ဇင်ဘာဘွေနိုင်ငံ၏ စည်းကမ်းရှိသောမူဝါဒများသည် ပြည်တွင်းဇင်ဘာဘွေဒေါ်လာ ငွေကြေးကို တည်ငြိမ်စေပြီး ငွေကြေးဖောင်းပွမှုကို လျှော့ချနိုင်သည်ဟု အပြည်ပြည်ဆိုင်ရာ ငွေကြေးရန်ပုံငွေအဖွဲ့(IMF)က ချီးကျူးလိုက်သည်။ မိုးခေါင်မှုဒဏ်ကြောင့် လယ်ယာထွက်ကုန် များ ကျဆင်းခဲ့ကာ ၂၀၂၄ ခုနှစ်တွင် သိသိသာသာ နှေးကွေးသွားပြီးနောက် နိုင်ငံ၏ တိုးတက်မှုသည် ယခုနှစ်အတွင်း ပြန်လည်ကောင်းမွန်လာကြောင်း IMF မှ ပြောကြားခဲ့သည်။ ၂၀၂၅ ခုနှစ် ပထမနှစ်ဝက်အတွင်း ပိုမိုကောင်းမွန်သော ရာသီဥတုအခြေအနေများနှင့် သမိုင်းကြောင်းအရ ရွှေစျေးများ ပြန်လည်ကောင်းမွန် လာစေရန် ပံ့ပိုးပေးသည့် စိုက်ပျိုးရေးနှင့် သတ္တုတူးဖော်ရေး လုပ်ငန်းများကို မြှင့်တင်ခဲ့ပြီး တိုးတက်မှု နှုန်းမှာ ၂၀၂၅ ခုနှစ်တွင် ၆ ရာခိုင်နှုန်းအထိ ရှိမည်ဟု ခန့်မှန်းထားသည်။ ဇင်ဘာဘွေ အာဏာပိုင်များ၏ တည်ငြိမ်ရေးကြိုးပမ်းမှုများကို ပံ့ပိုးရန် IMF သည် လူမှုရေးအသုံးစရိတ်ကို အကာအကွယ်ပေးကာ ထိရောက်သော ငွေကြေးမူဝါဒ မူဘောင်နှင့် စျေးကွက်သတ်မှတ်ထားသော ငွေလဲနှုန်းမူဝါဒတို့မှတဆင့် ဘဏ္ဍာရေးမူဝါဒကို တင်းကျပ်ခြင်းအပါအဝင် အကြံပြုချက်အများအပြားကို ပြုလုပ်ခဲ့သည်။ အဓိကမူဝါဒဆိုင်ရာပြဿနာများ ကိုဖြေရှင်းရန် အာဏာပိုင်များက ပြတ်ပြတ်သားသား ခြေလှမ်းများ လုပ်ဆောင်မှုပြီးစီးသည်နှင့် တောင်းဆိုထားသော ဝန်ထမ်းစောင့်ကြည့်ရေး အစီအစဉ်အတွက် ဇင်ဘာဘွေနှင့် ဆွေးနွေးမှုများ ပြန်လည်စတင်ရန် အဆင်သင့်ရှိကြောင်း IMF က ထပ်လောင်းပြော ကြားခဲ့ကြောင်းသိရှိရပါသည်။
Source : Xinhua
DOCA(ရန်ကုန်)