ပြည်တွင်းကုန်သွယ်မှုသတင်း

      မြန်မာနိုင်ငံတွင် ဒညင်းသီးပင်ကို ကရင်၊ ပဲခူး၊ မော်လမြိုင်နှင့် ရခိုင် စသည့်ဒေသများတွင်အ များဆုံး စိုက်ပျိုးကြကြောင်း၊ ဒညင်းသီးကိုစားသုံးသူ တော်တော်များများ ကြိုက်နှစ်သက်တဲ့ အစား အစာတစ်ခုအဖြစ်တွေ့ရကြောင်း၊ ဒညင်းသီးအုန်းနို့ဆမ်း၊ ဒညင်းသီးဝက်သားချက်၊ ဒညင်းသီးပြုတ် ဆီဆမ်း၊ ဒညင်းသီးကိုမီးဖုတ် ငပိရည်နဲ့တို့စားတာစသည်ဖြင့် အမျိုးမျိုးစားသုံးကြကြောင်း၊ သို့သော် ဒညင်းသီးသည် တန်ဆေးလွန်ဘေး ဆိုသည့်အတိုင်းမဖြစ်အောင် သတိပြုစားသုံးရန်လိုအပ်ကြောင်း သိရှိရသည်။

     ၂၀၂၅ ခုနှစ်၊ ဩဂုတ်လ ဒုတိယပတ်အတွင်း ကန့်ဘလူမြို့တွင် ဒညင်းသီးအသေး(၁)လုံးလျှင် (၂၀၀)ကျပ်၊ အကြီး(၁)လုံးလျှင် (၃၀၀)ကျပ်နှင့် (၁၀)လုံးလျှင် (၂၈၀၀)ကျပ်၊ ဒညင်းသီးပြုတ်(၁) လုံးလျှင် (၃၀၀)ကျပ်ဖြင့် ရောင်းချလျက်ရှိကြောင်း၊ ကန့်ဘလူမြို့တွင် ရောင်းချနေသည့် ဒညင်းသီး များကို မြစ်ကြီးနားမြို့နှင့် မော်လမြိုင်မှ ဝယ်ယူရောင်းချလျက်ရှိကြောင်း ဒညင်းသီးရောင်းချသူ များထံမှ သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်း သူများ၊ ဈေးဝယ်သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင်ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိ ကြောင်း၊ ယခုအခါ ကန့်ဘလူမြို့ပေါ်ရပ်ကွက်၊ နတ်ပေးကျေးရွာနှင့် အခြားသောကျေးရွာများမှ ဆူးပုတ်ရွက်များ လာရောက်ရောင်းချကြောင်း သိရသည်။

   ကန့်ဘလူမြို့ဟင်းသီးဟင်းရွက်ဈေး၌ ၂၀၂၅ ခုနှစ်၊ ဩဂုတ်လ ဒုတိယပတ်အတွင်း ဆူးပုတ် ရွက်(၁)စီးလျှင် (၃၀၀)ကျပ်၊ (၄)စီးလျှင် (၁၀၀၀)ကျပ်နှင့် (၁၀)စည်းပါ(၁)ထုံးလျှင် (၂၅၀၀)ကျပ် တို့ဖြင့် နေ့စဉ်အရောင်းအဝယ်ဖြစ်လျက်ရှိကြောင်း၊ ဆူးပုတ်ရွက်ကို အကြော်ဆိုင်များ၊ အိမ်ရှင်မများ နှင့် ထမင်းဆိုင်များက  ဝယ်ယူအသုံးပြုလျက်ရှိကြောင်း ကုန်စိမ်းရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ ကန့်ဘလူမြို့မဈေးတွင် ဘုရားပန်းအမျိုး၊ အလှဆင်းပန်းအမျိုးမျိုးနှင့် စကားဝါပန်း၊ စကားဖြူပန်းများကို ရောင်းချလျက်ရှိကြောင်း သိရသည်။ စကားဝါပန်းနှင့်စကားဖြူပန်းမျိုး မှာ အပင်ကြီးဖြစ်သော်လည်း စိုက်ပျိုးရေးနည်းပညာများ ခေတ်မီလာသည်နှင့်အညီ စကားဝါပန်း၊ စကား ဖြူပန်းပင်များကို ကိုင်းကူးမျိုးစပ်ကာ အိမ်တွင်းအလှစိုက်ပင်အဖြစ် စိုက်ပျိုးလာကြောင်း သိရသည်။

