ပြည်တွင်းကုန်သွယ်မှုသတင်း

           ယခုပူပြင်းလှသော နွေရာသီတွင် ပြည်ဈေးကွက်အတွင်း ဘူးသီးများ ဈေးနှုန်းမြင့်တက် လျက်ရှိပြီး ရေသွင်းစိုက်ပျိုးရသည့်အတွက် ဝင်ရောက်မှုမှာလည်း နည်းပါးသွားပါသည်။ ဘူးသီး ကို ပြည်မြို့အနီးတစ်ဝိုက်ရှိ ဝက်ပုတ်၊ အင်းမ၊ ဆင်မြီးဆွဲ၊ မှော်ဇာ၊ ပုတီးကုန်း၊ သဲကုန်း၊ တောင်လုံးညို၊ ဖိုးခေါင် အစရှိတဲ့ နယ်များတွင် စိုက်ပျိုးလျက်ရှိပြီး ဘူးသီးသည် ရေရရှိပါက တစ်နှစ်ပတ်လုံးစိုက်ပျိုးနိုင်ကာ ယခုလိုပူပြင်းချိန်တွင် ရေသွင်းရသဖြင့်အချို့နယ်များတွင် စိုက်ပျိုး ထွက်ရှိမှု နည်းပါးသွားသည့်အတွက် ယခင်ဆောင်းရာသီပေါများချိန်တွင် ဘူးသီးတစ်စိတ်လျှင် ကျပ် ၁၀၀-၁၅၀ ရှိခဲ့ပြီး ယခုရှားပါးချိန် ဧပြီလနောက်ဆုံးပတ်တွင် ကျပ် ၃၀၀-၄၀၀နှုန်းများဖြင့် ရောင်းချလျက်ရှိကာ ဘူးသီးအလုံးလိုက် တစ်လုံးလျှင် အကြီး ၃၂၀၀ကျပ်၊ အသေး ၂၅၀၀ကျပ်တို့ဖြင့် အသီးသီး ရောင်းဝယ်မှုရှိနေသည်။

စားသုံးသူရေးရာဦစီးဌာန

      ပြည်ခရိုင်

             ပြည်ကုန်စည်ဒိုင်တွင် သင်္ကြန်ပိတ်ရက်အပြီး ကုန်စည်ဒိုင်များပြန်လည်ဖွင့်လှစ်ပြီး ပဲအရောင်း အဝယ်များစတင်ရောင်းဝယ်နေပြီဖြစ်ပါသည်။

             ပြည်ကုန်စည်ဒိုင်၏ ၂၀၂၄ခုနှစ် ဧပြီလတတိယပတ်တွင် မတ်ပဲတစ်တင်းကို ၁၀၃၀၀၀ကျပ်ဖြင့် ဈေးအေး နေပြီး ရန်ကုန်အဝယ်တစ်ရက်ကို အိတ် (၁၀၀/၁၅၀)ခန့်ရှိပါသည်။ သင်္ကြန်ပိတ်ရက်အပြီး ပဲစင်းငုံဈေးမှာတက်လာပြီး ပဲတစ်တင်းကို (၁၃၃၀၀၀)ကျပ်ဖြင့် တစ်ရက်ကို အိတ်၂၅၀ခန့် ရန်ကုန်အဝယ်ရှိပါသည်။ ကုလားပဲ(ဟော်လန်)တစ်တင်းကို (၈၅၀၀၀)ကျပ်၊ မြကြေးမှုံ တစ်တင်းကို (၈၇၀၀၀) ကျပ်ဖြင့် မြို့တွင်း ခွဲစက်သမားများ တစ်ရက်ကိုအိတ် (၁၅၀/၃၀၀)ခန့် အဝယ်ရှိပါသည်။

             ဧပြီလတတိယပတ်တွင် ပဲကြီး(ရွှေကျွန်း)တစ်တင်းကို (၉၃၀၀၀)ကျပ်၊ ပဲကြီး(ကုန်းပဲ) တစ်တင်းကို (၈၈၀၀၀)ကျပ် ဖြင့် မြို့တွင်းပဲကြော်သမားများ တစ်ရက်ကို အိတ်၃၀၀ခန့် အဝယ်ရှိ ပါသည်။ စားတော်ပဲ(ကျွန်း)တစ်တင်းကို (၉၀၀၀၀)ကျပ်ဖြင့် မြို့တွင်း အဝယ်တစ်ရက်ကို ၂၅အိတ်ခန့် အဝယ်ရှိပါသည်။ ဧပြီလတတိယပတ်တွင် ဘိုကိတ်ပဲတစ်တင်းကို (၆၅၀၀၀)ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကိုအိတ် ၁၀၀ခန့်ရှိပါသည်။

