နယ်စပ်ဖြတ်ကျော် e-commerce ပလက်ဖောင်းများက ဗီယက်နမ်ထုတ်ကုန်များအား ဈေးကွက်များသို့ ပိုမိုရောက်ရှိရန် ကူညီပေး

                     လတ်တလောနှစ်များတွင် e-commerce ပလက်ဖောင်းများသည် ဗီယက်နမ်ထုတ်ကုန်များ အား ဝယ်ယူသူများနှင့် ဈေးကွက်များသို့ပိုမိုရောက်ရှိရန် ကူညီပေးခဲ့ပြီး ပြည်တွင်းကုန်ထုတ်လုပ် သူများအတွက် အရေးပါသောပို့ကုန်လမ်းကြောင်း ဖြစ်လာကြောင်း သိရပါသည်။ လွန်ခဲ့သည့် ၅ နှစ်ကျော်တွင် Amazon တွင် ရောင်းချခဲ့သည့် ဗီယက်နမ်ထုတ်ကုန်များမှာ ၃၀၀ ရာခိုင်နှုန်း မြင့်တက်ခဲ့ပြီး ပစ္စည်းအမျိုးအစား ၁၈ သန်းနီးပါးထိရောက်ရှိခဲ့ကြောင်း သိရပါသည်။ Alibaba.com ဗီယက်နမ်၏ ဈေးကွက်ဖွံ့ဖြိုးတိုးတက်ရေးဒါရိုက်တာ Nguyen Thi Phuong Uyen က နယ်စပ်ဖြတ်ကျော် e-commerce သည် တည်ငြိမ်ပြီး ထိရောက်သောပို့ကုန်လမ်းကြောင်း ဖြစ်လာကြောင်း ပြောကြားခဲ့ပါသည်။ Alibaba.com ၏ အဆိုအရ ၂၀၂၅ ခုနှစ်၏ ဒုတိယ ၃ လပတ် ကာလတွင် များစွာသောအမျိုးအစားများတစ်လျှောက် ဗီယက်နမ်တွင်ထုတ်လုပ်သည့်ကုန်ပစ္စည်း များကို ရှာဖွေမှုများမြင့်တက်ခဲ့ပြီး ဖိနပ်က ၁၇၂ ရာခိုင်နှုန်း၊ ထုတ်ပိုးမှုနှင့် ပုံနှိပ်ခြင်းက ၉၄ ရာခိုင် နှုန်း၊ စိုက်ပျိုးမွေးမြူရေးထုတ်ကုန်များက ၈၄ ရာခိုင်နှုန်း၊ အစားအစာနှင့် အဖျော်ယမကာက ၇၁ ရာခိုင်နှုန်းနှင့် အလှကုန်ပစ္စည်းများက ၆၈ ရာခိုင်နှုန်းမြင့်တက်ခဲ့ကြောင်း သိရပါသည်။ ဖွံဖြိုးပြီး နိုင်ငံများသည် ဗီယက်နမ်တွင် ၎င်းတို့၏မှာယူမှုများ မြင့်တက်ခဲ့ကြောင်း သိရပါသည်။ စက်မှုနှင့် ကုန်သွယ်ရေးဝန်ကြီးဌာနက King Coffee ၊ AnEco ၊ Sunhouse နှင့် Lafooco ကဲ့သို့သောအမှတ် တံဆိပ်များသည် နိုင်ငံတကာ e-marketplaces များတွင် နေရာရလာကြောင်း မှတ်ချက်ပြုခဲ့ပါ သည်။ ထိုရလဒ်များကဗီယက်နမ်သည် ကမ္ဘာလုံးဆိုင်ရာ e-commerce တွင် တည်ရှိမှုကြီးထွား လာသည်ကို ပြသနေကြောင်း သိရပါသည်။ ဥပမာအနေဖြင့်ဆိုပါက SUKAVINA ကုမ္ပဏီသည် Alibaba.com နှင့် ပူးပေါင်းပြီး ၇ လအကြာတွင် ပို့ကုန်ဝင်ငွေ အမေရိကန်ဒေါ်လာ ၂၀၀၀၀၀ ကျော် ရရှိခဲ့ကြောင်း သိရပါသည်။ ၂၀၂၅ ခုနှစ်မေလတွင် ထိုကုမ္ပဏီသည် ဂျပန်နှင့် အိန္ဒိယတို့နှင့် အမေရိကန်‌ဒေါ်လာ ၂.၅ သန်းတန်စာချုပ် ၂ ခုကို လက်မှတ်ရေးထိုးခဲ့ကြောင်း သိရပါသည်။ စက်မှုနှင့်ကုန်သွယ်ရေးဝန်ကြီးဌာနက ယခုနှစ်တွင် ဗီယက်နမ်၏ e-commerce ဈေးကွက်သည် အမေရိကန်‌ဒေါ်လာ ၂၅ ဘီလီယံကိုကျော်ဖြတ်ပြီး ၂၀၂၄ ခုနှစ်ကထက် ၂၀ ရာခိုင်နှုန်းမြင့်တက်ရန် မျှော်မှန်းရကြောင်း ပြောကြားခဲ့ပါသည်။ ဝန်ကြီးဌာန၏  e-commerce နှင့် ဒစ်ဂျစ်တယ်စီးပွားရေး အေဂျင်စီ၏ ဒုတိယညွှန်ကြားရေးမှူး Lai Viet Anh က ဌာနသည် ဥပေဒမူဘောင်များတိုးတက်ရန်၊ နိုင်ငံတော်ဒစ်ဂျစ်တယ်ပလက်ဖောင်းများအကောင်အထည်ဖော်ရန်နှင့် လုပ်ငန်းများကိုပံ့ပိုးပေးရန် အစရှိသည့် အဓိကဧရိယာ ၃ ခုကို အဓိကအာရုံစိုက်ထားကြောင်း ပြောကြားခဲ့ပါသည်။ ထိုဥပဒေ စင်္ကြန်သည် ဒစ်ဂျစ်တယ်နယ်ပယ်တွင်ငွေပေးချေမှု၊ ထောက်ပံ့ပို့ဆောင်ရေးနှင့် စားသုံးသူကာကွယ်ရေးလုပ်ငန်းစဉ်များလွယ်ကူချောမွေ့စေရန်   ကူညီပေးနိုင်မည်ဟုသိရပါ   သည်။

DOCA (ရန်ကုန်)