မြင်းခြံမြို့ သိုလှောင်ရုံပိုင်ရှင်မှ MyRO တွင်မှတ်ပုံတင်ထားရှိရေး လာရောက်လျှောက်ထား

   မြန်မာဆန်စပါးအွန်လိုင်း(MyRO)ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံး သူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး စားသုံးသူ ရေးရာဦးစီးဌာန၊ မြင်းခြံခရိုင်ဦးစီးမှူးရုံးအနေဖြင့် မြို့နယ်အတွင်းရှိ ဆန်စပါးလုပ်ငန်းရှင်များ၊ ဆန်ကုန် သည်များ၊ ဆန်စက်လုပ်ငန်းရှင်များနှင့်ဆန်စပါးလုပ်ငန်းလုပ်ကိုင်နေသောသူများအား သတ်မှတ်ပမာဏ များအလိုက် သိုလှောင်မှုများရှိပါက မြန်မာနိုင်ငံဆန်စပါးအွန်လိုင်း MyRO(www.myro.com.mm)တွင် မှတ်ပုံတင်ဆောင်ရွက်နိုင်ရေး အသိပေးဆောင်ရွက်လျက်ရှိပါသည်။

          မြင်းခြံမြို့နယ်တွင် လက်ရှိအချိန်ထိ (MyRO)တွင် မှတ်ပုံတင်ထားသော ဆန်သိုလှောင်ရုံ အလုံး (၂၀)ရှိပြီး ယခု စက်တင်ဘာလ(၁၇)ရက်နေ့တွင် မြင်းခြံမြို့ အမှတ်(၉)ရပ်ကွက်၊ ပိတောက်ရွှေဝါလမ်းရှိ အကယ်ဒမီဆန်ရောင်းဝယ်ရေးမှ (MyRO)တွင် မှတ်ပုံတင်ထားရှိနိုင်စေရေးအတွက် လာရောက်လျှောက် ထားရာ စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးတင်ဇော်ထွေး (ဦးစီးအရာရှိ)က သိုလှောင်ရုံလျှောက်ထားခြင်းနှင့်ပတ်သက်၍ လိုအပ်သည့်အချက်အလက်များ ဆောင်ရွက်ပေးခြင်းနှင့် MyRO မှတ်ပုံတင်ခြင်းနှင့်စပ်လျဉ်းသည့် သတ်မှတ်ချက်များ၊ ညွှန်ကြားချက်များ၊ စည်မျဉ်းစည်းကမ်းများ၊ လုပ်ငန်းရှင်များလိုက်နာရမည့်အချက်များနှင့် ဆောင်ရွက်ရမည့်လုပ်ငန်းစဉ်များ အား ရှင်းလင်းပြသ၍ လိုအပ်သည်များကိုကူညီဆောင်ရွက်ပေးခဲ့ကြောင်း သိရသည်။

DOCA(မန္တလေး)