ကျွန်းလှမြို့တွင် စိုက်ပျိုးရေးကို အဓိကလုပ်ကိုင်လျက်ရှိရာ စားဖိုဆောင်သီးနှံများ၊ နှစ်ရှည် သီးနှံပင်များကို စိုက်ပျိုးထားကြသည့်အနက် နှစ်ရှည်ပင်ဖြစ်သည့် ပိန္နဲပင်သည်လည်း တစ်မျိုးပါဝင် ပါသည်။ ပိန္နဲသီးပြုတ်ကို ဖေဖော်ဝါရီလ အတွင်းတွင် စတင်ပေါ်ထွက်လာပြီး ဈေးကွက် အတွင်း သို့ ရောက်ရှိလာခြင်း ဖြစ်ပါသည်။ ပိန္နဲသီးပြုတ်ကို မိမိတို့ဒေသတွင်သာမက ဒေသတိုင်းတွင် လူကြိုက် များပြီး အစားများကြသော အသီးတစ်မျိုးဖြစ်ပါသည်။
ပိန္နဲသီးပြုတ်ကို မိမိတို့ကြိုက်နှစ်သက်သည့် ပုံစံအမျိုးမျိုးဖြင့် ချက်ပြုတ် စားသောက်ကြပုံမှာ ပိန္နဲသီးပြုတ်ကို ဆီကျက်၊ မြေပဲဆံထောင်းတို့ဖြင့် သုပ်စားခြင်း၊ ပိန္နဲသီးပြုတ်ကို ဝက်သားဖြင့် ရောချက်ခြင်း၊ ပိန္နဲသီးပြုတ်ကို ဆူးပုတ်ရွက် ခဆော့သီးစသည့် သီးနှံအစုံရောချက်ခြင်း နှင့် ပိန္နဲသီးပြုတ်ကို ငပိရည်ဖြင့် တို့စားခြင်း စသည်ပုံစံများဖြင့် ချက်ပြုတ်စားသောက်ကြပါသည်။
ယခု ၂၀၂၅ ခုနှစ်၊ ဇွန်လ စတုထ္ထအပတ် ကျွန်းလှမြို့၊ သစ်ရာမြိုင်ဈေးတွင် ရောင်းချနေသော ပိန္နဲသီးပြုတ် ဈေးနှုန်းအနေဖြင့် ပိန္နဲသီးပြုတ် လက္ကား တစ်ပိဿာလျှင်(၅၅၀၀)ကျပ်၊ ပိန္နဲသီးပြုတ် လက်လီ တစ်ပိဿာလျှင်(၆၀၀၀)ကျပ်၊ ပိန္နဲသီးပြုတ်(၅၀) ကျပ်သားလျှင်(၃၀၀၀)ကျပ် နှင့် ပိန္နဲသီး ပြုတ်(၂၅)ကျပ်သားလျှင် (၁၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း သိရပါ သည်။
DOCA(စစ်ကိုင်း)