အမေရိကန်ပြည်ထောင်စု၏ အလုံးစုံသုံးစွဲမှုအသုံးစရိတ်သည် အောက်တိုဘာလ အစောပိုင်းမှ နိုဝင်ဘာလလယ်အထိ ထပ်မံကျဆင်းသွားခဲ့ပြီး အဆင့်မြင့်လက်လီအသုံးစရိတ်သည် ပုံမုန်အတိုင်းတည်ရှိနေဆဲဖြစ်ကြောင်း Federal Reserve မှ နိုဝင်ဘာလ ၂၇ ရက်နေ့တွင် ထုတ် ပြန်သော Beige Book အရသိရသည်။ အစိုးရပိတ်သိမ်းခြင်းမှ စားသုံးသူဝယ်ယူမှုအပေါ် အပျက်သဘောဆောင်သော သက်ရောက်မှုအချို့ကို လက်လီရောင်းချသူများက သတိပြုမိကြပြီး ဖက်ဒရယ် အခွန်ခရက်ဒစ်သက်တမ်းကုန်ဆုံးပြီးနောက် EV အရောင်းတွင် ကျဆင်းသွားကြောင်း Beige Book ထုတ်ပြန်ချက်အရသိရသည်။ ဒေသဆိုင်ရာ အရန်ဘဏ် ၁၂ ခုမှ ကောက်ယူထားသော အချက်အလက်များအပေါ် အခြေခံ၍ စီးပွားရေးအခြေအနေများအပေါ် စစ်တမ်းဖြစ်သည့် The Beige Book သည် တစ်နှစ်လျှင် ရှစ်ကြိမ်ထုတ်ဝေလျက်ရှိသည်။ ဗဟိုဘဏ်၏ ခရိုင် ၁၂ ခု အနက် အများစု၏အဆိုအရ အမေရိကန်၏ စီးပွားရေးလှုပ်ရှားမှုသည် ယခင်အစီရင်ခံစာကစ၍ အနည်းငယ်သာ ပြောင်းလဲမှုရှိကြောင်း၊ အကောက်ခွန်နှင့် အကောက်ခွန် မသေချာမရေရာမှုများသည် အဓိကကျသော်လည်း ကုန်ထုတ်လုပ်မှုလုပ်ငန်းများ အနည်းငယ်တိုးလာကြောင်း စစ်တမ်း ဖော်ပြချက်အရသိရသည်။ အစီရင်ခံသည့်ကာလအတွင်းတွင် အမေရိကန်စျေးနှုန်းများသည် အတန်အသင့်မြင့်တက်ပြီး သွင်းကုန်ကုန်ကျစရိတ်ဖိအားများသည် ကုန်ထုတ်လုပ်ငန်းနှင့် လက်လီရောင်းချမှုတွင် ကျယ်ကျယ်ပြန့်ပြန့် ပျံ့နှံ့နေပြီး အကောက်ခွန်ကြောင့် တိုးလာမှုကို ကြီးမားစွာ ထင်ဟပ်နေကြောင်း စစ်တမ်းအရ သိရှိရပါသည်။
Source : Xinhua
DOCA(ရန်ကုန်)