             ပြည်ကုန်စည်ဒိုင်တွင် မတ်ပဲဈေးမှာ ဈေးအမြင့်ဖြင့်အေးနေပြီး ပဲစင်းငုံဈေးမှာ ကောင်းနေ ပါသည်။ ကျန်ပဲများဖြစ်သော ပဲကြီး၊ ကုလားပဲ၊ ဘိုကိတ်ပဲများမှာ ဈေးအေးလျက်ရှိကြောင်း သိရပါသည်။

စားသုံးသူရေးရာဦစီးဌာန

        ပြည်ခရိုင်

            ပြည်ဈေးကွက်၌ ၂၀၂၄ခုနှစ် ဧပြီလတတိယပတ်မှ စတင်ပြီး မြကျောက်သရက်သီးများ စတင်ထွက်ပေါ်လာပြီဖြစ်ပါသည်။ ပြည်ခရိုင်၊ ပြည်မြို့တစ်ဖက်ကမ်းရှိ ရွှေဘုံသာရွာမှ ထွက်ရှိသော မြကျောက်သရက်သီးမှည့်မှာ ပေါ်ဦးပေါ်ဖျားဖြစ်သောကြောင့် အဝင်နည်းသော် လည်း ဈေးကောင်းပေးဝယ်ယူရကြောင်း သိရှိရပါသည်။ ယခင်နှစ် မြကျောက်သရက်သီး ပေါ်စတွင် တစ်လုံးလျှင် ၁၅၀၀ကျပ်ခန့်ဖြင့် စတင်ရောင်းချခဲ့ပြီး ယခုနှစ် မြကျောက်သရက်သီး ပေါ်စတွင် အလုံးကြီးတစ်လုံးလျှင် ၁၈၀၀ကျပ်နှုန်းဖြင့် စတင်ရောင်းချနေပြီ ဖြစ်ကြောင်း သိရှိရပြီး ယခင်နှစ်ထက်စာလျှင် ဈေးကောင်းရရှိကြောင်းသိရပါသည်။

စားသုံးသူရေးရာဦးစီးဌာန

    ပြည်ခရိုင်

               တောင်ငူမြို့ ညောင်ပင်ဈေးရှိ သား/ငါးဆိုင်များတွင် ၂၀၂၄ခုနှစ် ဧပြီလနောက်ဆုံး ပတ်တွင် ရောင်းချနေသောဈေးနှုန်းများအနေဖြင့် ကြက်သား (အိမ်မွေးကြက်)မှာ တစ်ပိဿာလျှင် အကောင်လိုက်ဈေး (၂၀၀၀၀) ကျပ်၊ အခြမ်းလိုက်ဈေးမှာ တစ်ပိဿာလျှင် (၂၅၀၀၀) ကျပ်ဖြင့် ဈေးနှုန်းတည်ငြိမ်နေပြီး စီပီကြက်မှာ ယခင်မတ်လဝက်ခန့်က တစ်ပိဿာလျှင် အကောင်လိုက်ဈေး (၉၀၀၀) ကျပ်၊ အခြမ်းလိုက်ဈေး (၁၂၀၀၀) ကျပ်ရှိရာမှ ဧပြီလနောက်ဆုံး ပတ်တွင် အကောင်လိုက်ဈေး (၁၀၀၀၀)ကျပ်၊ အခြမ်းလိုက်ဈေး (၁၄၀၀၀) ကျပ်၊ ဝက်သားမှာ တစ်ပိဿာလျှင် သုံးထပ်သား (၁၄၀၀၀) ကျပ်၊ ပေါင်သား (၁၆၀၀၀) ကျပ်၊ အသားသီးသန့် (၂၀၀၀၀) ကျပ်ရှိရာမှ ဧပြီလနောက်ဆုံးပတ်တွင် သုံးထပ်သား (၁၅၀၀၀) ကျပ်၊ ပေါင်သား (၁၇၀၀၀)  ကျပ်ဖြင့် ဈေးနှုန်းအနည်းငယ်တက်ပါသည်။