    ၂၀၂၅ ခုနှစ်၊  ဩဂုတ်လ ဒုတိယပတ်အတွင်း ကန့်ဘလူမြို့ပန်းဈေးကွက်၌ ဖြစ်ပေါ်နေသော စကားဝါပန်းဈေးနှုန်းမှာ စကားဝါပန်း(၁)ကုံးလျှင်(၃၀၀)ကျပ်၊ စကားဝါပန်း(၂)ကုံးလျှင် (၅၀၀)ကျပ်၊ စကားဖြူပန်းသည် အဝင်နည်းသည့်အတွက် (၁)တစ်ကုံးလျှင်(၄၀၀)ကျပ်၊ စကားဖြူပန်း(၃)ကုံးလျှင် (၁၁၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ ပန်းမျိုးစုံရောင်းချနေသော လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

  ရှမ်းပြည်နယ်(တောင်ပိုင်း)အောင်ပန်းဒေသတွင် ယခုတစ်ပတ်ပြောင်းသီးနှံမှာ တစ်ပိဿာ လျှင်(၁၄၇၅-၁၄၈၀)ကျပ်ဖြင့်ဝယ်လက်ကောင်းလာသဖြင့်ဈေးအနည်းငယ်တက်လာပြီး ကုန်လက် ကျန်နည်းပါးမှုကြောင့် စီးဆင်းမှုမှာ လျော့နည်းနေပါသည်။

          ကြက်သွန်ဖြူသီးနှံမှာ တစ်ပိဿာလျှင် ထူး ၁- ၄၅၀၀ကျပ်၊ ထူး ၂- ၅၅၀၀ကျပ်၊ ထူး ၃-၆၀၀၀ ကျပ်၊ ထူး ၄-၇၅၀၀ကျပ်၊ ထူး ၅-၈၀၀၀ကျပ်၊ ထူးလွန်-၈၅၀၀ကျပ် နှင့် ဥတစ်လုံးဆိုဒ်မှာ ၂၀၀၀၀ကျပ်ဈေးရှိနေကြပြီး အရည်အသွေးကောင်းသဖြင့် ဈေးတက်လာပြီး ဈေးကွက်အဝင်နည်းမှုကြောင့် စီး ဆင်းမှုမှာ ပုံမှန်ဖြစ်နေပါသည်။

          အာလူးသီးနှံမှာ တစ်ပိဿာလျှင် မျက်နီ- ၄၅၀၀ကျပ်၊ OK- ၃၅၀၀ကျပ်၊ ဆွဲသီး- ၃၀၀၀ကျပ်၊ ဂေါ်လီဆိုဒ်-၂၀၀၀ကျပ်၊ မားကီး S2-S1မှာ ၄၈၀၀ကျပ် ဈေးပေါက်နေကြပြီး ဈေးကွက်အဝင်များ ရန် ကုန်၊ ကျောက်ပန်းတောင်းဒေသများမှ ဝယ်လက်ကောင်းသဖြင့် စီးဆင်းမှုမှာ များနေပါသည်။

          ချင်းသီးနှံမှာ ချင်းဥမအကြီးတစ်ပိဿာလျှင်(၁၅၀၀-၁၇၀၀)ကျပ် နှင့် ဥမအလတ်မှာ (၈၀၀-၁၀၀၀)ကျပ်ဖြင့် ဈေးကွက်အဝင်များ ဈေးငြိမ်လျက်ရှိပြီး ရန်ကုန်၊ ပျော်ဘွယ်ဒေသများသို့ တင်ပို့မှုများ သဖြင့် စီးဆင်းမှုမှာအနည်းငယ်ပိုလာပါသည်။

