မြန်မာနိုင်ငံ၏ ကမ်းရိုးတန်းဒေသတစ်ခုဖြစ်သော တနင်္သာရီတိုင်းဒေသကြီး၊ မြိတ်မြို့တွင် တောင်ယာလုပ်ငန်းနှင့် ရေလုပ်ငန်းများကို အဓိကအားထား၍ လုပ်ကိုင်ကြပြီး ၄င်းတို့မှ ထွက်ရှိသော ဟင်းသီးဟင်းရွက်များနှင့် လတ်ဆတ်သောပင်လယ်စာများကိုသာ ရောင်းဝယ်ဖောက်ကားခြင်းဖြင့် ဒေသ၏ စီးပွားရေးကို အဓိကပံ့ပိုးပေးလျက်ရှိပါသည်။ မြိတ်မြို့သည် ပင်လယ်ကမ်းရိုးတန်းဒေသ တစ်ခုလည်း ဖြစ်သည့်အတွက် စိုက်ပျိုးရေးမအတွက် အလွန်ပင်ဖြစ်ထွန်းကြောင်း သိရှိရပါသည်။ မြိတ်မြို့ရှိ ကျေးလက်ဒေသများတွင် ဟင်းသီးဟင်းရွက်စိုက်ပျိုးသူများ တောင်သူများ အလွန်ပင် များပြားပြီး ဒေသအတွင်းဖူလုံမှုအတွက် အဓိကလုပ်ကိုင်လျက်ရှိပါသည်။ ဟင်းသီးဟင်းရွက်များကို ကျေးလက်ဒဒေသခံတောင်သူများသာမက မြို့ပေါ်ရှိ ရပ်ကွက်များတွင်လည်း အိမ်တွင်းတနိုင်တပိုင် စိုက်ပျိုးကြပြီး နံနံပင်၊ ပန်းဂေါ်ဖီ၊ ငရုတ်သီး၊ မြင်းခွာရွက်၊ ပင်စိမ်းရွက်၊ ကြက်သွန်မြိတ်၊ သခွားသီး၊ ခရမ်းသီး၊ ကန်စွန်းရွက်၊ ရွှေဖယုံသီး၊ ရုံးပတီသီး၊ ဘူးသီး အစရှိသည့် သီးနှံများကို စိုက်ပျိုး ကြသည့် အပြင် မြန်မာပြည်အနှံ့တွင် အလွယ်တကူရရှိနိုင်သော ချဉ်ပေါင်ရွက်များကိုလည်း စိုက်ပျိုးကြပါ သည်။ ဥယျာဉ်ခြံမြေများမှထွက်ရှိလာသော ဟင်းသီးဟင်းရွက်များကို မြိတ်မြို့ရှိ ရှမ်းချောင်းကုန်စိမ်း ဈေး၊ စည်ပင်သာယာဈေးကြီးနှင့် ရပ်ကွက်ရှိဈေးဆိုင်များသို့ပို့ဆောင်၍ ရောင်းချကြောင်းသိရှိရပါ သည်။ ချဉ်ပေါင်ရွက်သည် ဗီတာမင်စီနှင့် သံဓာတ်များအဓိကပါဝင်ပြီး ကျန်းမာရေးအတွက် အထူး ကောင်းမွန်သည့်ဟင်းသီးဟင်းရွက်တစ်မျိုး၍ ဒေသခံများသည် ဟင်းချိုချက်သောက်ခြင်း၊ ကြော်စား ခြင်းဖြင့် အဓိကစားသုံးလေ့ ရှိပါသည်။ ၂၀၂၆ ခုနှစ်၊ စက်တင်ဘာလ တတိယပတ်အတွင်း မြိတ်မြို့ ပေါ်ရှိ ဈေးများ၌ရောင်းချလျက်ရှိသော ချဉ်ပေါင်ရွက်ဈေးနှုန်းမှာ (၁)စည်းလျှင် (၅၀၀)ကျပ်မှ (၇၀၀) ကျပ်အတွင်း အရောင်းအဝယ်ဖြစ်လျက်ရှိကြောင်း ဒေသခံကုန်စိမ်းရောင်းချသူများထံမှ သိရှိရပါ သည်။
DOCA(တနင်္သာရီ)