ပြည်တွင်းကုန်သွယ်မှုသတင်း

ဧရာဝတီတိုင်းဒေသကြီး ၊ ပုသိမ်ခရိုင် ၊ ပုသိမ်မြို့နယ်ရှိ ဒေသခံပြည်သူများသည် လယ်ယာလုပ်ငန်းများကို အဓိကထား လုပ်ကိုင်သည့်အပြင် မိမိတို့၏ ဥယျာဉ်ခြံမြေများတွင် နှစ်ရှည်သီးနှံဖြစ်သည့် သံပုရာပင်များလည်း စိုက်ပျိုးထားလျက်ရှိပြီး သံပုရာပင်များ အသီးသီး ရင့်ချိန်တွင် စျေးကောင်းရရှိ၍ စိုက်ပျိုးတောင်သူများ အကျိုးအမြတ် ပိုမိုရရှိကာ အရောင်း အဝယ်ဖြစ်လျက်ရှိ ကြောင်း သိရသည်။

သံပုရာသီကို သံပုရာသီးသနပ် လုပ်စားခြင်းသာမက အသုတ်သုတ်စားရာတွင်လည်း မန်ကျည်းသီးမှည့်အစား အချဉ်အဖြစ်အသုံးပြုကြကာ ၊ ဖျော်ရည်အနေနဲ့ ဖျော်သောက်ကြသည့် အပြင် ကျန်းမာရေးနှင့် အလှအပအတွက်လည်း အထောက်အကူပြုကြောင်း တွေ့ရှိရပါတယ်။ သံပုရာသီး အခွံကို ဆားနဲ့ရောပြီး သွားကိုပွတ်ပေးပါက သွားတွေဖြူဖွေးတောက်ပစေပါတယ်။ တံတောင်ဆစ်တွေ မည်းနေတာအတွက် သံပုရာသီးကိုထက်ခြမ်းခြမ်းပြီး ပွတ်ပေးကာ ၅ မိနစ်လောက်ထားပြီး ရေဆေးချပေးပါက မည်းနေတာတွေပျောက်ပြီး အသားအရေပြန်လည် ဝင်းပလာနိုင်ပါတယ်။ ဆံပင်ကျွတ်တာအတွက် အုန်းရည်ထဲ သံပုရာရည်ရောကာ တပတ်လျှင် တကြိမ်ခန့် လိမ်းပေးနိုင်ပါတယ်။ အိမ်မှာဆောင်ထားသင့်တဲ့ အသီးတမျိုးဖြစ်ပါတယ်။

တစ်နှစ်ပတ်လုံးရာသီပေါ် သံပုရာသီးကို ယခုဒီဇင်ဘာလတွင် ပုသိမ်မြို့နယ်ရှိ ဈေးများ ထဲတွင် တစ်လုံးလျှင် ငွေကျပ် (၁၅၀ မှ ၂၀၀) အထိရောင်းချရကြောင်း၊ ပုသိမ်မြို့တွင် သံပရာ ပင်များ စိုက်ပျိုးဖြစ်ထွန်းလျက် ရှိသည့်အပြင် အိမ်ခြံဝင်းထဲမှာ တပိုင်တနိုင် သံပုရာပင် စိုက်ပျိုး ထားသူများအနေဖြင့် လိုက်လံရောင်းချစရာ မလိုဘဲ ဝယ်ယူသူများက အိမ်တိုင်ရာရောက် လာရောက်ဝယ်ယူလျက်ရှိကြောင်း သံပုရာပင်စိုက်ပျိုးသူများထံမှ သိရသည်။

DOCA (ဧရာဝတီ)

ဧရာဝတီတိုင်း ပုသိမ်ခရိုင် သာပေါင်းမြို့နယ်အတွင်းရှိ ကျေးရွာများတွင် လယ်ယာ လုပ်ငန်းကို အဓိကထားလုပ်ကိုင်ကြပြီး ရာသီအလိုက် သီးနှံမျိုးစုံစိုက်ပျိုးလျက်ရှိရာ စားဖို ဆောင်သီးနှံတစ်မျိုးဖြစ်သော မုန်လာဥကို စီးပွားဖြစ်စိုက်ပျိုးကြကြောင်သိရသည်။

