ပြည်တွင်းကုန်သွယ်မှုသတင်း

          စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ၂၆.၉.၂၀၂၅ရက်နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၃၀၃၅)ကျပ်၊ 95 Octance(၃၀၉၅)ကျပ်၊ ရိုးရိုးဒီဇယ်(၂၆၉၅)ကျပ်၊ ပရီမီယမ်ဒီဇယ် (၃၂၈၅)ကျပ် ဖြစ်ကြောင်း  သိရှိရသည်။

          မြင်းခြံမြို့တွင် စက်သုံးဆီအရောင်းဆိုင်(၂၈)ဆိုင်မှ စက်သုံးဆီများကို နေ့စဉ်ပုံမှန်ဖွင့်လှစ် ရောင်းချလျက်ရှိရာ ၂၀၂၅ခုနှစ်၊ စက်တင်ဘာလ(၂၆)ရက်နေ့ စက်သုံးဆီတစ်လီတာ အရောင်းဈေးနှုန်းများအနေဖြင့် 92 Octance(၃၀၉၅)ကျပ်၊ 95 Octance(၃၁၅၅)ကျပ်၊ ရိုးရိုးဒီဇယ်(၂၇၅၅)ကျပ်၊ ပရီမီယမ် ဒီဇယ်(၃၃၄၅)ကျပ်ဖြင့် ရောင်းချလျက်ရှိကြောင်း သိရှိရသည်။ သတ်မှတ်ရည်ညွှန်းဈေးများသည် ယခင် အပတ်နှင့်နှိုင်းယှဉ်ပါက တစ်လီတာလျှင် 92 Octanceတွင် (၃၀)ကျပ်၊ 95 Octance တွင်(၁၀)ကျပ်နှင့် ရိုးရိုးဒီဇယ်တွင်(၅)ကျပ် ဈေးနှုန်းမြင့်တက်ခဲ့ပြီး ပရီမီယမ်ဒီဇယ်တွင် ဈေးနှုန်းပြောင်းလဲမှုမရှိကြောင်း သိရှိရပါသည်။   

DOCA(မန္တလေး)

               မိုးရာသီအချိန်တွင်သာ စားရသည့် ငါးလူး၊ ငါးဖမ်းမ၊ ငါးဘတ်နှင့် ပုဇွန်ထုပ်များမှကို ရွှေဘိုမြို့နှင့် ၁၆မိုင်ဝေးသည့် ကျောက်မြောင်းမြို့မှ ရွှေဘိုမြို့ပေါ်သို့ လာရောက်ရောင်းချလျက်ရှိ ကြောင်း၊ မိုးရာသီကုန်ဆုံးသောကာလဖြစ်၍ ငါးများနှင့် ပုဇွန်ထုပ်များမှာ လှိုင်လှိုင်ထွက်ရှိသော်လည်း ဈေးနှုန်းမှာ ကျဆင်းခြင်းမရှိဘဲ ဈေးကောင်းပေးဝယ်ရကြောင်း၊  စားသုံးသူများသည်  မြစ်ရိုးမှာလာသည့်ငါးဖြစ်သည့် ငါးလူး၊ ငါးဖမ်းမ၊ ငါးဘတ်နှင့် ပုဇွန်ထုပ်များကို သူ့ထက် ငါအပြိုင် ဝယ်ယူလျက်ရှိကြောင်း၊ ငါးမှာ အချိုနှင့် ငါးစားနယ်ဟူ၍ (၂)မျိုးရှိကြောင်း သိရှိရပါသည်။

          ၂၀၂၅ခုနှစ်၊ အောက်တိုဘာလ (ပထမ)ပတ်တွင်ဖြစ်ပေါ်နေသော ငါးဈေးနှုန်းများမှာ ငါးလူး နှင့်ငါးဖမ်းမ(အချို)ဈေးနှုန်းမှာ (၂၅)ကျပ်သားလျှင် (၅၀၀ဝိ/-)ကျပ်၊ (၁)ပိဿာလျှင် (၂၀၀၀ဝိ/-) ကျပ်၊ ငါးလူးနှင့်ငါးဖမ်းမ (ဆားနယ်)ဈေးနှုန်းမှာ (၂၅)ကျပ်သားလျှင် (၆၀၀ဝိ/-)ကျပ်၊ (၁)ပိဿာလျှင် (၂၄၀၀ဝိ/-)ကျပ်၊ ငါးဘတ်ဈေးနှုန်းမှာ (၂၅)ကျပ်သားလျှင် (၈၀၀ဝိ/-)ကျပ်၊ (၁)ပိဿာလျှင် (၃၂၀၀ဝိ/-)ကျပ်၊ မြစ်ပုဇွန်ထုပ်ဈေးနှုန်းမှာ အရွယ်အစားအကြီး/အသေးပေါ်မူတည်၍ (၂၅)ကျပ်သား လျှင် (၁၃၀၀ဝိ/-)ကျပ်မှ (၁၅၀၀ဝိ/-)ကျပ်၊ (၁)ပိဿာလျှင် (၅၂၀၀ဝိ/-)ကျပ်မှ (၆၀၀၀ဝိ/-)ကျပ်ဖြင့် အရောင်းအဝယ်ဖြစ်လျက်ရှိကြောင်း အသား/ငါး ရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)       

