ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီး မြိတ်မြို့နယ်တွင် တောင်ယာလုပ်ငန်းကို အများဆုံးလုပ်ကိုင် ကြပါသည့်အပြင် ရာသီပေါ်သီးနှံနှင့် စားဖိုဆောင်သီးနှံများကို အများအပြားစိုက်ပျိုးကြပါ သည်။ စိုက်ပျိုးရေးလုပ်ငန်းများဖြစ်သည့် ကန်စွန်း၊ ခရမ်းသီး၊ ဘူးသီး၊ ပဲသီး အစရှိသည့် သီးနှံမျိုးစုံကို စိုက်ပျိုးကြပါသည်။ ကန်စွန်းရွက်ပင်ကို အိမ်တိုင်းလိုလိုစိုက်ပျိုးကြပါသည်။ ကန်စွန်းပင်သည် အပူပိုင်းဒေသတွင် ပေါက်ရောက်သော အပင်တစ်မျိုးလည်းဖြစ်ပါသည်။ ကန်စွန်းပင်သည် ရေထဲ (သို့မဟုတ်) စိုစွတ်သောမြေကြီးပေါ်တွင် ပေါက်လေ့ရှိပြီး ကန်စွန်းရိုး အဆစ်များမှ တစ်ဆင့်အမြစ် များထွက်ပြီး ကြီးထွားလေ့ရှိပါသည်။

    ယခု၂၀၂၅ခုနှစ်၊ သြဂုတ်လတတိယပတ်တွင် မြိတ်မြို့ပေါ်ရှိ ကန်စွန်းရွက်ဈေးနှုန်းမှာ ကန်စွန်းရွက်အချောတစ်စည်းလျှင်(၈၀၀)ကျပ်နှင့်ကန်စွန်းရွက်အကြမ်းတစ်စည်းလျှင် (၅၀၀) ကျပ်ရှိကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့ပေါ်တွင် ဆိပ်ငယ်ဈေးကြီးနှင့် စမ်းချောင်း ကုန်စိမ်းဈေးများတွင် ခရမ်းသီး၊ ဂေါ်ဖီထုပ်၊ ကန်စွန်းရွက်၊ ခဲဝဲသီး၊ မုန်လာထုပ်၊ ပြောင်းဖူး၊ ထိုင်ဝမ်မုန်ညင်း၊ ရွှေဖရုံသီး၊ ဆလပ်ရွက်၊ ဘိုစားပဲ၊ ပဲရှည်သီး၊ ပဲပင်ပေါက်၊ ရုံးပတီသီး အစရှိသည့် ကုန်စိမ်းများကို ရောင်းချကြကြောင်း သိရှိရပါသည်။

          ယခု၂၀၂၅ခုနှစ်၊ သြဂုတ်လတတိယပတ်တွင် မြိတ်မြို့ပေါ်တွင် ရောင်းချနေသော ဆလပ် ရွက်ဈေးနှုန်းမှာ တစ်စည်းလျှင် (၁၅၀၀)ကျပ်ဖြင့် ရောင်းချနေကြောင်း ကုန်စိမ်းရောင်းချနေသူ တစ်ဦးထံမှ သိရှိရပါသည်။

DOCA(တနင်္သာရီ)

       ဒညင်းသီးပင်ကို တနင်္သာရီတိုင်း၊ ကရင်ပြည်နယ်၊ မော်လမြိုင်၊ ပဲခူးတိုင်းဒေသများတွင် အများဆုံးစိုက်ပျိုးကြပြီး စသည့်ဒေသများတွင်လည်း စိုက်ပျိုးကြကြောင်း သိရှိရပါသည်။ ဒညင်းသီးကို စားသုံးသူတော်တော်များများစားသုံးကြပြီး ကြိုက်နှစ်သက်သည့် အစားအစာဖြစ်သည့် အတွက်ကြောင့် ဒညင်းသီးများကို အုန်းနို့ဆမ်း၊ ဒညင်းသီးဝက်သားချက်၊ ဒညင်းသီးပြုတ်စသည့် ဟင်းအမျိုးမျိုးများ ပြုလုပ်စားသုံးကြပါသည်။ ဒညင်းသီးသည် တန်ဆေးလွန်ဘေး ဆိုသည့် အတိုင်း မဖြစ်အောင်စားသုံးရန်လိုအပ်ကြောင်း လေ့လာသိရှိရပါသည်။

          ၂၀၂၅ခုနှစ်၊ သြဂုတ်လတတိယပတ်တွင် မြိတ်မြို့ပေါ်ရှိ ဒညင်းသီးမှာ ၁၀လုံးလျှင် (၁၄၀၀)ကျပ်ရှိပြီး ဒညင်းသီးပြုတ်မှာ ၈လုံးလျှင်(၁၀၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

