မြင်းခြံမြို့နယ်အတွင်းရှိ နဘူးအိုင်ကျေးရွာ၊ တလုပ်ကျေးရွာနှင့် လေးအိမ်တန်းကျေးရွာများတွင် ချဉ်ပေါင်ရွက်များကို စီးပွားဖြစ်စိုက်ပျိုးထားကြောင်း၊ ၎င်းကို မိုးရာသီဖြစ်သော ဇွန်လမှ ဩဂုတ်လအထိ စိုက်ပျိုးကြောင်း၊ ရေစီးရေလာကောင်းပြီး သဘာဝမြေဩဇာကြွယ်ဝတဲ့မြေနုမှာ စိုက်ပျိုးဖြစ်ထွန်းကြောင်း၊ စိုက်ပျိုးပြီး ၄၅ ရက်မှ ၆၀ ရက်ခန့်အတွင်း ခူးဆွတ်၍ဈေးကွက် သို့တင်ပို့ရောင်းချကြောင်း သိရှိရပါသည်။
မြင်းခြံမြို့ရှိကုန်စိမ်းဈေးဖြစ်သော အေးမြသီတာဈေးတွင် ၂၀၂၅ ခုနှစ်၊ စက်တင်ဘာလ ပထမပတ်တွင် ရောင်းချနေသော ချဉ်ပေါင်ရွက် ၁၀ စည်းလျှင် (၅၀၀)ကျပ်ခန့် ပေါက်ဈေးများ ဖြင့်ရောင်းချကြောင်း၊ ယခင် ဩဂုတ်လပထမပတ်တွင် ချဉ်ပေါင်ရွက် (၁၀)စည်းလျှင် (၁၀၀၀) ကျပ် ပေါက်ဈေးများရှိခဲ့ကြောင်း၊ ကာလတူနှိုင်းယှဉ်ပါက ယခုလတွင် ချဉ်ပေါင်ရွက် ၁၀ စည်းလျှင်(၅၀၀) ကျပ်ခန့်ဈေးနှုန်းများ ကျဆင်းခဲ့ကြောင်း၊ ယခုမိုးရာသီကာလတွင် ချဉ်ပေါင်ရွက်နုများ ထွက်ပေါ်ချိန်ဖြစ်၍ ဈေးနှုန်းများကျဆင်းခဲ့ခြင်းဖြစ်ကြောင်း သိရှိရသည်။ စားဖိုဆောင်အုပ်စုဝင်ချဉ်ပေါင်ရွက်သည် နေ့စဉ်အရံဟင်းလျာများတွင် ချက်ပြုတ်စားသုံးကြသောကြောင့် စီးပွားဖြစ်စိုက်ပျိုးပါက မိသာစုစားဝတ်နေရေး အဆင်ပြေကြောင်း နေ့စဉ်ချဉ်ပေါင်ရွက် အစည်းရေ (၅၀၀-၁၀၀၀)စည်းခန့်အရောင်း အဝယ်ဖြစ်ကြောင်း ချဉ်ပေါင်စိုက်ဝောာင်သူ၏ ပြောပြချက်အရ သိရှိရသည်။
DOCA(မန္တလေး)