   မကွေးတိုင်းဒေသကြီး၊ သရက်ခရိုင်၊ သရက်မြို့၊ မြို့မစည်ပင်ဈေးနှင့် အခွန်လွတ်ဈေးတို့တွင် ရောင်းချလျက်ရှိသော ငှက်ပျော်သီးများကို မင်းတုန်းမြို့နယ် အတွင်းရှိ အလယ်ချောင်းကျေးရွာ၊ မြို့ဟောင်းကျေးရွာ တို့မှလည်းကောင်း၊ သရက်မြို့နယ်အတွင်းရှိ တလုပ်ပင်ကျေးရွာ၊ ဘောကျေးရွာ တို့မှ လည်းကောင်း၊ သရက်မြို့နယ်နှင့် နယ်နိမိတ်ထိစပ်လျက်ရှိသည့် ပဲခူးတိုင်းဒေသကြီး၊ ပြည်မြို့ နယ်အတွင်းရှိ ကျေးရွာဖြစ်သော လဲ ရွာမှလည်းကောင်း မှာယူရောင်းချကြောင်း သိရသည်။

   ရောင်းချလျက်ရှိသော ငှက်ပျောသီးများမှာ ဖီးကြမ်းငှက်ပျောသီးနှင့် ရခိုင်ငှက်ပျောသီးမျိုး တို့ဖြစ်ပြီး ၂၀၂၅ခုနှစ်၊ အောက်တိုဘာ(ဒုတိယပတ်)တွင် ငှက်ပျောဖီးကြမ်း တစ်ဖီးလျှင် အကြီးအသေး အလိုက် ကျပ် (၃၀၀၀ မှ ၄၀၀၀)၊ ရခိုင်ငှက်ပျော တစ်ဖီးလျှင် အကြီးအသေးအလိုက် ကျပ် (၂၅၀၀ မှ ၃၀၀၀)ဈေးနှုန်း ဖြင့်ရောင်းချလျက်ရှိကြောင်း၊ ယခင် အောက်တိုဘာလ(ပထမပတ်)နှင့် ဈေးနှုန်း နှိုူင်းယှဉ်ပါက ပြောင်းလဲမှုူမရှိကြောင်း၊ ယခု ဝါကျွတ်ကာလအခါသမရ ဖြစ်သည့်အတွက် ရိုးရာနတ် ပူဇော်ပွဲများ၊ ဆရာမိဘများအား ကျေးဇူးဆပ်ကန်တော့ခြင်းများနှင့် အလှူအတန်းများပြုလုပ်ခြင်း ရှိ၍ နေ့စဉ် အရောင်းအဝယ်သွက်လျက်ရှိကြောင်း ငှက်ပျောသီးဆိုင် ပိုင်ရှင်များထံမှ သိရှိရပါသည်။

DOCA(မကွေး)

              ကျွန်းလှမြို့ရှိ ပိတောက်မြိုင်ဈေးတွင် ဟင်းသီးဟင်းရွက် အမျိုးမျိုးဖြစ်သော  ရုံးပတီသီး၊ မုံလာထုတ်(ခေါ်)ဂေါ်ဖီထုတ်၊ ပန်းဂေါ်ဖီ၊ ဂေါ်ရခါးသီး၊ ခါကြက်ဥ၊ ဘိုစားပဲသီး၊ ရွှေပဲသီး၊ ပဲသီးတောင့်ရှည်၊ ကြက်ဟင်းခါးသီး၊ ကင်းမုံသီး ၊ မျှစ်စိမ်း၊ မျှစ်ပြုတ်၊ ရွှေဖရုံသီး၊ ဘူးသီး၊ ကန်ဇွန်းရွက်၊ ချဉ်ပေါင်ရွက် နှင့် ပဲလင်းမြွေသီး(ခေါ်)ဗုံလုံသီး တို့ကို ရောင်းချနေကြောင်း သိရှိရပါသည်။

