အင်းကြင်းပန်း၏ အဓိပ္ပာယ်သည် “ မြင့်မြတ်သော ဘာသာရေးထုံးတမ်းများ” ဟူ၍ ဖြစ်သည်။ အင်ကြင်းပင်ကို ပါဠိလို လုမ္ဗီနီ ဟုခေါ်သည်။ အင်ကြင်းပန်းသည် ကြာပန်းနည်းတူ ဗုဒ္ဓဘာသာဝင်တို့အမှတ်သင်္ကေတပန်းဖြစ်သည်။ အင်းကြင်းပန်းသည် အပင်ကြီးမျိုးဖြစ်ပြီး အပူပိုင်းနှင့် သမပိုင်းဒေသများတွင် ရှင်သန်ဖြစ်ထွန်းပါသည်။ အင်ကြင်းပန်းပင်ကို ဘုရားစေတီ ဘုရားဝင်းနှင် ဘုန်းကြီးကျောင်းများတွင် အများဆုံးစိုက်ပျိုးကြသည်။ အင်ကြင်းပင်သည် နှစ်ရှည်ပင်မျိုးဖြစ်ပြီး (၅)နှစ်(၁၀)နှစ် သက်တမ်းရှိမှ ပန်းပွင့်ပါသည်။ ယခုအချိန်တွင် အင်ကြင်း ပန်း၏ ရနံ့သည် ချိုမွှေးသောရနံ့ဖြစ်၍ ပျားပိတုန်းနှင့်ငှက်များ ကြိုက်သည့်ပန်းဖြစ်သည်။ အင်ကြင်း ပန်းများကို ခူးယူ၍ ဘုရားလှူကြသည်။ ဆံကေသညာထက် ဆင်မြန်းသောပန်းမဟုတ်ပေမယ့် အင်ကြင်းပန်းသည် ကျက်သရေရှိစွာ တင့်တယ်လှပသည့် ပန်းဖြစ်သည်။ အချို့အင်ကြင်းပန်းပင်ကို အိမ်ခြံဝင်းအတွင်း အရိပ်ရပင်၊ ပန်းအလှပင်အဖြစ် စိုက်ပျိုးမှုရှိလာသောကြောင့် အင်ကြင်းပျိုး ပင်ဝယ်ယူမှု များလည်း အနည်းငယ်ရှိလာကြောင်း ၊ ပျိုးပင်တစ်ပင်လျှင် အပင်အရွယ်အစား သက်တမ်းပေါ်မူတည်၍ တစ်ပင်လျှင် (၅၀၀၀/၁၀၀၀၀) ကျပ်ဖြင့် ရောင်းချလျှက်ရှိကြောင်း ပန်းပျိုးပင်ဈေးကွက်မှ သိရှိရသည်။
DOCA(မန္တလေး)