ဧရာဝတီတိုင်းဒေသကြီး ပုသိမ်မြို့နယ်အတွင်းရှိ ဈေးများထဲတွင် ဟင်းခတ်အမွှေးအကြိုင် အဖြစ်အသုံးပြုသည့် ကြက်သွန်မြိတ်၊ စပါးလင်နှင့် နံနံပင်စသည့် ဟင်းသီးဟင်းရွက်များသည် ပုသိမ်မြို့နယ်ရှိ ဈေးများတွင် အရောင်းသွက်လျက်ရှိကြောင်း သိရသည်။
ဈေးများအတွင်းရှိ ကုန်စိမ်းရောင်းဝယ်ရေးနေရာတွင် ကျေးရွာများမှ တိုက်ရိုက်ရောက်ရှိ လာသော လတ်ဆတ်သည့် ကြက်သွန်မြိတ်များကို တစ်စည်းလျှင် ကျပ် ၅၀၀ မှ ၇၀၀ ကြား၊ စပါးလင်ပင်များကို ၁၀ ပင် တစ်စည်းလျှင် ကျပ် ၁,၅၀၀ မှ ၂,၀၀၀ ကြားဖြင့် ရောင်းချလျက်ရှိသည်။ နံနံပင်များကိုမူ တစ်စည်းလျှင် ကျပ် ၁,၀၀၀ ခန့်ဖြင့် ဈေးကောင်းရရှိနေကြောင်း ဈေးသည်တစ်ဦး ထံမှ သိရှိရသည်။
ဤဟင်းခတ်အမွှေးအကြိုင်အသီးအရွက်များကို ငါးပေါင်း၊ ငါးကင်၊ အသားဟင်းများ ချက်ပြုတ်ရာတွင်သာမက ဒေသ၏ထင်ရှားသော မုန့်ဟင်းခါးအမျိုးမျိုးတွင် မပါမဖြစ် အသုံးပြုကြ သဖြင့် ပြည်တွင်းဈေးကွက်အတွင်း ဝယ်လိုအားအမြဲမပြတ်မြင့်တက်လျက်ရှိကြောင်း သိရှိရပါသည်။
DOCA (ဧရာဝတီ)