     မြိတ်ခရိုင်သည် ပင်လယ်ကမ်ရိုးတန်းဒေသဖြစ်သည့်အလျောက် မုန့်ကောင်၊ ပုဇွန်၊ ငါး၊ ဂဏန်းမွေးမြူခြင်းဖြင့် ထင်ပေါ်လျက်ရှိသည်။ ရေထွက်ကုန်ဖြစ်သည့် ပုဇွန်များထဲမှ ပုဇွန်ပျော့ဟာ ချို၍ အခွံပါးသောကြောင့် ပို၍လူကြိုက်များလျက်ရှိသည်။ ပြည်တွင်းသာမက ပြည်ပပါတင်ပို့နိုင်ပြီး စျေးကောင်းရရှိခြင်းကြောင့် မြို့နှင့် ကျေးရွာများတွင် စီးပွားဖြစ်မွေးမြူ ကြလျက်ရှိသည်။ အရွယ်အစားပေါ်မူတည်ပြီး စျေးအနည်းငယ်ကွဲပြားလျက်ရှိသည်။

      ပုဇွန်ပျော့တစ်ပိဿာလျှင် (၃၇၀၀၀)ကျပ်ခန့်ရှိပြီး စျေးများတွင် အကောင်ရေဖြင့် ရောင်းချပါက ၃လက်အရွယ်ခန့်တစ်ကောင်လျှင် (၁၀၀၀)ကျပ်ခန့်စျေးရရှိကြောင်းသိရှိရပါ သည်။

DOCA(တနင်္သာရီ)

          ကျောက်ဆည်ခရိုင်အတွင်းတွင် သီးနှံမျိုးစုံစိုက်ပျိုးလျက်ရှိရာ ကုန်စိမ်းသီးနှံဖြစ်သော ကျောက်ဖရုံသီး သီးနှံကိုလည်း တစ်နှစ်ပတ်လုံးစိုက်ပျိုးကြပါသည်။ ကျောက်ဖရုံသီး မျိုးများမှာ အိုမီကာ(ထိုင်ဝမ်)မျိုးနှင့် ဗမာမျိုးများဖြစ်ပြီး အိုမီကာ(ထိုင်ဝမ်)မျိုးကိုသာ အများဆုံး စိုက်ပျိုးကြကြောင်း၊ ကျောက်ဖရုံသီး စိုက်ပျိုးမည်ဆိုပါက(၁)ဧကလျှင်(၄/၅)ထုပ်စိုက်ပျိုးရကြောင်း၊ မျိုးစေ့ (၁)ထုပ် ဈေးနှုန်းအနေဖြင့် အိုမီကာ(ထိုင်ဝမ်)မျိုး(၁)ထုတ်လျှင်( ၁၈၀၀၀ )ကျပ် ဗမာမျိုး(၁)ထုပ်လျှင် ( ၁၂၀၀၀ ) ကျပ်ရှိကြောင်း၊ ကျောက်ဖရုံသီးကို ဘောင်ဖြင့်စိုက်ပျိုးရကြောင်း (၁)ပင်နှင့်(၁)ပင် (၅)တောင်ခန့် ဖွင့်၍(၁)ပေခွဲခန့် ခြားစိုက်ပျိုးရကြောင်း၊ အများဆုံးစိုက်ပျိုးသည့်ကျေးရွာများမှာ မြစ်သားမြို့နယ်ရှိ ရွာခိုင်ကြီးရွာ၊ စမြှောင်ကျေးရွာဖြစ်ကြကြောင်း၊ ကျောက်ဖရုံသီးကို သီးသန့် စိုက်ပျိုးကြသလို နနွင်းခင်း ၊ နှမ်းခင်းများတွင်လည်း သီးထပ်၊သီးညှပ်အဖြစ် စိုက်ပျိုး၍ရကြောင်း ၊ (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း (၆၀၀၀၀၀)ကျပ် ဝန်းကျင်ခန့်ကုန်ကြကြောင်း၊ အကျိုးအမြတ်အနေဖြင့် (၃၅၀၀၀၀၀/၄၀၀၀၀၀၀)ကျပ် ရရှိကြောင်း၊ ကျောက်ဖရုံသီးကို စိုက်ခင်းထဲထိ ပွဲစားများမှ လာရောက်ဝယ်ယူကြပြီး၊ ပွဲစားများမှလည်း ရန်ကုန်၊ မန္တလေး၊ မိတ္ထီလာမြို့များသို့ တင်ပို့ရောင်းချကြောင်း၊ ကျောက်ဖရုံသီးနှံသည် ဆေးဖြန်းစရာမလို ရေပုံမှန်ပေး၍ စိုက်ပျိုးရသော သီးနှံဖြစ်ကြောင်း၊ ဈေးနှုန်းအနေဖြင့် ကျောက်ဖရုံးသီး အိုမီကာ (ထိုင်ဝမ်)တစ်လုံးလျှင် (၄၀၀၀/၅၀၀၀)ကျပ်၊ ဗမာသီးတစ်လုံးလျှင်(၅၀၀၀/၆၀၀၀)ကျပ်ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မန္တလေး)