          မုန်လဥကို အောက်တိုဘာလတွင် စတင်စိုက်ပျိုး၍ ရက်ပေါင်း ၃၀-၄၀ အကြာတွင် တူးဖော်ရကြောင်း၊ အထွက်နှုန်းကောင်းမွန်သည့် ဆင်ဆွယ်မုန်လာဥတံဆိပ်ပါ မုန်လာဥဖြူမျိုး များကို အများဆုံးစိုက်ပျိုးကြကြောင်း ကုန်ကျစရိတ်အနေဖြင့် မျိုး၊ သွင်းအားစု၊ လုပ်အားခ အပါအဝင် တစ်ဧကလျှင် စုစုပေါင်းငွေကျပ် ၆ သိန်းခန့်ကုန်ကျပြီး အထွက်နှုန်းအနေဖြင့် တစ်ဧကလျှင် မုန်လာဥဖြူ ၆၀၀၀-၇၀၀၀ ဥခန့်ထွက်ရှိကြောင်း လက်ကားဈေး မုန်လာဥဖြူ တစ်ဥလျှင် ငွေကျပ် ၄၀၀ နှင့် ၃ ဥပါ တစ်စည်းလျှင် ငွေကျပ် ၁၂၀၀ ဖြင့် ရောင်းချရပြီး တစ်ဧက လျှင် ငွေကျပ် ၈ သိန်းခန့် အမြတ်ရရှိကြောင်း၊ ဈေးကွက်အနေဖြင့် ကုန်စိမ်းပွဲစားများမှ စိုက်ခင်း အရောက် အခင်းပြတ်လာရောက်ဝယ်ယူ၍ သာပေါင်းမြို့နယ်အပြင် ပုသိမ်မြို့ပေါ်ရှိ ကုန်စိမ်းဒိုင်များသို့ တင်ပို့ရောင်းချကြပြီး  ယခု မုန်လာဥစတင်ပေါ်ချိန်တွင် တောင်သူများ အနေဖြင်း ဈေးကောင်းရရှိပြီး အကျိုးမြတ်ပိုမိုရရှိကြကြောင်းသိရှိရပါသည်။

DOCA (ဧရာဝတီ)

ထန်းပင်မြစ်ဆိုတာ ဆောင်းရာသီနဲ့ အင်မတန်လိုက်ဖက်လှပြီး ရာသီစာ အစားအစာတစ် မျိုးလည်း ဖြစ်ပါသည်။ ထန်းသီးမှထွက်လာသော အစို့ကို ထန်းမြစ်(ထန်းပင်မြစ်)ကို မီးဖုတ်၍ လည်းကောင်း၊ ပြုတ်၍လည်းကောင်း၊ ကြော်၍လည်းကောင်း စားသုံးလေ့ရှိကြပါသည်။ ထန်းမြစ် စိုက်ပျိုးရန်အတွက် ထန်းသီးအစေ့ရင့်များကို ဝါဆိုလနှင့် ဝါခေါင်လတို့တွင် မြေကျင်းများတူး၍ မြှပ်ပြီး စိုက်ပျိုးကာ တန်ဆောင်မုန်း လဆန်းပိုင်းတွင် ထန်းပင်မြစ်များ တူးဖော်ရောင်းချ ကြပါသည်