          ကုန်စိမ်းသီးနှံများတွင် ဂေါ်ဖီ(၈၀၀-၁၀၀၀)ကျပ်၊ ပန်းမုံလာ(၁၇၀၀-၂၂၀၀)ကျပ်၊ ရွှေပဲ (၁၆၀၀၀-၁၈၀၀၀)ကျပ်၊ မုန်ညှင်း(၃၅၀၀-၃၇၀၀)ကျပ်၊ ဖရုံသီး (၁၃၀၀-၁၅၀၀)ကျပ်၊ ခရမ်းသီး (၂၅၀၀-၂၈၀၀)ကျပ်၊ ခရမ်းချဉ်သီး (၁၃၀၀-၂၀၀၀)ကျပ်၊ ငရုတ်ပွ (၆၀၀၀-၆၅၀၀)ကျပ်၊ မုန်လာဥနီ (၃၀၀၀-၃၅၀၀)ကျပ်၊ ဘိုစား (၄၀၀၀-၄၅၀၀)ကျပ် အသီးသီးဈေးရှိနေကြပြီး ကုန်စိမ်းသီးနှံများမှာ  ဒေသစုံမှ ဝယ်လက်ကောင်းသဖြင့် ဈေးမြင့်တက်နေပြီး ရွှေပဲသီးနှံ နှင့် ငရုတ်ပွမှာ ဈေးကွက်အဝင် နည်းမှုကြောင့် ဈေးသိသိသာသာတက်လာကာ စီးဆင်းမှုမှာ အနည်းငယ်ပိုလာပါကြောင်း လေ့လာ သိရှိရပါသည်။

DOCA(ရှမ်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၌ ရာသီပေါ်သီးနှံများကို မိသားစု တစ်ပိုင်တစ်နိုင်စိုက်ပျိုးလျက်ရှိရာ စားသုံးသူရေးရာဦးစီးဌာနမှ မြို့နယ်တာဝန်ခံဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့နယ်၊ အမှတ်(၃)ရပ်ကွက်ရှိ ဦးလှအောင်၏ ငရုတ်စိုက်ခင်းသို့ ကွင်းဆင်းလေ့လာခဲ့ကြောင်း သိရသည်။

          လုပ်ငန်းရှင်၏ ပြောပြချက်အရ ငရုတ်စိုက်ပျိုးနိုင်ရန်အတွက် ဦးစွာငရုတ်ပျိုးပင်များကို မိမိကိုယ်တိုင် အိမ်မှာပျိုးထောင်းကြောင်း၊ အရန်သင့်စိုက်ပျိုးနိုင်ရန်အတွက် မြေဆွေးထည့်ကာ မြေပြုခြင်းကို ကြိုတင်ဆောင်ရွက်ထားရကြောင်း၊ စိုက်ပျိုးရေးလုပ်ငန်းတွင် မရှိမဖြစ်အရေးကြီးသည့် ရေကိုအဝီစိတွင်းမှ အသုံးပြုကြောင်း၊ ယခုစိုက်ပျိုးထားသည့် ငရုတ်မျိုးမှာ အောက်ဆွဲငရုတ်မျိုးနှင့် မိုးထောင်ငရုတ် မျိုးတို့ဖြစ်ကြောင်း၊ ငရုတ်သီးသည် စတင်စိုက်ပျိုးပြီး ရက်ပေါင်း(၉၀)ခန့်အကြာ တွင်အသီးများကို စတင်ခူးဆွတ်ရကြောင်း၊ ဩဂုတ်လ ဒုတိယပတ်အတွင်း ငရုတ်သီးစိမ်း လက်က္ကား (၁)ပိဿာလျှင် (၃၅၀၀မှ ၄၀၀၀)ကျပ်နှင့် လက်လီ(၁)ပိဿာလျှင် (၄၃၀၀)ကျပ်နှင့် (၅၀)ကျပ်သား လျှင်(၂၂၀၀)ကျပ်တို့ဖြင့် ရောင်းချရသည့်အတွက် စိုက်ပျိုးသူများအနေဖြင့် ထိုက်သင့်သည့်အကျိုး အမြတ်များရရှိကာ မိသားစုစားဝတ်နေရေး အဆင်ပြေလျက်ရှိကြောင်း သိရသည်။

DOCA(စစ်ကိုင်း)