ဧရာဝတီတိုင်းဒေသကြီး ပုသိမ်မြို့နယ်မှ ပြည်တွင်းဈေးကွက်သို့ မတ်လအတွင်း ဒေသထွက်ငါးခြောက်ပိဿာချိန် ၁၂၀,၀၀၀ အထိ တင်ပို့ရောင်းချနိုင်ခဲ့ပါသည်။ ယခုနှစ် ဖေဖော်ဝါရီ လအတွင်း ငါးခြောက်ပိဿာချိန် ၉၅,၀၀၀ သာ တင်ပို့နိုင်ခဲ့ရာမှ မတ်လတွင် ၂၅% ကျော် တိုးတက်ကာ စံချိန်တင်ပမာဏဖြစ်သည့် ၁၂၀,၀၀၀ ပိဿာအထိ တင်ပို့နိုင်ခဲ့ကြောင်း သိရသည်။ "ပုသိမ်မြို့နယ်က ဒေသထွက်ငါးခြောက်တွေဟာ အရည်အသွေးကောင်းမွန်မှုနဲ့ အနံ့အရသာ ထူးခြားမှုတို့ကြောင့် မန္တလေး၊ ရန်ကုန်စတဲ့ မြို့ကြီးတွေရဲ့ဈေးကွက်မှာ ဝယ်လိုအားအမြင့်ဆုံး ဖြစ်နေပါတယ်" ဟု ဦးမျိုးမင်းထွန်းက ဆိုသည်။
ပုသိမ်မြို့နယ်တွင် ဒေသခံငါးဖမ်းလုပ်ငန်းရှင်များက သဘာဝနည်းလမ်းဖြင့် ထုတ်လုပ်သည့် ငါးခြောက်များမှာ ဈေးကောင်းရရှိနေပြီး ယခုလတွင် ငါးခြောက်လုပ်ငန်းနှင့် သက်ဆိုင်သည့် လုပ်သားပေါင်း ၂,၀၀၀ ကျော် အလုပ်အကိုင် အခွင့်အလမ်းရရှိကြောင်း သိရသည်။ ဧရာဝတီတိုင်းဒေသကြီးအတွင်း ဒေသထွက်ကုန်များ၏ ပြည်တွင်းဈေးကွက်တိုးချဲ့နိုင်မှုသည် ဒေသဖွံ့ဖြိုးရေးအတွက် အရေးပါသည့် လက္ခဏာတစ်ရပ်ဖြစ်ကြောင်း သိရှိရပါသည်။
DOCA(ဧရာဝတီ)