ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့ပေါ်ရှိ အခြေခံပညာကျောင်းများတွင် ရောင်းချနေသည့် ကျောင်းမုန့်စျေးတန်းများစစ်ဆေးခြင်းနှင့် ကျန်းမာရေးအသိပညာပေးခြင်း များကို ၂၂-၉-၂၀၂၅ ရက်နေ့ နံနက် ၈နာရီအချိန်က ကျောင်းကျန်းမာရေးအဖွဲ့၊ စားသုံးသူရေးရာဦးစီးဌာန၊ ဌာနဆိုင်ရာပူးပေါင်းအဖွဲ့က ကွင်းဆင်းဆောင်ရွက်ခဲ့ကြသည်။
ကွင်းဆင်းဆောင်ရွက်ရာတွင် ဓနုဖြူမြို့နယ် အခြေခံပညာကျောင်းများတွင် ရောင်းချနေသော ကျောင်းမုန့်ဈေးတန်း ရောင်းချနေသော မုန့်များကို ဘေးအန္တရာယ်ကင်း၇ှင်းရေး စစ်ဆေးခြင်း၊ တာမြစ်ကုန်စည်များရောင်းချမှု ရှိမရှိ စစ်ဆေးခြင်း၊ ကုန်အညွှန်းအမှတ်အသားဖော်ပြပါဝင်သော ကုန်စည်များ ရောင်းချမှု ရှိမရှိကို စစ်ဆေးခြင်း၊ ကျောင်းမုန့်ဈေးတန်းများတွင် ရောင်းချနေသော ဆိုင်ရှင်များနှင့် မုန့်ဈေးတန်းကြီးကြပ်ရေးအဖွဲ့ ဝင်များကို အစားအသောက် ဝယ်ယူရောင်းချရာတွင် လိုက်နာရမည့် ကျောင်းမုန့်ဈေးတန်း အစားအသောက်ဘေးအန္တရာယ်ကင်းရှင်းရေး နှင့်ပတ်သက်၍ အသိပညာပေးခြင်း၊ ကျန်းမာရေးနှင့်ညီညွတ်သော ကျောင်းမုန့်ဈေးတန်းများ ပေါ်ပေါက်လာစေရန် ကျောင်းမုန့်ဈေးတန်းရှိ တာဝန်ရှိသူများကို အသိပညာပေး စစ်ဆေးဆောင်ရွက်ခြင်းကို ဓနုဖြူမြို့နယ် စားသုံးသူရေးရာဦးစီးဌာနမှ ဦးခိုင်လွမ်းမိုးက ရှင်းလင်း စစ်ဆေးခဲ့ပြီး မြို့နယ် အထွေထွေ အုပ်ချုပ်ရေး ဦးစီးဌာန၊ ကျန်းမာရေးဦးစီးဌာန တို့ပူးပေါင်း ပါဝင်ခဲ့ပြီး ဓနုဖြူမြို့ အ.ထ.က၁ကျောင်း၊ ရွှေကူး အ.ထ.ကကျောင်း၊ ပြင်ကသာ အ.ထ.ကကျောင်း၊ အမှတ်၂ အခြေခံပညာ အလယ်တန်းကျောင်း၊ အမှတ်၁ မူလတန်းကျောင်း (၅)ကျောင်းရှိ ကျောင်းမုန့်ဈေးတန်းကို စစ်ဆေးအသိပညာပေးခဲ့ကြောင်း သိရသည်။
DOCA(ဧရာဝတီ)