ဩဇာသီး၏အရသာမှာ အချိုဓာတ် လေးလေး ပင်ပင်ရှိသောကြောင့် အင်မတန်အရသာထူးသော အသီးတစ်မျိုးဖြစ်ပါသည်။
ထို့ပြင် လူသားများအတွက် ကျန်းမာရေးကိုအထောက်အကူဖြစ်စေသော အဟာရဓာတ်များ အများအပြားပါဝင်ပါသည်။ ဩဇာသီးမှာ အသီးသာမက အစေ့၊ အရွက်နှင့် အမြစ်များပါမကျန် ဆေးဖက်ဝင်ကြောင်း လေ့လာသိရှိရပါသည်။အမျှင်ဓါတ်ပါဝင်သောကြောင့် ဝမ်းချုပ်ခြင်းမှကာကွယ် ပေးပါသည်။ ဩဇာရွက်ကိုကြိတ်၍ သောက်သုံးပေးခြင်းဖြင့် သန်ကောင်နှင့်တုတ်ကောင်များကို ကျစေနိုင်ပါသည်။ အစာခြေစနစ်ကောင်းမွန်သောကြောင့် ထမင်းစားပြီးတိုင်း မှီဝဲသင့်သော အသီးတစ်မျိုးဖြစ်ပါသည်။
ပုသိမ်မြို့တွင်းသို့ ဝင်ရောက်လာသော ဩဇာသီးများမှာ အလုံးကြီး၊ လတ်၊ သေး အလိုက် (၁)လုံးလျှင် ၇၀၀ ကျပ်၊ ၈၀၀ကျပ်နှင့် ၁၀၀၀ ကျပ်အထိ ဈေးကောင်းရလျက်ရှိကြောင်း ပုသိမ်မြို့၊ မြို့မဈေးရှိ အသီးရောင်းချသူတစ်ဦးထံမှ လေ့လာသိရှိရပါသည်။
(DOCA ဧရာဝတီ)