ပြည်တွင်းမှ စိုက်ပျိုးထွက်ရှိသော ထောပတ်သီးများကို ထိုင်းနိုင်ငံသို့ အဓိက တင်ပို့နေ ပြီး ယခုနှစ်အတွင်း ပြည်ပသို့တန်ချိန် ၅၀၀၀ ခန့်တင်ပို့နိုင်ရန် မျှော်မှန်းထားကြောင်း မြန်မာနိုင်ငံ ထောပတ်သီး စိုက်ပျိုးထုတ်လုပ် တင်ပို့ရောင်းချသူများ အသင်းမှ သိရသည်။
ပြည်တွင်းက စိုက်ပျိုးထွက်ရှိတဲ့ ထောပတ်သီးတွေကို နေပြည်တော်၊ ရန်ကုန်၊ မန္တလေး၊ မော်လမြိုင် ဈေးကွက်ကို အဓိကတင်ပို့၍ တခြားဈေးကွက်ကို အနည်းငယ်တင်ပို့လျက်ရှိပြီး ပြည်ပဈေးကွက် အနေနဲ့ဖြင့် ထိုင်းနိုင်ငံကို အဓိကတင်ပို့ကြောင်း မြန်မာနိုင်ငံ ထောပတ်သီး တင်ပို့ရောင်းချသူများ အသင်းမှ သိရှိရပါသည်။ ထိုသို့တင်ပို့ရာတွင် ထောပတ်သီး အလုံးလိုက် တင်ပို့ခြင်း ဖြစ်ကာ လတ်တလောတွင် အရည်အသွေးနှင့် အရွယ်အစားအလိုက် ဈေးနှုန်းအသီးသီး ရရှိနေကြောင်း သိရသည်။
ပြည်တွင်း၌ စက်တင်ဘာလမှ ဒီဇင် ဘာလအတွင်း ထောပတ်သီး ထွက်လေ့ရှိ ကာ Hass ထောပတ်သီးအပြင် Buccaneer၊ 034၊ Booth 7 နှင့်အမရာ စသည့် ထောပတ်သီး မျိုးများကိုလည်း တင်ပို့ရောင်းချလျက်ရှိကြောင်း၊ ယခုနှစ် ထောပတ်သီးရာသီတွင် မြန်မာနိုင်ငံမှ အေးခဲထောပတ်သီးတန်ချိန် ၂၀၀ ခန့်ကို အိန္ဒိယနိုင်ငံသို့ တင်ပို့နိုင်ရေးအတွက် မြန်မာ နိုင်ငံ ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်းမှ အိန္ဒိယနိုင်ငံသို့ နမူနာပေးပို့ရန်၊ မြန်မာ့ထောပတ်သီးကို အိန္ဒိယနိုင်ငံသို့တင်ပို့ရာတွင် အိန္ဒိယနိုင်ငံ၏ ဆောင်ရွက် ရမည့် လုပ်ငန်းစဉ်များကို အိန္ဒိယနိုင်ငံ ဘက်မှပံ့ပိုးပေးရန် နှစ်နိုင်ငံဆွေးနွေးမှုများ ပြုလုပ်ခဲ့ကြောင်း သိရသည်။
(DOCA) ဧရာဝတီ