အင်ဒိုနီးရှားနိုင်ငံ အိမ်ရာနှင့် နေရာချထားရေးဝန်ကြီးဌာနသည် အိမ်ရာမြေကဏ္ဍအား နိုင်ငံ တော်စီးပွားရေးကြီးထွားမှုကိုပံ့ပိုးပေးမည့် အဓိကထောက်တိုင်များထဲမှတစ်ခုအဖြစ် သတ်မှတ် ထားပြီး များစွာသောလုပ်ငန်းနယ်ပယ်များတစ်လျှောက် အားကောင်းသောသက်ရောက်မှုရှိ ကြောင်း ပြောကြားခဲ့ပါသည်။ မြို့ပြအိမ်ရာဖွံ့ဖြိုးရေးဦးစီးဌာန၏ ညွှန်ကြားရေးမှူးချုပ် Sri Haryati က ၂၀၂၅-၂၀၂၉ နိုင်ငံတော်မဟာဗျူဟာစီမံကိန်းအဖြစ် ဒီဇိုင်းဆွဲထားသည့် အိမ် ၃ သန်း ဆောက်လုပ်မှုသည် အိမ်ရာမြေတိုးချဲ့ရန်နှင့် နိုင်ငံတော်စီးပွားရေးအားကောင်းရန် ဗျူဟာမြောက် အားထုတ်မှုကို ကိုယ်စားပြုကြောင်း ပြောကြားခဲ့ပါသည်။ ဝန်ကြီးဌာနသည် လုပ်ငန်းရှင်များ ဘဏ္ဍာရေးလမ်းကြောင်းရရှိမှုကျယ်ပြန့်ရန်နှင့် ကဏ္ဍကြီးထွားမှုအရှိန်မြှင့်တင်ရန်အတွက် အိမ်ရာ မြေကဏ္ဍရှိ MSME လုပ်ငန်းများအတွက် People’s Business Credit ဖြေလျှော့ပေးရန်စီစဉ်နေ ကြောင်း သိရပါသည်။ အိမ်ရာပရိုဂရမ်ချေးငွေဆောင်ရွက်မှုအစီအစဉ်သည် ချေးငွေကန့်သတ်ပမာ ဏ၊ သက်တမ်းနှင့် အတိုးနှုန်းအစရှိသည့် ငွေချေးယူမှုကာလကို ထိန်းကြောင်းသွားမည်ဖြစ်ပြီး အကောင်အထည်ဖော်ဆောင်ရွက်မှုမှန်ကန်စေရေးအတွက် သက်ဆိုင်ရာအေဂျင်စီများက စောင့်ကြည့်ဆောင်ရွက်လျှက်ရှိကြောင်း သိရပါသည်။ ထိုမူဝါဒသည် စီးပွားရေးကဏ္ဍ ၁၁၀ ခု တိုက်ရိုက်အကျိုးအမြတ်ရရှိပြီး ၇၅ ခုသွယ်ဝိုက်သက်ရောက်မှုရှိရန်မျှော်မှန်းရသည့် နိုင်ငံတော် အလယ်အလတ်ကာလဖွံ့ဖြိုးတိုးတက်မှုအစီအစဉ် (၂၀၂၅-၂၀၂၉) ဖြစ်ကြောင်း သိရပါသည်။ အင်ဒိုနီးရှားနိုင်ငံဘဏ္ဍာရေးဝန်ကြီး Purbaya Yudhi Sadewa က အကယ်၍အိမ်ရာပရိုဂရမ်များ ရည်မှန်းချက်အောင်မြင်ပါက နိုင်ငံ၏စီးပွားရေးသည် ၅.၆ ရာခိုင်နှုန်းမှ ၅.၇ ရာခိုင်နှုန်းထိကြီးထွား နိုင်ကြောင်းခန့်မှန်းခဲ့ပါသည်။ Sadewa က အိမ်ရာကဏ္ဍတွင် ဆောက်လုပ်ရေး၊ ဘိလပ်မြေနှင့် အခြားအရာများပါဝင်သောကြောင့် သက်ရောက်မှုအရမ်းသိသာထင်ရှားပြီး ရင်းနှီးမြှုပ်နှံမှုတစ်ခု အဖြစ်ယူဆရကာ ကြီးထွားမှုသည်ကဏ္ဍအားလုံးသို့သက်ရောက်မည်ဖြစ်ကြောင်းနှင့် ထိုစီမံကိန်း သည်စီးပွားရေးအရှိန်အဟုန်မြှင့်တင်ရာတွင် အောင်မြင်မှုရရှိမည်ဖြစ်ကြောင်းပြောကြားခဲ့ပါသည်။
DOCA (ရန်ကုန်)