ဧရာဝတီတိုင်းဒေသကြီး၊ ပုသိမ်မြို့ရှိ အဓိကဈေးကြီးများဖြစ်သည့် မြို့မဈေးနှင့်ဘူတာ ဈေးတို့တွင် အာလူးသီးနှင့် ဂျင်း(ချင်း)တို့ကို ရောင်းချလျက်ရှိပါသည်။ ရောင်းချနေသော ကုန်ပစ္စည်းအများစုမှာ ရှမ်းပြည်နယ် (အောင်ပန်း၊ ညောင်ရွှေ) နှင့် မန္တလေးတိုင်းဒေသကြီး (ပြင်ဦးလွင်) စသည့် ဒေသများမှ တင်ပို့လာခြင်းဖြစ်ပြီး အရည်အသွေးကောင်းမွန်သဖြင့် ဈေးကွက်တွင် ဝယ်ယူကြကြောင်း သိရပါသည်။ ပုသိမ်မြို့နယ်တွင် ၂၀၂၅ ခုနှစ်၊ စက်တင်ဘာလ ပထမပတ်အတွင်း ဖြစ်ပေါ်နေသော ဈေးနှုန်းများမှာ အာလူး အလုံးကြီး - (၁)ပိဿာ လျှင် ၆,၅၀၀ ကျပ်၊ (၅၀)ကျပ်သားလျှင် ၃,၂၅၀ ကျပ်၊ (၂၅)ကျပ်သား လျှင် ၁,၆၅၀ ကျပ်။ ပုသိမ်မြို့နယ်တွင် ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း ဖြစ်ပေါ် နေသော ဈေးနှုန်းများမှာ ဂျင်း(ချင်း)တက် (၁)ပိဿာလျှင် ၆,၅၀၀ ကျပ်မှ ၇,၀၀၀ ကျပ် (အရည်အသွေးကို လိုက်၍) ရောင်းချလျက် ရှိပါသည်။
ပုသိမ်မြို့ပေါ်ရှိ ဟင်းသီးဟင်းရွက်ရောင်းဝယ်ရေးလုပ်ငန်းရှင်တစ်ဦး၏ ပြောပြချက်အရ အာလူးနှင့်ဂျင်းသည် နေ့စဉ်ဟင်းလျာအတွက် အသုံးများသည့်အပြင် စားသောက်ဆိုင်များနှင့် မုန့်ဟင်းခါးဆိုင်များမှလည်း ဝယ်ယူမှုများကြောင်း၊ ယခုလို မိုးရာသီကာလအတွင်း သယ်ယူပို့ဆောင်ရေး ခက်ခဲမှုကြောင့် ယခင်ပတ်များနှင့်ယှဉ်လျှင် ဈေးနှုန်းအနည်းငယ် တည်ငြိမ်နေ ရသည်ဟု ဆိုပါသည်။ သို့ရာတွင် ဝယ်လိုအားကောင်းမွန်ပြီး အရောင်းအဝယ် ရှင်သန်လျက် ရှိကြောင်း သတင်းရရှိပါသည်။
DOCA (ဧရာဝတီ)