ယခုဇူလိုင်လလယ်ခန့်မှစ၍ ပြည်ဈေးကွက်၌ နာနတ်သီးများအရောင်းသွက်လျက်ရှိပြီး ရောင်းချသူများမှလည်းတစ်နေ့လျှင်ဝင်ငွေအကျိုးအမြတ်ကျပ်(၂၀၀၀၀)ခန့်အကျိုးအမြတ်ရှိနေကြောင်း သိရပါသည်။ ပြည်ဈေးကွက်သို့ ရှမ်းပြည်နယ်တောင်ပိုင်း၊ အောင်ပန်း၊သီပေါ၊ တောင်ကြီး၊ ကလောဘက်တို့မှ တစ်ပတ်လျှင် (၂)ကြိမ်ခန့်အဝင်ရှိနေပြီးတစ်ပတ်လျှင် အလုံးရေ (၇၀၀၀-၈၀၀၀)ခန့် ဝင်ရောက်မှုရှိနေသည်။ ပြည်ဈေးကွက်အတွင်းတွင် နာနတ်သီးရောင်းချသည့် ရာသီပေါ် ဆိုင်များ(၂၀)ဆိုင် ခန့်ရှိပြီး (၁)ဆိုင်လျှင် အလုံးရေ (၄၀)ခန့်ရောင်းအားရှိကြောင်း စုံစမ်း မေး မြန်းသိရှိရပါသည်။ အရောင်းအဝယ်မှာ ပြည်မြို့ပေါ်ရှိဈေးကွက်အတွင်း ဝင်ရောက်မှုရဲ့ အားလုံး နီးပါးခန့် အရောင်းအဝယ်ဖြစ်လျက်ရှိပြီး ဈေးနှုန်းမှာလက်ကားသောင်ပြောင်းဈေးမှာ (၁)လုံးလျှင် ကျပ်(၂၇၀၀)နှုန်းတို့ဖြင့်ဖောက်သည်ဈေးယူရကာစားသုံးသူလက်အရောက်လက်လီတစ်လုံးလျှင် (အကြီး) ကျပ် ၃၅၀၀ကျပ်၊ (အသေး)ကျပ် (၃၀၀၀)နှုန်းတို့ဖြင့် အသီးသီး ရောင်းဝယ် လျက်ရှိ နေကြောင်း သိရပါသည်။
DOCA(ပဲခူး)