ခူသည် ကမ်းရိုးတန်းတစ်လျောက်ရေငန်ပိုင်းနှင့် ပင်လယ်ကျယ်များတွင် ရေပေါ်၌ပေါ်လေ့ရှိပါသည်။ ခူတွင် စားခူ၊ ခူနီ၊ ခူဝက်ခေါက်၊ ခူမီး(ခေါ်)ခူတောင်များဟူ၍ အမျိုးမျိုးရှိကြောင်း သိရှိရပါသည်။ ခူတွင် ခူနီ၊ ခူဝက်ခေါက်တို့သည် လူတို့အတွက်အသုံးမဝင်ဘဲ ခူမီး(ခေါ်)ခူတောင် များကို လက်ဖြင့်ကိုင်တွယ်မိပါက မီးကဲ့သို့ ပူလောင်ခြင်း၊ ယားယံခြင်းတို့ဖြစ်ကြောင်း ခူလုပ်သားတစ်ဦးထံမှ သိရှိရပါသည်။ ခူထွက်ရှိချိန် ဧပြီလနှင့်ဇွန်လများတွင် အများဆုံး ထွက်ရှိကြောင်း သိရှိရပါသည်။ ခူများကို ဖမ်းရာတွင် သံချိတ်များဖြင့် ဖမ်းပြီး ရေဆုတ်ပတ်များတွင် အများဆုံးဖမ်းကြောင်း သိရှိရပါသည်။
ယခုစက်တင်ဘာလဒုတိယပတ်တွင် မြိတ်မြို့ပေါ်ရှိ ရေခူဈေးနှုန်းများမှာ တစ်ပိဿာလျှင် (၁၄၀၀၀)ကျပ်နှင့် (၁၅၀၀၀)ကျပ်ခန့်ရှိကြောင်း သိရှိရပါသည်။ စားသောက်ဆိုင်များတွင် ခူသုပ် တစ်ပွဲလျှင် (၃၀၀၀)ကျပ်ရှိပြီး ခူများကို ကိုယ့်စိတ်ကြိုက် ကြက်သွန်ကြော်၊ ခရမ်းချဥ်သီး၊ မြေပဲ၊ နံနံပင်များထည့်ကာသုပ်စားရပါသည်။ ကမ်းရိုးတန်းဒေသထွက် ဟင်းအမယ်တစ်မျိုးဖြစ်ကြောင်း သိရှိရပါသည်။
DOCA(တနင်္သာရီ)