မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်ပြီး သီးနှံမျိုးစုံစိုက်ပျိုးဖြစ်ထွန်းလျက်ရှိပါသည်။စပါး၊ ပဲ၊ နှမ်း၊ ကြက်သွန်များစိုက်ပျိုးသည့်အပြင်ဆီထွက် သီးနှံတစ်မျိုးဖြစ်သည့် မြေပဲသီးနှံကိုလည်းတောင်သူများတိုးချဲ့စိုက်ပျိုးလာကြပါသည်။ ဆောင်းမြေပဲ စိုက်ဧကအနေဖြင့် ကျောက်ဆည်မြို့နယ်တွင်(၂၉၉)ဧက စိုက်ပျိုးထားရှိပြီး ဧကအားလုံး ရိတ်သိမ်းပြီးစီးပြီဖြစ်ကြောင်း၊ ခရိုင်ကြေးတိုင်နှင့်မြေစာရင်းဦးစီးဌာန၏စာရင်းများအရ သိရှိရပါသည် ။ ဆောင်းမြေပဲ စိုက်ပျိုးမှု(၁)ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၅၃၀၀၀၀/-)ကျပ်ဝန်းကျင်ခန့်ကုန်ကြောင်း၊ အထွက်နှုန်းအနေဖြင့် (၅၀)တင်းခန့်ထွက်ရှိ ကြောင်း၊ ယခင်နှစ်အကျိုးအမြတ်အနေဖြင့် မြေပဲတောင့်တစ်တင်းလျှင်(၂၂၅၀၀/-)ကျပ်ဖြင့်ရောင်း ဝယ်ခဲ့သောကြောင့်(၅၀၀၀၀၀/-)ကျပ်ကျော်မြတ်ခဲ့ကြောင်း၊ ယခုနှစ်မြေပဲဈေးနှုန်းအနေဖြင့် မြေပဲတောင့်တစ်တင်းလျှင်(၃၅၀၀၀/-)ကျပ် ၊ မြေပဲဆံ(၁)ပိဿာလျှင်(၉၅၀၀/-)ကျပ်၊ မြေပဲဆီ(၁) ပိဿာလျှင်(၁၉၀၀၀/-)ကျပ်ဖြင့် ရောင်းဝယ်လျက်ရှိပြီး မြေပဲရောင်းဝယ်မှုအနေဖြင့် ပွဲရုံများသို့ တိုက်ရိုက်ရောင်းချသူများရှိသလို စိုက်ခင်းထဲအရောက် လာရောက်ဝယ်ယူသူများလည်းရှိကြောင်း၊ ဒေသအတွင်းရှိ ဆီစက်များမှ ဝယ်ယူသိုလှောင်မှုရှိပြီး ပွဲရုံများမှတစ်ဆင့် ရန်ကုန်၊မန္တလေးမြို့များ သို့တင်ပို့ရောင်းချလျှက်ရှိကြောင်း အကျိုးအမြတ်အနေဖြင့် စိုက်ပျိုးစရိတ်နှုတ်ပြီးပါက (၁၂)သိန်း ကျပ်မြတ်ကြောင်း၊ စျေးနှုန်းများကောင်းမွန်သောကြောင့် တောင်သူများအကျိုးအမြတ်ဖြစ်ထွန်း လျက်ရှိကြောင်း၊ မိသားစုအတွက် စားသုံးဆီဖူလုံသည့်အပြင် အကျိုးအမြတ်ဖြစ်ထွန်းသောမြေပဲ သီးနှံများကိုတိုးချဲ့စိုက်ပျိုးသင့်ပါကြောင်းရေးသားတင်ပြအပ်ပါသည်။
DOCA(မန္တလေး)