အာရပ်စော်ဘွားများ ပြည်ထောင်စု (UAE) ၏ အမျိုးသားလေကြောင်းလိုင်း Etihad Airways သည် အဘူဒါဘီ (Abu Dhabi) နှင့် ဖနွမ်းပင်တို့ကြား ၎င်း၏ ပထမဆုံး တိုက်ရိုက်လေကြောင်းခရီးစဉ်ကို ၅-၁၀-၂၀၂၅ ရက်နေ့တွင် စတင်ခဲ့ပြီး ကမ္ဘောဒီးယားမှ ကမ္ဘာသို့ ပျံသန်းမှုအသစ်ကို စတင်ချိတ်ဆက်ပေးခဲ့သည်။ Etihad Airways လေယာဉ် ရောက်ရှိလာခြင်းအတွက် ကြိုဆိုခြင်းအခမ်းအနားကို အောက်တိုဘာ ၄ ရက်က Techo အပြည်ပြည်ဆိုင်ရာ လေဆိပ်၌ ကမ္ဘောဒီးယားနိုင်ငံ၊ ခရီးသွားလာရေး ဝန်ကြီး Huot Hak နှင့် အခြား သက်ဆိုင်ရာ အဖွဲ့အစည်းများမှ အဆင့်မြင့်အရာရှိကြီးများ တက်ရောက်ခဲ့ကြသည်။ အဆိုပါ ဝန်ဆောင်မှုလမ်းကြောင်းအသစ်သည် ၂၀၂၅ ခုနှစ်၊ အောက်တိုဘာလ ၃ ရက်နေ့မှ စတင်ကာ တစ်ပတ်လျှင် လေးကြိမ်ပြေးဆွဲပေးနေကြောင်း လေကြောင်းလိုင်းကထုတ်ပြန်ထားသည်။ ဤကမ္ဘာ့အဆင့်မီ လမ်းကြောင်းကို စတင်ခြင်းသည် ကမ္ဘောဒီးယားသို့ နိုင်ငံတကာခရီးသွားများ တိုးပွားလာနေသော လိုအပ်ချက်ကို တိုက်ရိုက်ပံ့ပိုးပေးမည်ဖြစ်ကြောင်း Hak က အလေးအနက် ပြောကြားခဲ့သည်။ အဆိုပါလမ်းကြောင်းသစ်သည် စီးပွားရေးနှင့် အပန်းဖြေခရီးသွားများအတွက် ချိတ်ဆက်မှုကို တိုးမြှင့်ပေးမည်ဖြစ်ပြီး အရှေ့အလယ်ပိုင်းနှင့် အခြားနိုင်ငံများရှိ အခွင့်အလမ်းအသစ်များကို တံခါးဖွင့်ပေးမည်ဖြစ်ကြောင်း လေကြောင်းလိုင်းမှ ထုတ်ပြန်ခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)