ကမ္ဘောဒီးယားနိုင်ငံသည် ထိုင်းနိုင်ငံမှ ထုတ်ကုန်များတင်သွင်းမှုကို လျှော့ချပြီးနောက် ပြည်တွင်းဈေးကွက်တွင် ရရှိနိုင်သော ကုန်ပစ္စည်းများ၏ ၆၀-၇၀ ရာခိုင်နှုန်းခန့်သည် ကမ္ဘောဒီးယားထုတ်ကုန်များဖြစ်ပြီး ကျန်ရှိသော အစိတ်အပိုင်းများကို ဗီယက်နမ်၊ မလေးရှား၊ အင်ဒိုနီးရှားနှင့် ဒေသတွင်းရှိ အခြားနိုင်ငံများမှ တင်သွင်းကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန (MoC) ၏ ပြောရေးဆိုခွင့်ရှိသူ Penn Sovicheat က ၂၃-၁၁-၂၀၂၅ ရက်နေ့တွင် ပြောကြားခဲ့သည်။ ကမ္ဘောဒီးယားနိုင်ငံသို့ယခုအခါ ဗီယက်နမ်မှသာမက မလေးရှား၊ အင်ဒိုနီးရှားနှင့် ဒေသတွင်းရှိ အခြားနိုင်ငံများမှပါ ကုန်ပစ္စည်းများ တင်သွင်းလျက်ရှိကြောင်း၊ ထိုင်းနိုင်ငံမှ ရေနံ၊ သဘာဝဓာတ်ငွေ့၊ ဟင်းသီးဟင်းရွက်နှင့် သစ်သီးဝလံများ တင်သွင်းခြင်းကို ရပ်တန့်လိုက်ပြီး ယခုအခါ ဗီယက်နမ်နှင့် စင်ကာပူနိုင်ငံတို့မှ ကုန်ပစ္စည်းများကို တင်သွင်းနေကြောင်း Sovicheat က ထပ်လောင်းပြောကြားခဲ့သည်။ အစိုးရအနေဖြင့် ကမ္ဘောဒီးယား ထုတ်ကုန်များ စားသုံးမှုကို မြှင့်တင်ခြင်း၊ တိုးမြှင့်ခြင်းနှင့် အားပေးခြင်း၊ ထုတ်လုပ်သူများကို ပံ့ပိုးပေးခြင်းနှင့် ခိုင်မာသောစစ်ဆေးခြင်းနှင့် ထုပ်ပိုးမှုစံနှုန်းများမှတစ်ဆင့် အစားအစာ အရည်အသွေး၊ ဘေးကင်းရေးနှင့် ပြည်သူ့ကျန်းမာရေးကို ကာကွယ်ခြင်းဖြင့် ပြည်တွင်းဈေးကွက်ကို ကွဲပြားစေပြီး ခိုင်မာစေရန် ရှင်းလင်းသောရပ်တည်ချက်ကို ထိန်းသိမ်းထားကြောင်း Sovicheat က အလေးပေးပြောကြားခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)