              ငါးကြင်းမှာ တစ်ပိဿာလျှင် အကောင်လိုက်ဈေး (၈၀၀၀) ကျပ်၊ အခြမ်းလိုက်ဈေး  (၁၂၀၀၀) ကျပ်ဖြင့် ဈေးနှုန်းတည်ငြိမ်နေပြီး ငါးကြင်းဖြူမှာ  မတ်လဝက်ခန့်က တစ်ပိဿာလျှင် အကောင်လိုက်ဈေး (၁၆၀၀၀) ကျပ် အခြမ်းလိုက်ဈေး (၁၈၀၀၀) ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် (၁၅၀၀၀) ကျပ်ဖြင့် ဈေးနှုန်းကျဆင်းပါသည်။

              ငါးရံ့မှာ မတ်လဝက်ခန့်တွင် တစ်ပိဿာလျှင် (၁၅၀၀၀)ကျပ်ရှိရာမှ ဧပြီလ နောက်ဆုံးပတ်တွင် တစ်ပိဿာလျှင် (၁၈၀၀၀)ကျပ်အထိဖြင့် ဈေးနှုန်းအနည်းငယ်တက်ပြီး ငါးခူမှာ တစ်ပိဿာလျှင်(၁၈၀၀၀)ကျပ်မှ (၂၀၀၀၀)ကျပ်ဖြင့် ဈေးနှုန်းတည်ငြိမ်နေပါသည်။

              ပုဇွန်ဆိတ်မှာ တစ်ပိဿာလျှင် (၁၂၀၀၀) ကျပ်ဖြင့်ဈေးနှုန်းတည်ငြိမ်နေပြီး ပုဇွန်ကြီးမှာ မတ်လဝက်ခန့်က တစ်ပိဿာလျှင် (၃၀၀၀၀) ကျပ်မှ (၄၅၀၀၀) ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် (၂၈၀၀၀) ကျပ်မှ (၃၅၀၀၀) ကျပ်အထိဖြင့် ဈေးနှုန်း ကျဆင်းကြောင်း ညောင်ပင်ဈေးရှိ သားငါးအရောင်းဆိုင်များမှ သိရပါသည်။

စားသုံးသူရေးရာဦးစီးဌာန

တောင်ငူခရိုင်

           တောင်ငူမြို့ ညောင်ပင်လေးဈေးသို့ အခြားဒေသများမှ ရာသီပေါ်သီးနှံများ လာရောက် ရောင်းချပေးလျက်ရှိရာ ၂၀၂၄ခုနှစ် ဧပြီလနောက်ဆုံးပတ်တွင် မော်လမြိုင်ဘက်မှ ဒညင်းသီးများ စတင်ဝင်ရောက် ရောင်းချ လျက်ရှိပါသည်။

          ဧပြီလနောက်ဆုံးပတ်တွင် ရောင်းချလျက်ရှိသော ဈေးနှုန်းများအနေဖြင့် ဒညင်းသီး (အသေး) (၁၀)လုံးလျှင် (၁၀၀၀) ကျပ်၊ အလုံး (၁၀၀) ယူလျှင် (၉၀၀၀) ကျပ်၊ အလတ် (၁၀) လျှင် (၁၂၀၀) ကျပ်၊ အလုံး (၁၀၀) ယူလျှင် (၁၀၀၀၀) ကျပ်၊ အကြီး (၁၀) လုံးလျှင် (၁၅၀၀) ကျပ်၊ အလုံး (၁၀၀) ယူလျှင် (၁၃၀၀၀) ကျပ်အထိ ဈေးနှုန်းအသီးသီး ရှိပါသည်။

          ယခုအခါ ဒညင်းသီးပေါ်စဖြစ်သဖြင့် ဈေးကောင်းပါသည်။ သံတောင်ဘက်မှ ဒညင်းသီး များ ဖြိုင်ဖြိုင်ပေါ်လာပါက ဈေးနှုန်းကျဆင်းနိုင်ကြောင်းနှင့် ဒညင်းသီးများမှာ ရောင်းအားကောင်း ကြောင်း ရောင်းချသည့်ဈေးသည်များမှ သိရှိရပါသည်။

      စားသုံးသူရေးရာဦးစီးဌာန

      တောင်ငူခရိုင်