ကန့်ဘလူခရိုင်၊ ကျွန်းလှမြို့နယ်အတွင်း စိုက်ပျိုးရေးကို အဓိကလုပ်ကိုင်လျက်ရှိရာ မိမိတို့ အိမ်ခြံ ဝင်းအတွင်းနှင့် တောင်ယာမြေများတွင် တစ်နိုင်တစ်ပိုင်အနေဖြင့် စားဖိုဆောင်သီးနှံများကို စိုက်ပျိုးထားကြသည့်အနက် ဆူးပုတ်ရွက်သည်လည်း တစ်မျိုးပါဝင်ပါသည်။ ပိတ်ချင်းရွက် နှင့် ဆူပုတ်ရွက်တို့ကို ကန့်ဘလူမြို့နယ်၊ ပေကုန်းကျေးရွာနှင့် ကျွန်းလှမြို့ပေါ်ရပ်ကွက်အသီးသီးတို့မှ လာရောက်ရောင်းချခြင်းဖြစ်ပါသည်။
ဆူပုတ်ရွက်သည်လည်း အကြော်သည်များတွင် အကိုင်းလိုက်ကင်ပေါင်းကြော်ရောင်းခြင်း၊ ဆူးပုတ်ရွက်ကို အရွက်စုံဖြင့် ချက်စားခြင်း၊ ကြက်ဥဖြင့် ကြော်စားခြင်း၊ ဆူးပုတ်ရွက်ကို ကြိုးဖြင့် စည်း၍ အစည်းအလိုက်ချက်စားခြင်း၊ ဘူးသီးဟင်းခါးတွင်ဆူးပတ်ခတ်စားခြင်း၊ ပဲဟင်းချိုချက် ရာတွင် ဆူးပုတ်ခတ်ချက်ခြင်း နှင့် ပိန္နဲသီးအနုပြုတ်ဖြင့်လည်း ရောချက်စားကြပါသည်။
ယခု ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့၊ ပိတောက်မြိုင်ဈေးတွင် ဖြစ်ပေါ်လျက်ရှိသော ဆူးပုတ်ရွက် ဈေးနှုန်းအနေဖြင့် ဆူးပုတ်အစည်း(၁)စည်းလျှင် (၃၀၀)ကျပ် ၊(၂)စီးလျှင်(၅၀၀)ကျပ် နှင့် (၁၀)စည်းပါ တစ်ထုံးလျှင်(၂၈၀၀)ကျပ်ဈေးနှုန်းတို့ဖြင့်လည်းကောင်း ပိတ်ချင်းရွက် ဈေးနှုန်းအနေဖြင့် ပိတ်ချင်းရွက် အစိမ်း တစ်ပုံလျှင်(၅၀၀)ကျပ်၊ ပိတ်ချင်း ရွက်ပြုတ် (၁)ပိဿာလျှင်(၄၅၀၀)ကျပ်နှင့် ပိတ်ချင်းရွက်ပြုတ်(၁၀)ကျပ်သားခန့် တစ်လုံးလျှင်(၅၀၀)ကျပ် ဈေးနှုန်းဖြင့် ရောင်းချလျက်ရှိကြောင်း ကုန်စိမ်း ရောင်းချသည့် လုပ်ငန်းရှင် တစ်ဦးထံမှ သိရပါ သည်။
Doca(စစ်ကိုင်း)