းသီးဟင်းရွက်တစ်မျိုးဖြစ်သည်။ ပိန်းဥတွင် ပိန်းရိုင်းနှင့်ပိန်းယဉ်ဟူ၍ (၂)မျိုးရှိပြီး ပိန်းရိုင်းပင်သည် ယားယံတက်ပြီး လမ်းနဘေးများတွင် အလေ့ကျပေါက်ရောက်နေသာ ပိန်းပင် ဖြစ်သည်။ ပိန်းယဉ်များမှာမူ စနစ်တကျမြေပေါင်များ ပြလုပ်၍ သေချာစိုက်ပျိုးကြသည်။ တနင်္သာရီ တိုင်းဒေသကြီး၊ ထားဝယ်မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးကို အဓိကထားလုပ်ကိုင်ကြရာ မိမိပိုင်အိမ်ခြံဝင်းများနှင့် ယာကွက်များတွင် ပိန်းဥကို တစ်ပိုင်တစ်နိုင် စိုက်ပျိုးလျက်ရှိရာ ယခုကာလသည် ပိန်းဥများထွက်ရှိရာကာလမဟုတ်သဖြင့် စျေးကောင်းရလျက်ရှိ ကြောင်းသိရှိပါသည်။
၂၀၂၆ ခုနှစ်၊ ဇန်နဝါရီလ တတိယပတ်တွင် ထားဝယ်မြို့၊ စည်ပင်သာယာဈေးနှင့် ကမ်းနားဈေး တို့တွင် ရောင်းချနေသော ပိန်းဥဈေးနှုန်းမှာ လက္ကားဈေး (၁)ပိဿာလျှင် (၃၀၀၀) ကျပ်၊ လက်လီ (၁)ပိဿာလျှင်(၃၅၀၀)ကျပ်ဖြင့် ရောင်းဝယ်လျက်ကြောင်း သိရှိရပါသည်။
DOCA(တနင်္သာရီ)