ငရုတ်သီးကို မြန်မာနိုင်ငံနေရာအနှံအပြားတွင် စိုက်ပျိုးနိုင်ပြီး တနင်္သာရီတိုင်း၊ မြိတ် ခရိုင်တွင်လည်း စိုက်ပျိုးလျက်ရှိသည်။ ဒေသတွင်း စားသုံးရန်အတွက်စိုက်ပျိုးလျက်ရှိပြီး အခြား တိုင်းနှင့် ပြည်နယ်များမှလည်းမှာယူ၍ ရောင်းချလျက်ရှိသည်။ ငရုတ်သီးသည် နေရောင်ခြည် ကောင်းစွာကြိုက်သောကြောင့် အပူပိုင်းဒေသဖြစ်သောနေရာများတွင် ကောင်းစွာ စိုက်ပျိုးနိုင်သည်။ ငရုတ်သီးများကို ငရုတ်သီးခြောက်နှင့်ငရုတ်သီးအမှုန့်များ ပြုလုပ်ပြီး စျေးကွက်တွင် စီးပွားဖြစ် တင်ပို့ရောင်းချလျက်ရှိသည်။ ယနေ့မြိတ်မြို့တွင် ငရုတ်သီးစျေးနှုန်းမှာ တစ်ပိဿာလျှင် ၉၀၀၀ကျပ် ခန့် ရှိနေပြီး ငရုတ်သီးခြောက်စျေးနှုန်းမှာ ၂၀၀၀၀ကျပ်ခန့်နှင့် ငရုတ်သီးအမှုန့်တစ်ထုတ်လျှင် ၁၀၀၀ကျပ်ခန့် ရှိကြောင်း သိရှိရပါသည်။
DOCA(တနင်္သာရီ)