ကုန်သွယ်မှုသတင်းများ
တောင်ငူမြို့ ညောင်ပင်ဈေးတွင် ဒေသထွက်နှင့် အခြားအရပ်ဒေသများမှဝင်ရောက်လာသော ဟင်းသီးဟင်းရွက်များရောင်းချလျက်ရှိရာ ယခင်စက်တင်ဘာလ၊ နောက်ဆုံးအပတ် ရေကြီးနစ်မြှုပ်မှုဖြစ်စဉ်က ဟင်းသီးဟင်းရွက်များ ဈေးနှုန်းမြင့်တက်ခဲ့သော်လည်း ယခုအခါတွင် ဈေးနှုန်းများကျဆင်းလာပြီဖြစ်ပါသည်။
တောင်ငူမြို့ ညောင်ပင်ဈေးတွင် ရာသီအလိုက်သီးနှံများကို ရောင်းချလျက်ရှိရာ ကန်စွန်းဥနှင့် အာဒါလွတ်ဥများ ရောင်းချနေပြီဖြစ်ပါသည်။
ကန်စွန်းဥတွင် ငချိပ်နှင့် ရွှေဝါဟူ၍ အမျိုးအစားနှစ်မျိုးရှိပါသည်။ ပေါ်ခါစတွင် တစ်ပိဿာလျှင် ၅၀၀၀ကျပ်မှ ၆၀၀၀ကျပ်အထိရှိသော်လည်း ယခုအောက်တိုဘာလ၊ ပထမအပတ်တွင် တစ်ပိဿာလျှင် ၃၀၀၀ကျပ်မှ ၄၀၀၀ကျပ်အထိ ဈေးနှုန်းကျဆင်းလာပါသည်။
တောင်ငူဒေသတွင် မြစ်ချောင်းအင်းအိုင်များ၌ ငါးများပေါများလာပြီဖြစ်ရာ ဈေးများတွင် ငါးများဈေးနှုန်းကျဆင်းလျက်ရှိနေပါသည်။
ငါးမြစ်ချင်းတစ်ပိဿာလျှင် ယခင်စက်တင်ဘာလ၊ နောက်ဆုံးအပတ်တွင် တစ်ပိဿာလျှင် ၁၈၀၀၀ကျပ်ရှိခဲ့ရာမှ ယခုအောက်တိုဘာလ၊ ပထမအပတ်တွင် တစ်ပိဿာလျှင် ဈေးနှုန်း ၁၅၀၀၀ကျပ်ရှိသဖြင့် ဈေးနှုန်း ၃၀၀၀ကျပ် ကျဆင်းလာပါသည်။
တောင်ငူမြို့တွင် အိမ်မွေးကြက်သားမှာ ယခင်စက်တင်ဘာလ၊နောက်ဆုံးအပတ်တွင် တစ်ပိဿာလျှင် ၂၅၀၀၀ကျပ်ရှိခဲ့ရာမှ ယခုအောက်တိုဘာလ ပထမအပတ်တွင် တစ်ပိဿာလျှင် ၂၇၀၀၀ကျပ်ရှိသဖြင့် တစ်ပိဿာလျှင် ၂၀၀၀ကျပ်၊ စီပီကြက်သားမှာ ယခင်စက်တင်ဘာလ၊ နောက်ဆုံးအပတ်တွင် တစ်ပိဿာလျှင် ၁၆၀၀၀ကျပ်ရှိခဲ့ရာမှ ယခုအောက်တိုဘာလ၊ ပ
တောင်ငူမြို့တွင် စက်တင်ဘာလ လလယ်ပိုင်းတွင် တစ်ပတ်ကျော်ခန့် ရေကြီးနစ်မြှုပ်ဖြစ်ပွားခဲ့မှုကြောင့် သီးနှံများပျက်စီးခြင်းနှင့် လမ်းပန်းဆက်သွယ်ရေးခက်ခဲခြင်းကြောင့် သီးနှံဈေးနှုန်းများမြင့်တက်ခဲ့ရာ ယခုအောက်တိုဘာလဆန်းတွင် ဟင်းသီးဟင်းရွက်ဈေးနှုန်းများ ပြန်လည်ကျဆင်းလာပြီဖြစ်ပါသည်။
