မြင်းခြံမြို့နယ်ရှိ အေးမြသီတာဈေးတွင် စားဖိုဆောင်အုပ်စုဝင် သီးနှံမျိုးစုံရောင်း ချလျက်ရှိရာ ကြက်သွန်ဖြူသီးနှံများကိုလည်း ရှမ်းပြည်နယ်တောင်ပိုင်း၊ အောင်ပန်းမြို့တို့မှ မှာယူရောင်းချ ကြောင်းသိရှိရသည်။ ၂၀၂၅ ခုနှစ်၊ ဒီဇင်ဘာလ၌ ရောင်းချနေသော ကြက်သွန်ဖြူရှမ်းစအသေး တစ်ပိဿာလျှင် (၂၅၀၀)ကျပ်၊ ရှမ်းအလတ်စတစ်ပိဿာလျှင် (၄၀၀၀)ကျပ်၊ ရှမ်းအကြီး (ကြီးစ)တစ်ပိဿာလျှင် (၅၀၀၀)ကျပ်၊ ရှမ်းရှယ်စတစ်ပိဿာလျှင် (၆၅၀၀)ကျပ်၊ ကြက်သွန်ဖြူ (ဗမာ)တစ်ပိဿာလျှင် (၇၀၀၀)ကျပ်၊ ကြက်သွန်ဖြူကြူကုတ် တစ်ပိဿာလျှင် (၁၈၀၀၀) ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ကြက်သွန်ဖြူ အစစုံ တစ်ပိဿာလျှင် (၁၀၀၀-၂၀၀၀)ကျပ်ခန့် ဈေးနှုန်းများ ကျဆင်းခဲ့ကြောင်း၊ ကျန်းမာရေး အတွက် ကိုယ်ခံအားပြည့်ဝစေပြီး စားသုံးသူများအနေဖြင့် ဟင်းလျာတိုင်းတွင် ထည့်သွင်းအသုံးပြု သောကြောင့် စားသုံးမှုများပြား၍ အရောင်းအဝယ်ကောင်းကြောင်း၊ နေ့စဉ်ကုန်ချိန်ပိဿာ (၁၀၀-၂၀၀) ပိဿာခန့် ရောင်းချရကြောင်း ကုန်စိမ်းပွဲရုံများမှ သိရှိရသည်။
DOCA(မန္တလေး)