“မြစ်သားမြို့နယ်၏နှံစားပြောင်းရိတ်သိမ်းမှုနှင့်စျေးနှုန်းစျေးကွက်”

          မန္တလေးတိုင်းဒေသကြီး ၊ ကျောက်ဆည်ခရိုင် ၊ မြစ်သားမြို့နယ်တွင် နှံစားပြောင်းသီးနှံများ အောင်မြင်စွာရိတ်သိမ်းပြီးစီးပြီဖြစ်ကြောင်း ၊ မြို့နယ်အတွင်း စိုက်ဧက(၁၃၆၄)ဧက စိုက်ပျိုးနိုင်ခဲ့ပြီး ရိတ်သိမ်းဧက(၁၃၆၄)ဧကအားလုံး ရိတ်သိမ်းပြီးစီးပြီဖြစ်ကြောင်း ခရိုင်ကြေးတိုင်နှင့်မြေစာရင်းဦးစီး ဌာန၏စာရင်းများအရသိရှိရပါသည် ။ အများဆုံးစိုက်ပျိုးသောရွာများမှာ ကျားတွင်း၊ရစ်ကန်ရွာနှင့် ရိုးကန်ရွာများတွင် အများဆုံးစိုက်ပျိုးကြပါသည်။အများဆုံးစိုက်ပျိုးသောမျိုးမှာ ထွက်တိုးနီမျိုးများဖြစ် ပြီးနှံစားပြောင်းစိုက်ပျိုးမှု ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း (၂၅၀၀၀၀/-)ကျပ်ခန့်ကုန်ကျကြောင်း၊(၁)ဧက စိုက်ပျိုးမှုမျိုးအနေဖြင့်(၄)ပြည်ကုန်ကျကြောင်း၊စိုက်ပျိုး ရာတွင်စိုက်ကြောင်းဆွဲ ထယ်ထွန်၍စိုက်ပျိုးကြကြောင်း ၊စို က်ပျိုးပြီး(၄)လအကျော်တွင် နှံစားပြောင်း သီးနှံများရိတ်သိမ်း၍ရကြောင်း ၊ အထွက်နှုန်းအနေဖြင့်(၃၅-၄၀)တင်းထွက်ရှိကြောင်း ၊ ယခုလက်ရှိ နှံစားပြောင်းသီးနှံ တစ်တင်းလျှင်(၂၄၀၀၀/-)ကျပ်စျေးဖြင့် ရောင်းဝယ်လျှက်ရှိကြောင်း ၊ စျေးကွက် အနေဖြင့်တောင်သူများမှ မြို့ပေါ်ပွဲရုံများသို့တိုက်ရိုက်တင်ပို့ရောင်းချကြကြောင်း၊ပွဲရုံများမှတစ်ဆင့် မန္တလေး၊ရန်ကုန်မြို့များသို့တင်ပို့ရောင်းချလျှက်ရှိကြောင်း ၊ နှံစားပြောင်းစိုက်ပျိုးမှုအကျိုးအမြတ် အနေဖြင့်စိုက်ပျိုးစရိတ်နှုတ်ပြီး(၇)သိန်းကျော်ခန့် အကျိုးအမြတ်ဖြစ်ထွန်းကြောင်း ၊ နှံစားပြောင်း စျေးနှုန်းအနေဖြင့်ယခင်နှစ်ထက်စျေးနှုန်းမြင့်တက်ခဲ့သောကြောင့်တောင်သူများစိုက်ပျိုးရကျိုးနပ်၍ နှံစားပြောင်းသီးနှံကိုတိုးချဲ့စိုက်ပျိုးသင့်ပါကြောင်းရေးသားတင်ပြအပ်ပါသည်။

DOCA(မန္တလေး)