မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ ဆီထွက်သီးနှံ မျိုးစုံရောင်းဝယ်ရေးဈေးကွက်တွင် ဇူလိုင်လဆန်းမှစ၍ နှမ်းဈေးများ မြင့်တက်လာကြောင်း ပခုက္ကူဈေးကွက်မှ သိရှိရသည်။ နှမ်းသီးနှံများ နေ့စဉ် အရောင်းအဝယ်ဖြစ်လျက်ရှိရာ ဒီဇင်ဘာလ(ဒုတိယပတ်)တွင် ဆီထွက်သီးနှံ နှမ်းမျိုးစုံ အရောင်းအဝယ်ဖြစ်ပြီး ယခုအချိန်တွင် နွေ(နှမ်း)သီးနှံ ပေါ်ချိန်ဖြစ်သော်လည်း နွေ(နှမ်း) စိုက်ပျိုးချိန်တွင် တောင်သူများမှ စိုက်ပျိုးမှုလျော့နည်းခြင်းကြောင့် နှမ်းအထွက်နှုန်းနည်းခြင်း၊ နှမ်းရိတ်သိမ်းချိန်တွင် မိုးရွာသွန်းမှုများခြင်းကြောင့် အရည်အသွေးပြည့်ဝသော နှမ်းသီးနှံများ ရှားပါး၍ နှမ်းဈေး မြင့်တက်ကြောင်း၊ ပြည်ပနိုင်ငံများမှ နှမ်းနက်(စမုန်)များ အဓိကအရောင်းအဝယ်ဖြစ်ကြောင်း သိရှိရသည်။ ဈေးကွက်သို့ ဝင်ရောက်မှု နည်းသော်လည်း မြို့ပေါ်ရှိ လှောင်လက် ကုန်သည်များမှ သိုလှောင်ထားသော နှမ်းများ အရောင်းအဝယ်ဖြစ်လျက်ရှိကြောင်း၊ နှမ်းမျိုးစုံအနက်မှ နှမ်းနက်(စမုန်)ဈေးတက်ပြီး အရောင်းအဝယ်ဖြစ်ကြောင်း၊ တစ်ရက်လျှင် ပိဿာ ၃၀ ဝင်အိတ်(၁၀၀-၂၀၀)ခန့် အရောင်းအဝယ်ဖြစ်ကြောင်း၊ ပြည်တွင်းသုံးစွဲမှုအပြင် ပြည်ပအဝယ် လိုက်၍ ကုန်ဝင်သလောက် အရောင်းအဝယ်ဖြစ်ကြောင်း သိရှိရသည်။

              ဈေးနှုန်းအနေဖြင့် ၂၀၂၅ခုနှစ်၊ ဒီဇင်ဘာလ (ဒုတိယပတ်)တွင် နှမ်းအမျိုးအစားနှင့် အရည် အသွေးလိုက်၍ အရောင်းအဝယ်ဖြစ်ကြောင်း၊ နှမ်းနက်(စမုန်) တစ်တင်းလျှင် ကျပ်(၂၄၀၀၀၀-၂၀၀၀၀၀)၊ နှမ်းနက်စမုံ(ရှယ်)တစ်တင်းလျှင် ကျပ်(၂၄၀၀၀၀-၂၃၈၀၀၀)ဖြစ်ပြီး ဒီဇင်ဘာလ (ပထမပတ်)တွင် နှမ်းနက် စမုံ တစ်တင်းလျှင်ကျပ် (၂၄၀၀၀၀-၂၁၀၀၀၀) ဖြစ်၍  ဈေးနှုန်းနှိုင်းယှဉ် ပါက ဈေးငြိမ်နေပြီး ကျန်နှမ်းအမျိုးအစားများမှာ ဈေးငြိမ်ပြီး အရောင်း အဝယ်ဖြစ် ကြောင်း သိရှိရသည်။ ဈေးကွက်ဝယ်လိုအားကောင်း၍ ဈေးငြိမ်နေပြီး အရောင်းအဝယ် ဖြစ်ကြောင်း၊ ပခုက္ကူပွဲရုံဈေးကွက်သို့ရောက်ရှိသည့် နှမ်းများကို မြို့ပေါ်ရှိ ဆီစက်လုပ်ငန်းရှင်များ၊ နှမ်းလှော် လုပ်ငန်းရှင်များနှင့် အခြားစားသောက်ကုန် လုပ်ငန်းရှင် များမှ ဝယ်ယူမှု များကြောင်း၊ ရန်ကုန်၊ မန္တလေး ဈေးကွက်သို့လည်း တင်ပို့လျက်ရှိကြောင်း၊ ထိုမှတစ်ဆင့် ပြည်ပတရုတ်နိုင်ငံသို့ တင်ပို့ကြောင်း သိရှိရသည်။ 

DOCA(မကွေး)