ပုသိမ်မြို့နှင့် အနီးတစ်ဝိုက်ရှိ ကျေးရွာများဖြစ်သော သာပေါင်းမြို့နှင့် အနီးတဝိုက်ရှိ ရွာများ သစ်ပုတ်ကုန်း၊ ကြောင်ပန်းကုန်း၊ ရွှေမြင်တင်၊  စိုင်ခြံ၊ ရေချိုကုန်း ကျေးရွာများတွင် ၎င်းကိုတစ်နိုင်တစ်ပိုင် စိုက်ပျိုးကြပြီး ပုသိမ်မြို့၊ မြို့မဈေးကြီးနှင့် အခြားဈေးများသို့ တင်ပို့ ရောင်းချကြောင်းသိရပါသည်။ ။ ယခုအချိန်တွင် ထန်းပင်မြစ်များ စတင်ထွက်ပေါ်လာပြီ ဖြစ်ပါသည်။ ပေါ်ဦးပေါ်ဖျားဖြစ်၍ ထန်းပင်မြစ်(၁၀)ချောင်းပါ တစ်စည်းလျှင် (၃၅၀၀)ကျပ်၊ (၃၀၀၀)ကျပ်တို့ ဖြင့် ဈေးကောင်းရလျက် ရောင်းချနေကြောင်း သိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ ၊ မအူပင်ခရိုင် ၊ ပန်းတနော်မြို့နယ်၏ မြေဩဇာ ကောင်းမွန် သော နှုန်းမြေပေါ်တွင် ငရုတ်သီးစိုက်ပျိုးရန် အကောင်းဆုံးဖြစ်ပြီး ဟင်းခတ်အမွှေးအကြိုင် သီးနှံတွင် မပါမဖြစ် သုံးစွဲနေသော ငရုပ်သီးကို ပြည်ပသို့ တင်ပို့ရန်နှင့် ပြည်တွင်းသုံးစွဲရန် နှစ်စဉ် မိုးရာသီနှင့် ဆောင်း ရာသီတို့တွင် စိုက်ဧက (၁၂၀၀၀) ဝန်းကျင် စိုက်ပျိုးလျက်ရှိကြောင်း သိရသည်။

          ညောင်တုန်းမြို့ဈေးကွက်တွင် အရောင်းအဝယ်ဖြစ်လျက်ရှိသော ငရုပ်သီးဈေးနှုန်းမှာ ယခင်နှစ် ငရုပ်တောင့်ရှည် (၁) ပိဿာလျှင် ကျပ် (၄၀၀၀/၅၀၀၀) ဈေးနှင့် မိုးမျှော်ငရုပ်သီး (၁) ပိဿာလျှင် ကျပ် (၅၀၀၀/၆၀၀၀) အရောင်းအဝယ်ဖြစ်လျက် ရှိသော် လည်း ယခုနှစ် ငရုပ်သီး ဈေးနှုန်းမှာ ငရုပ်တောင့်ရှည် (၁) ပိဿာလျှင် ကျပ် (၈၀၀၀/၉၀၀၀) ဈေးနှင့် မိုးမျှော်ငရုပ်သီး (၁) ပိဿာလျှင် ကျပ် (၉၀၀၀/၁၀၀၀၀) ဝန်းကျင်ဈေးရရှိသည့်အတွက် ငရုပ်စိုက်ပျိုးသော တောင်သူ များ တွက်ချေကိုက်လျက်ရှိကြောင်း ငရုပ် (၁) ပိဿာဈေးနှုန်းမှာ ယခင်နှစ်နှင့်ယခုနှစ် ကာလတူ နှိုင်းယှဉ်ပါက ငရုပ်တောင့်ရှည် (၁) ပိဿာလျှင် ကျပ် (၄၀၀၀) ဈေးနှင့် မိုးမျှော်ငရုပ်သီး (၁) ပိဿာလျှင် ကျပ် (၃၀၀၀) ပိုမိုရရှိကြောင်း ငရုပ်သီးဈေးကွက်မှ သိရသည်။

DOCA (ဧရာဝတီ)

