တနင်္သာရီတိုင်းဒေသကြီး၊ မြိတ်ခရိုင်တွင် ကွမ်းသီး၊ ရာဘာ၊ သီဟိုများစိုက်ပျိုးလျက်ရှိပြီး အခြားသီးနှံများဖြစ်သော ဒူးရင်းသီးကို အများဆုံး စိုက်ပျိုးထွက်ရှိလျက်ရှိပါသည်။ ဒေသထွက် ဒူးရင်းသီးများကို ပြည်တွင်း၊ ပြည်ပတင်ပို့နိုင်ရေး၊ စျေးကွက်ထိုးဖောက်နိုင်ရေးဆောင်ရွက်လျက်ရှိ ကြောင်း သိရှိရပါသည်။ ယခင်က အလုံးလိုက်တင်ပို့ရောင်းချလျက်ရှိပြီး အထားမခံခြင်းတို့ကြောင့် ဒူးရင်းသီးအသား(အနှစ်)ကို ထုတ်ပိုး၍ ပြန်လည်တင်ပို့ရောင်းချရန်ဆောင်ရွက်လျက်ရှိကြောင်း သိရှိ ရပါသည်။ ထုတ်ပိုးပြီး ဒူးရင်းသီးအသား(အနှစ်)ကို ကြာရှည်ခံစေရန် အအေးခန်း(freezer)များတွင် အမြဲထည့်ထားရန် လိုအပ်ကြောင်းသိရှိရပါသည်။ ယခင်က အလုံးလိုက်ရောင်းချရာတွင် လမ်းဘေး စျေးများ၌သာ အဓိကရောင်းချပြီး ဒူးရင်းမွန်ထောင်းသီးကိုသာ ထုတ်ပိုး၍ ကုန်တိုက်များတွင် ထည့်သွင်းရောင်းချလျက်ရှိသည်။ ရောင်းချရာတွင် ဒူးရင်းသီးအသား၊ အစေ့ နှစ်ခုပါ တစ်ထုတ်လျှင် ကျပ်(၁၀၀၀၀)ခန့် စျေးရရှိကြောင်း သိရှိရပါသည်။ ယခုအခါ ဒူးရင်းသီး အသား(အနှစ်)ကိုသာ ထုတ်ပိုး၍ ရန်ကုန်နှင့် မန္တလေးသို့ တင်ပို့ရန်ဆောင်ရွက်လျက်ရှိပြီး ပြည်ပသို့ပါ ပြန်လည်တင်ပို့ ရောင်းချဖို့ကြိုးစားဆောင်ရွက်လျက်ရှိကြောင်း သိရှိရပါသည်။ ဒူးရင်းသီးအသား(အနစ်)တစ်ကီလိုကို ကျပ်၆၀၀၀၀ခန့်စျေးဖြင့် ရောင်းချမည်ဖြစ်ကြောင်း ဒူးရင်းလုပ်ငန်းရှင်တစ်ဦးထံမှ သိရှိရပါသည်။
DOCA(တနင်္သာရီ)