ပူးပေါင်းဆောင်ရွက်မှု စီမံကိန်းအသစ်များကို ရှာဖွေခဲ့သည့် ဗီယက်နမ်နှင့် အယ်ဂျီးရီးယား

          ဗီယက်နမ်ဝန်ကြီးချုပ် Pham Minh Chinh သည် ဗီယက်နမ်နှင့် အယ်ဂျီးရီးယားမှ ဝန်ကြီးဌာနများ၊ အေဂျင်စီများနှင့် စီးပွားရေးလုပ်ငန်းများအား စိုက်ပျိုးမွေးမြူရေးတွင် အထူးသဖြင့် ငှက်ပျောသီး၊ လက်ဖက်နှင့် ဆန်စိုက်ပျိုးခြင်းနှင့် ရေထွက်ကုန်မွေးမြူရေးတို့တွင် အဆင့်မြင့် ပူးပေါင်းဆောင်ရွက်ရန်တိုက်တွန်းခဲ့ကြောင်း သိရပါသည်။ နိုဝင်ဘာလ ၁၉ ရက်နေ့က နှစ်နိုင်ငံစလုံးမှ ဝန်ကြီးဌာနများ၊ စီးပွားရေးလုပ်ငန်းများနှင့် ကျင်းပသည့်အစည်းအဝေးတွင် Chinh နှင့် အယ်ဂျီးရီးယားဝန်ကြီးချုပ် Sifi Ghrieb သည် စွမ်းအင်၊ ရေနံဓာတုနှင့် ပိုလီမာချည်မျှင် ထုတ်လုပ်မှုတို့တွင် ပူးပေါင်းဆောင်ရွက်မှုစီမံကိန်းများကို ချက်ချင်းရှာဖွေရန် တောင်းဆိုခဲ့ကြောင်း သိရပါသည်။ Ghrieb က အယ်ဂျီးရီးယား၏ ဆန်ဝယ်လိုအားကြီးမားပြီး တင်သွင်းမှု အပေါ်မီခိုနေရမှုနှင့် အတူ နိုင်ငံသည် ဗီယက်နမ်နှင့် အတူပူး‌ပေါင်းဆောင်ရွက် မှုစီမံကိန်းများ ရှေ့ဆက်ဆောင်ရွက်ရန် ဆန္ဒပြင်းပြကြောင်းနှင့် အယ်ဂျီးရီးယားအရှေ့ပိုင်းဒေသသည် ဗီယက်နမ် ရင်းနှီးမြှုပ်နှံသူများအတွက် ပဲပိစပ်စိုက်ပျိုးထုတ်လုပ်ရန် သင့်လျော်ကြောင်း ပြောကြားခဲ့ပါသည်။ ထို့ပြင် Ghrieb က နှစ်ဖက်စလုံးမှ ဝန်ကြီးဌာနများ၊ အေဂျင်စီများနှင့် မိတ်ဖက်များအား စီမံကိန်းများအား တိုက်ရိုက်ဆွေးနွေးရန်နှင့် လေ့လာရန် တောင်းဆိုခဲ့ကြောင်း သိရပါသည်။ နိုဝင်ဘာလ ၂၀ ရက်နေ့တွင် ဗီယက်နမ်စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၊ စက်မှုနှင့် ကုန်သွယ်ရေး ဝန်ကြီးဌာန၊ ဗီယက်နမ်အမျိုးသားစက်မှု-စွမ်းအင်အုပ်စုနှင့် ဗီယက်နမ် ငါးလုပ်ငန်းအသင်းတို့သည် များစွာသောကဏ္ဍများတစ်လျောက် ပူးပေါင်းဆောင်ရွက်မှု အခွင့်အလမ်းများကိုရှာဖွေရန် အယ်ဂျီးရီးယားမိတ်ဖက်များနှင့် အစည်းအဝေးကျင်းပခဲ့ကြောင်း သိရပါသည်။ အယ်ဂျီးရီးယား စိုက်ပျိုးမွေးမြူရေးဝန်ကြီးဌာနနှင့် များစွာသော အခြားဝန်ကြီးဌာနများ မှခေါင်းဆောင်များက ၎င်းတို့သည် ဆွေးမွေးမှုများဆက်လက် ပြုလုပ်ရန်နှင့် အနီးအနာဂတ်တွင် ပူးပေါင်းဆောင်ရွက်မှု စီမံကိန်းများကို အပြီးသတ်ရန်အတွက် မကြာခင်ဗီယက်နမ်သို့ လာရောက်လည်ပတ်မည်ဟု ပြောကြားခဲ့ကြောင်း သိရှိရပါသည်။

Vietnam Plus                                                                            

DOCA (ရန်ကုန်)