ကမ္ဘောဒီးယားနှင့် စင်ကာပူတို့အကြား ဆက်ဆံရေး၊ ပူးပေါင်းဆောင်ရွက်မှုများ ပိုမိုတိုးမြှင့်ရန် ကတိပြုခဲ့

ကမ္ဘောဒီးယားနှင့် စင်ကာပူနိုင်ငံတို့သည် ဇူလိုင်လ ၂ ရက်နေ့က နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုကို ပိုမိုမြှင့်တင်ရန် ကတိပြုခဲ့ကြောင်းသိရသည်။ ကမ္ဘောဒီးယားဝန်ကြီးချုပ် ဟွန်မာနက်နှင့် ကမ္ဘောဒီးယားနိုင်ငံသို့ အလည်အပတ်ရောက်ရှိနေသော စင်ကာပူနိုင်ငံခြားရေး ဝန်ကြီး Lawrence Wong တို့ ဖနွမ်းပင်တွင် တွေ့ဆုံစဉ် ကတိကဝတ်ပြုခဲ့ခြင်းဖြစ်သည်ဟု ကမ္ဘောဒီး ယားဝန်ကြီးချုပ်၏ ပြောရေးဆိုခွင့်ရှိသူ၏ သတင်းထုတ်ပြန်ချက်အရသိရသည်။ ခေါင်းဆောင်နှစ်ဦး လုံးသည် နှစ်နိုင်ငံကြား ပူးပေါင်းဆောင်ရွက်မှုကို ပိုမိုခိုင်မာစေရန် တိုးချဲ့ဆောင်ရွက်သွားဖို့ ကတိပြု ထားကြောင်း ထုတ်ပြန်ချက်တွင် ဖော်ပြထားသည်။ ကုန်သွယ်ရေး၊ ရင်းနှီးမြှုပ်နှံမှု၊ ဘဏ္ဍာရေး၊ ပြည်သူနှင့် ပြည်သူ ချိတ်ဆက်မှု၊ ကာကွယ်ရေး၊ လုံခြုံရေး၊ စိုက်ပျိုးရေး၊ စားနပ်ရိက္ခာဖူလုံရေး၊ စွမ်းအင်နှင့် လူသားအရင်း အမြစ် ဖွံ့ဖြိုးတိုးတက်ရေးစသည့် အရေးကြီးသော နယ်ပယ်များစွာတွင် ပူးပေါင်းဆောင်ရွက်မှုကို ဆက်လက်အားကောင်း ခိုင်မာစေရန် ဆက်လက်ဆွေးနွေးသွားရန် သဘော တူညီခဲ့ကြကြောင်းသိရသည်။ နှစ်နိုင်ငံဝန်ကြီးချုပ်နှစ်ဦးသည် နှစ်နိုင်ငံနှင့် ပြည်သူများ၏ အကျိုးစီးပွားအတွက် ဒေသတွင်းနှင့် နိုင်ငံတကာမူဘောင်များအတွင်း ပူးပေါင်းဆောင်ရွက်ရေးဆိုင်ရာ အမြင်ချင်းဖလှယ် ဆွေးနွေးခဲ့ကြောင်း သတင်းထုတ်ပြန်ချက်တွင် ဖော်ပြထားချက်အရ သိရှိရပါသည်။ Source : Xinhua DOCA(ရန်ကုန်)