ဧရာဝတီတိုင်ဒေသကြီး စားသုံးသူရေးရာဦးစီးဌာန အစည်းအဝေးခန်းမတွင် နိုဝင်ဘာလ၂၇.၁၁.၂၀၂၅ ရက်နေ့တွင် ဒုတိယတိုင်းဒေသကြီးဦးစီးမှူး ဦးထွန်းထွန်းမှ ပုသိမ်မြို့ရှိ ဆေးနှင့်ဆေးပစ္စည်းရောင်းဝယ်ရေးလုပ်ငန်းရှင်များ၊ ဆေးဆိုင်ပိုင်ရှင်များနှင့် တွေ့ဆုံခဲ့ပါသည်။
ဒုတိယတိုင်းဒေသကြီးဦးစီးမှူးမှ ဆေးဈေးနှုန်းများတည်ငြိမ်စေရေးအတွက် ပေါက်ဈေးထက်ပိုမိုရောင်းချခြင်းမပြုလုပ်ရန် သတ်မှတ်ထားသောဆေးဝါးများရောင်းချရန်၊ ခွင့်မပြုသော ဆေးဝါးများရောင်းချခြင်းမပြုလုပ်ရန် သက်တမ်းလွန်ဆေးဝါးများနှင့်FDA မှခွင့် မပြုထားသော ဆေးဝါးများရောင်းချခြင်းမပြုလုပ်ရန်၊ မှတ်ပုံတင်ထားရှိသော မြန်မာ့ဆေးဝါးများရောင်းချရန်နှင့် ဆေးဝါးများပြတ်လပ်မှုမရှိစေရေးနှင့် ဈေးကစားရန်ရည်ရွယ်၍ ဆေးဝါးများသိုလှောင်ထားရှိမှု မရှိစေရေးအတွက် လုပ်ငန်းရှင်များခေါ်ယူတွေ့ဆုံပြောကြားခဲ့ကြောင်း သိရှိရပါသည်။
DOCA(ဧရာဝတီ)