မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၊ မြို့မဈေး၌ နဂါးမောက်သီးကို မန္တလေးတိုင်း၊ ပုပ္ပါးနယ်ရှိ နဂါးမောက်ခြံများမှ မှာယူရောင်းချကြောင်း သိရှိရပြီး ၂၀၂၅ခုနှစ်၊ ဇွန်လ(ပထမပတ်)မှ စတင်၍ ထွက်ပေါ်လျက်ရှိရာ ဇူလိုင်လ(တတိယပတ်)တွင် လှိုင်လှိုင်ထွက်ရှိပြီး ဈေးအတွင်းသို့ ဝင်ရောက်မှုများလျက်ရှိကြောင်းသိရသည်။
၂၀၂၅ ခုနှစ်၊ ဇူလိုင်လ(ဒုတိယပတ်)တွင် နဂါးမောက်သီး(အလုံးကြီး)(၁)လုံးလျှင် ကျပ်(၁၃၀၀)၊ အလုံးလတ်(၁)လုံးလျှင် ကျပ်(၁၂၀၀)နှင့် အလုံးသေး(၁)လုံးလျှင် ကျပ်(၁၀၀၀) ဖြင့်ရောင်းချခဲ့ပြီး ဇူလိုင်လ(တတိယပတ်)တွင် (အလုံးကြီး)(၁)လုံးလျှင် ကျပ်(၈၀၀)၊ အလုံးလတ်(၁)လုံးလျှင် ကျပ်(၇၅၀) နှင့် အလုံးသေး(၁)လုံးလျှင် ကျပ်(၇၀၀)ဖြစ်၍ ဈေးနှုန်းနှိုင်းယှဉ်ပါက အလုံးကြီး(၁)လုံးလျှင် ကျပ်(၅၀၀)၊ အလုံးလတ်(၁)လုံးလျှင် ကျပ်(၄၅၀)နှင့် အလုံးသေး(၁)လုံးလျှင် ကျပ်(၃၀၀)ဈေးနှုန်းကျဆင်းသွား ကြောင်း သိရသည်။ ယခုအချိန်တွင် မကွေး၊ မင်းဘူးမြို့ပေါ်နှင့် အနီးအနားကျေးရွာတို့မှ နဂါးမောက်သီး အထွက်နှုန်းများလျက်ရှိသောကြောင့် ဈေးနှုန်းများမှာ ကျဆင်းလာရခြင်းဖြစ်ကြောင်း သိရှိရသည်။
DOCA(မကွေး)