စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေ တို့အား ရေးသားတင်ပြလျက်ရှိပါသည်။
ရာသီပေါ်အစားအစာများထဲမှ သရက်သီးကုလားတည်ချဉ်သည်လည်း တစ်ခုအပါ အဝင်ဖြစ် ပါသည်။ သရက်သီး ကုလားတည်ချဉ်ပြုလုပ်ရာတွင် သရက်သီးစိမ်းများ လှိုင်လှိုင်ပေါ်သည့်ရာသီတွင် သရက်သီးအစေ့ထည့်ချိန်တွင် သရက်သီးကိုခွဲစိပ်၍ ဆားသိပ်ပြီး ၂ ရက်မှ ၃ ရက်အထိ ရေစိမ်ထားရပါကြောင်း၊ ဆားသိပ်ထားသော သရက်သီးခြောက်များကို ရေစိမ်ပြီးပြန်ပေါင်းရကြောင်း၊ ပေါင်းပြီးသား သရက်သီးများကို ကြက်သွန်ဖြူ အရောင်တင်မှုန့် ငရုပ်သီးတို့ဆီသတ်ထားသည့်ဆီကျက်၊ မဆလာတို့ နှင့် ပြန်စိမ်မှသာ စားကောင်းသော သရက်သီးကုလာတည်ချဉ်ဖြစ်ကြောင်း သရက်သီးကု လာတည်ချဉ်ကို ထမင်းဆိုင်များ၊ စားသောက်ဆိုင်များ၊ ဒါန်ပေါက်အရောင်းဆိုင်များနှင့် အလှူ၊ မင်္ဂလာဆောင်များမှ ဒန်ပေါက်ကျွေးသည့်အခါ အော်ဒါအမှာများနှင့် မုန်တီသုပ်ဆိုင်၊ ရေစိမ်သုပ် ဆိုင်များတွင် အသုံးများသည့် အတွက် အရောင်းအဝယ်ဖြစ်လျက်ရှိကြောင်း သရက်သီး ကုလားတည် ချဉ်လုပ်ကိုင်ရောင်းချနေသူပြောကြားချက်အရ သိရှိရပါသည်။
၂၀၂၅ ခုနှစ်၊ ဖေဖော်ဝါရီလ တတိယပတ်တွင် ကန့်ဘလူမြို့မဈေးတွင် ရောင်းချနေသော သရက်သီးကုလားတည်ချဉ် ဈေးနှုန်းအနေဖြင့် တစ်ပိဿာလျှင်(၁၂၀၀၀)ကျပ်၊ (၅၀)ကျပ်သားလျှင် (၆၀၀၀) ကျပ်၊ (၂၅)ကျပ်သားလျှင် (၃၀၀၀)ကျပ် နှင့် (၁၀)ကျပ်သားလျှင်(၁၂၀၀)ကျပ်တို့ဖြင့် ရောင်းချလျက် ရှိကြောင်း မြို့မစည်ပင်သာယာဈေးတွင် လက်လုပ်ချဉ်မျိုးစုံ ရောင်းချနေသူ တစ်ဦးထံမှ သိရှိရ ပါသည်။
DOCA(စစ်ကိုင်း)