      ၂၀၂၅ ခုနှစ်၊ စက်တင်ဘာလ(စတုတ္ထပတ်)တွင် ရောင်းချနေသော ဟင်းသီးဟင်းရွက်အမျိုးမျိုး၏ ဈေးနှုန်းအနေဖြင့် ဂေါ်ရခါးသီး တစ်လုံးလျှင်(၈၀၀/၇၀၀)ကျပ်၊ မုံလာထုတ် တစ်ထုတ်လျှင်(၃၀၀၀/၃၅၀၀)ကျပ်၊ ပန်းဂေါ်ဖီ တစ်ပွင့်လျှင်(၃၅၀၀)ကျပ်၊ ခါကြက်ဥ(ဗမာ) တစ်ပိဿာ လျှင်(၁၀၀၀၀)ကျပ်၊ ခါကြက်ဥ(တရုတ်)တစ်ပိဿာ(၁၂၀၀၀)ကျပ်၊ ကင်ပွန်းချဉ်ရွက် တစ်စီးလျှင်(၂၀၀) ကျပ်၊ ချဉ်ပေါင်ရွက် တစ်ပိဿာ(၁၂၀၀)ကျပ်၊ ကန်ဇွန်းရွက် တစ်စီးလျှင်(၁၀၀)ကျပ်၊ ကြက်ဟင်းခါးသီး တစ်ပြည်လျှင်(၃၈၀၀)ကျပ်၊ ကြက်ဟင်းခါးသီး  ထိုင်ဝမ် တစ်ပိဿာလျှင်(၄၀၀၀)ကျပ်၊ ရွှေဖရုံသီး တစ်ပိဿာလျှင်(၃၀၀၀)ကျပ်၊ ဘူးသီး တစ်လုံးလျှင် (၂၀၀၀)ကျပ် ကင်းမုံသီး တစ်ပြည်လျှင်(၁၅၀၀)ကျပ်၊ ပဲလင်းမြွေသီး တစ်တောင့်လျှင် (၇၀၀/၈၀၀/ ၅၀၀)ကျပ်၊ မုံညှင်းထုတ် တစ်ပိဿာလျှင်(၈၀၀၀)ကျပ်၊ မယ်ဇလီဖူး နို့ဆီ(၁)ဘူးလျှင်(၄၀၀)ကျပ်၊ခရမ်းသီး တစ်ပိဿာလျှင်(၂၀၀၀)ကျပ်၊ ရုံးပတီသီး တစ်ပိဿာ လျှင်(၂၀၀၀)ကျပ်၊ ပဲသီးတောင့်ရှည်(၅)တောင့်ပါ တစ်စည်းလျှင်(၃၀၀)ကျပ်၊ မျှစ်စိမ်း တစ်ပိဿာလျှင် (၃၅၀၀)ကျပ်၊ မျှစ်ပြုတ် တစ်ပိဿာလျှင်(၄၀၀၀) ကျပ်၊ ငရုပ်သီးစိမ်း တစ်ပိဿာလျှင်(၃၅၀၀)ကျပ်၊ ကုလားအော် ငရုပ်သီးစိမ်း တစ်ပြည်လျှင်(၈၀၀၀)ကျပ်၊ ရိုးရိုးဗမာပြောင်းဖူး တစ်ဖူးလျှင် (၂၅၀/၃၀၀) ကျပ်နှင့် ဘိုစားပဲသီး တစ်ပိဿာလျှင်(၁၂၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်နေကြောင်း သိရပါသည်။

DOCA (စစ်ကိုင်း)

       ကျွန်းလှမြို့၊ သစ်ရာမြိုင်ဈေးတွင် ငရုပ်သီးခြောက်၊ အာလူး၊ ကြက်သွန်နီ နှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါ သည်။

      ၂၀၂၅ ခုနှစ်၊ ယခု စက်တင်ဘာလ တတိယပတ်၌ ကျွန်းလှမြို့၊ သစ်ရာမြိုင်ရပ်ကွက်ဈေးအတွင်း ရောင်းချနေသော ငရုပ်သီးခြောက်ဈေးနှုန်းအနေဖြင့် ငရုပ်သီးခြောက်(အရှည်)လက္ကား တစ်ပိဿာလျှင် (၁၄၀၀၀)ကျပ်၊ လက်လီ တစ်ပိဿာလျှင်(၁၅၀၀၀)ကျပ်၊ (၅၀)ကျပ်သားလျှင် (၇၅၀၀)ကျပ်၊ (၁၀)ကျပ်သားလျင်(၁၅၀၀)ကျပ် နှင့် ငရုပ်သီးလှော်ကြော်(၁၀)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း သိရသည်။

DOCA (စစ်ကိုင်း)