ထားဝယ်မြို့အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို အဓိကလုပ်ကိုင်လျက် ရှိရာ စားဖိုဆောင်သီးနှံဖြစ်သည့် နံနံပင်၊ ပူစီနံပင်၊ ချဉ်ပေါင်ရွက်၊ ဆူးပုတ်ရွက်၊ ကန်ဇွန်းရွက်၊ ပဲတောင့်ရှည်သီး၊ ရုံးပတီသီး၊ ခရမ်းသီးနှင့် ခဝဲသီးများကို စိုက်ပျိုးလျက်ရှိပါ သည်။ စိုက်ပျိုးထွက်ရှိ သော သီးနှံများမှ ပူစီနံပင်များနှင့် နံနံပင်များကို ထားဝယ်မြို့၊ စည်ပင်သာယာဈေးနှင့် ကမ်းနား စျေးများတွင် လာရောက်ရောင်းချ လျက်ရှိကြောင်း သိရှိရပါသည်။ နံနံပင်နှင့်ပူစီနံ သည် မြန်မာဟင်း များတွင် သာမက မုန့်ဟင်းခါး အသုပ်စုံတို့တွင်လည်း တွဲဖက်စားသုံးကြပါသည်။
၂၀၂၅ခုနှစ်၊ နိုဝင်ဘာလ တတိယပတ်တွင် စည်ပင်သာယာဈေးတွင် ရောင်းချနေသော နံနံပင်ဈေးနှုန်းမှာ တစ်စည်းလျှင်(၇၀၀)ကျပ်၊ (၃)စည်းလျှင်(၂၀၀၀) ကျပ်ဖြင့်ရောင်းချလျက်ရှိ ကြောင်း သိရှိရပါသည်။
DOCA(တနင်္သာရီ)