ဥရောပသမဂ္ဂ EU သည် နှစ်ဦးနှစ်ဖက် ကုန်သွယ်ရေးလုပ်ဆောင်မှုများ မအောင်မြင်ခဲ့လျှင် အမေရိကန် ကုန်ပစ္စည်းများအား ယူရို ၂၁ ဘီလီယံ (ဒေါ်လာ ၂၄.၅၂ ဘီလီယံခန့်) တန်ကြေးရှိသော အခွန်များ ကောက်ခံသွားမည်ဖြစ်ကြောင်း အီတလီ နိုင်ငံခြားရေးဝန်ကြီး Antonio Tajani က ဇူလိုင်လ ၁၄ ရက်နေ့တွင်ပြုလုပ်သော သတင်းစာအင်တာဗျူးတစ်ခုတွင် ပြောကြားခဲ့ပါသည်။ သမ္မတ Donald Trump သည် ဇူလိုင်လ ၁၂ ရက်နေ့တွင် မက်ဆီကိုနိုင်ငံ မှတင်ပို့ကုန်များတွင် ၃၀ ရာခိုင် နှုန်း အခွန်တိုးမြင့်ကောက်ခံရန် ခြိမ်းခြောက်ခဲ့ပြီး EU အနေဖြင့်လည်း သြဂုတ်လ ၁ ရက်နေ့တွင် အမေရိကန်နိုင်ငံ၏ အဓိကကုန်သွယ်ရေးမိတ်ဖက်နှင့် သဘောတူညီမှု မအောင်မြင်ခဲ့လျှင် အကောက်ခွန်များတိုးမြင့်မည် ဖြစ်ကြောင်း သိရပါသည်။ Tajani က ဥရောပ စီးပွားရေးဇုန်အား အထောက်အကူပြုရန် ဥရောပ ဗဟိုဘဏ်အနေဖြင့် ငွေချေးစာချုပ်အသစ်နှင့် အတိုးနှုန်းဖြတ် တောက်မှုများအပေါ် ပြန်လည်စဥ်းစားပေးသင့်ကြောင်း ပြောကြားခဲ့ပါသည်။ EU က အမေရိကန် နိုင်ငံအပေါ် ၎င်း၏ တန်ပြန်အစီအမံများကို သြဂုတ်လမတိုင်ခင်အထိ ဆိုင်းငံ့ထားမည်ဖြစ်ပြီး အမေရိကန်နိုင်ငံအား ဆက်လည် ဖိအားပေးသွားမည်ဖြစ်ကြောင်း ဇူလိုင်လ ၁၃ ရက်နေ့တွင် ပြောကြားခဲ့ပါသည်။ Tajani က အမေရိကန်နိုင်ငံနှင့် ညှိနှိုင်းမှုများမအောင်မြင်ခဲ့လျှင် EU သည် ယူရို ၂၁ ဘီလီယံတန်ကြေး ရှိသော အကောက်ခွန်များကို အမေရိကန်နိုင်ငံအားကောက်ခံရန် ပြင်ဆင်နေထားပြီးဖြစ်ကြောင်း နှင့် ၎င်းအနေဖြင့် ညှိနှိုင်းမှုများတွင်တိုးတက်ရန် ယုံကြည်ချက် ရှိကြောင်း ပြောကြားခဲ့ပါသည်။ ထို့အပြင် ၎င်းက ၎င်း၏ရည်မှန်းချက်သည် ကနေဒါနိုင်ငံနှင့် မက်ဆီကိုနိုင်ငံကြားတွင် အကောက်ခွန်များ မရှိရန် ဖြစ်ကြောင်း ပြောကြားခဲ့ပါသည်။
DOCA(ရန်ကုန်)