          ရန်ကုန်တိုင်းဒေသကြီး အလုံခရိုင် စမ်းချောင်းမြို့နယ် ရှမ်းလမ်းဈေးအတွင်း အခြေခံစားသောက်ကုန်များဖြစ်သော ဆန်အမျိုးအစားများအနက် ဧည့်မထတစ်ပြည်လျှင် ကျပ် ၄၀၀၀မှ ၅၀၀၀ထိ၊ ဇီယာတစ်ပြည်လျှင် ကျပ် ၃၅၀၀ မှ ၄၅၀၀ ထိ၊ ပေါ်ဆန်းတစ်ပြည်လျှင် ကျပ် ၅၀၀၀ မှ ၆၀၀၀ ထိလည်းကောင်း၊ စားအုန်းဆီ တစ်ပိဿာလျှင် ကျပ် ၇၄၅၀ မှ ၇၆၅၀၊ မြေပဲဆီ တစ်ပိဿာလျှင် ကျပ် ၁၄၀၀၀ မှ ၁၆၀၀၀၊ ဟင်းသီးဟင်းရွက်ဈေးနှုန်းများမှာ ကန်စွန်းရွက်တစ်စီးလျှင် ကျပ် ၅၀၀ မှ ၇၀၀၊ ချည်ပေါင် ရွက်တစ်စီး ကျပ် ၃၀၀ မှ ၅၀၀၊ မုန့်ညှင်းတစ်စီး ကျပ် ၅၀၀ မှ ၇၀၀၊ ကိုက်လန်တစ်စီး ကျပ် ၆၀၀ မှ ၇၀၀၊ ဂေါ်ဖီတစ်ထုပ်လျှင် ကျပ် ၂၀၀၀ မှ ၄၀၀၀၊ ပန်းဂေါ်ဖီတစ်ပွင့်လျှင် ကျပ် ၂၅၀၀ မှ ၃၅၀၀၊ ခရမ်းချဉ်သီး တစ်ပိဿာ ကျပ် ၂၅၀၀ မှ ၃၅၀၀၊ ဗူးသီးတစ်လုံး ကျပ် ၃၀၀၀ မှ ၄၀၀၀၊ အာလူးတစ်ပိဿာ ကျပ် ၃၈၀၀ မှ ၄၂၀၀၊ ကြက်သွန်ဖြူတစ်ပိသာ ကျပ် ၂၅၀၀၀ မှ ၃၀၀၀၀၊ ကြက်သွန်နီ တစ်ပိဿာ ကျပ် ၄၅၀၀ မှ ၅၀၀၀၊ ဂျင်း တစ်ပိဿာ ကျပ် ၃၀၀၀ မှ ၄၀၀၀၊ ကုလားပဲတစ်ပိဿာလျှင် ကျပ် ၆၀၀၀ မှ ၁၀၀၀၀၊ မွေးမြူရေးကြက် တစ်ပိသာလျှင် ကျပ် ၁၈၀၀၀ မှ ၁၉၀၀၀၊ ဝက်သားတစ်ပိဿာလျှင် ကျပ် ၃၀၀၀၀ မှ ၃၂၀၀၀၊ ဆိပ်သားတစ် ပိဿာလျှင် ကျပ် ၂၅၀၀၀ မှ ၃၀၀၀၀၊ ငါးကြင်းတစ်ပိဿာ ကျပ် ၂၀၀၀၀ မှ ၂၃၀၀၀၊ ပုဇွန်ထုပ်သေး တစ်ပိဿာလျှင် ကျပ် ၄၀၀၀၀ မှ ၅၀၀၀၀၊  ငါးခူတစ်ပိဿာလျှင် ကျပ် ၂၀၀၀၀ မှ ၂၃၀၀၀၊ ငါးရံ့တစ်ပိဿာ  ကျပ် ၃၀၀၀၀ မှ ၃၂၀၀၀ တို့ဖြစ်ပြီး ကြက်ဥတစ်လုံးလျှင် ကျပ် ၃၇၀၊ ဘဲဥတစ်လုံး ကျပ် ၄၀၀ မှ ၆၀၀ တို့ဖြင့်အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ရန်ကုန်)