ပြည်တွင်းကုန်သွယ်မှုသတင်း

    ပြည်ခရိုင်အတွင်းရှိ ပြည်ကုန်စည်ဒိုင်သည် လမ်းပန်းဆက်သွယ်ရေးကောင်းသော ပြည်မြို့တွင်ရှိသောကြောင့် ပဲအရောင်းအဝယ်သွက်လျက်ရှိကြောင်းသိရှိရသည်။

မတ်ပဲ

     ၂၀၂၃ခုနှစ်၊ နိုဝင်ဘာလ ဒုတိယပတ်တွင် ပြည်ကုန်စည်ဒိုင်၌ မတ်ပဲဈေးတက်နေပြီး ပဲတစ်တင်းကို (၉၃၀၀၀-၉၄၀၀၀)ကျပ်ခန့်ဖြင့် ရန်ကုန်အဝယ်တစ်ရက်လျှင် ပိဿာ(၂၀)ဝင် အိတ်(၂၀၀)ခန့်ရှိပါသည်။ နိုဝင်ဘာလ တတိယပတ်တွင် မတ်ပဲတစ်တင်းကို (၉၂၅၀၀)ကျပ်ဖြင့် အရောင်းအဝယ်တစ်ရက်လျှင်     ပိဿာ(၂၀)ဝင်      အိတ် (၁၀၀-၂၀၀)ခန့်အဝယ်ရှိလျက်ရှိပါသည်။

ပဲတီစိမ်း

      နိုဝင်ဘာလ ဒုတိယပတ်တွင် ပန်းတောင်းဘက်မှ ပဲတီစိမ်းသစ်များအဝင်ရှိလာပြီး ပဲတစ်တင်းလျှင် (၅၄၀၀၀)ကျပ်ဖြင့် ဈေးစဖွင့်ခဲ့ပါသည်။ တစ်ရက်လျှင် ပဲတီစိမ်းသစ် ပိဿာ(၂၀)ဝင်အိတ် (၁၀၀ - ၂၀၀)ခန့်ဝင်စပြုနေပြီး လှောင်သမားများသာအဝယ်ရှိပြီး တစ်ရက်လျှင် ပိဿာ(၂၀)ဝင်အိတ် (၁၀၀ -၂၀၀)ခန့်သာမြို့တွင်းအဝယ်ရှိပါသည်။ နိုဝင်ဘာလ ဒုတိယပတ်တွင် ပဲတီစိမ်းဈေးတက်လာပြီး တစ်တင်းကို (၉၄၀၀၀)ကျပ်ဖြင့်အရောင်းအဝယ်ရှိပြီး တစ်ရက်လျှင် ပိဿာ(၂၀)ဝင်အိတ် (၁၀၀ - ၂၀၀)ခန့် မန္တလေးအဝယ်ရှိခဲ့ပါသည်။

ပဲစင်းငုံ

     နိုဝင်ဘာလ ဒုတိယပတ်တွင် ပဲစင်းငုံတစ်တင်းကို (၉၃၀၀၀)ကျပ်ဖြင့် တစ်ခါတစ်ရံ၌ ရန်ကုန်အဝယ်တစ်ရက်လျှင် ပိဿာ(၂၀)ဝင်အိတ်(၂၀၀)ခန့်ရှိပါသည်။ နိုဝင်ဘာလ တတိယပတ်တွင် ပဲစင်းငုံဈေးအေးနေခဲ့ပြီး တစ်ခါတစ်ရံ၌ ပဲတစ်တင်းလျှင် (၉၃၀၀၀)ကျပ်ဖြင့် ဈေးအေးနေခဲ့ကာ ရန်ကုန်အဝယ်ရှိခဲ့ပါသည်။

ကုလားပဲ

     နိုဝင်ဘာလ ဒုတိယပတ်တွင် ကုလားပဲ(HL) တစ်တင်းကို (၉၂၅၀၀)ကျပ်၊ မြကြေးမုံတစ်တင်းကို (၉၅၅၀၀)ကျပ်ဖြင့် မြို့တွင်းပဲစက်သမားများ တစ်ရက်လျှင် ပိဿာ(၂၀)ဝင် အိတ် (၂၀၀ - ၃၀၀)ခန့်အဝယ်ရှိပါသည်။ နိုဝင်ဘာလ တတိယပတ်တွင် မတ်ပဲဈေးကျပြီး ကုလားပဲ (HL) တစ်တင်းကို (၉၀၅၀၀)ကျပ်၊ မြကြေးမုံတစ်တင်းကို (၉၀၅၀၀)ကျပ်ဖြင့် မြို့တွင်းခွဲစက်သမားနှင့် ရန်ကုန်ဝယ်လက်တစ်ရက်လျှင် ပိဿာ(၂၀)ဝင် အိတ်(၃၀၀)ခန့်အဝယ်ရှိခဲ့ပါသည်။

ပဲကြီး

    နိုဝင်ဘာလ ဒုတိယပတ်တွင် ပဲကြီးဈေးတက်နေပြီး ပဲကြီး (ရွှေကျွန်း) တစ်တင်းကို (၁၃၀၀၀၀)ကျပ်၊ ပဲကြီး (ကုန်းပဲ)တစ်တင်းကို (၁၂၇၀၀၀)ကျပ်ဖြင့် မြို့တွင်း ပဲကြော်သမားများအဝယ်ရှိပြီး တစ်ရက်လျှင် ပိဿာ(၂၀)ဝင်အိတ်(၃၀၀)ခန့်အဝယ်ရှိပါသည်။ နိုဝင်ဘာလ တတိယပတ်တွင် ပဲဈေးနှုန်းအေးနေပြီး ပဲကြီး (ရွှေကျွန်း)တစ်တင်းကို (၁၃၀၀၀၀)ကျပ်၊ ပဲကြီး(ကုန်းပဲ) တစ်တင်းကို (၁၂၇၀၀၀) ကျပ်ဖြင့် မြို့တွင်းအဝယ်တစ်ရက်လျှင် ပိဿာ(၂၀)ဝင် အိတ်(၃၀၀ - ၃၅၀)ခန့်အဝယ်ရှိခဲ့ပါသည်။

စားတော်ပဲ

     နိုဝင်ဘာလ တတိယပတ်တွင် စားတော်ပဲတစ်တင်းလျှင် (၁၂၅၀၀၀) ကျပ်ဖြင့် မြို့တွင်းအဝယ်တစ်ရက်လျှင် ပိဿာ(၂၀)ဝင်အိတ် (၂၀-၂၅)ခန့်အဝယ်ရှိခဲ့ပါသည်။ စားတော်ပဲ (ကျွန်း)တစ်တင်းလျှင် (၁၂၅၀၀၀)ကျပ်ဖြင့် ဈေးအေးနေခဲ့ပါသည်။

ဘိုကိတ်ပဲ

     နိုဝင်ဘာလ ဒုတိယပတ်တွင် ဘိုကိတ်ပဲအသစ်များအဝင်ရှိပြီး (၆၅၀၀၀)ကျပ်ဖြင့် ဈေးဖွင့်ခဲ့ပါသည်။ အရောင်းအဝယ်မှာ တစ်ရက်လျှင် ပိဿာ(၂၀)ဝင်အိတ် (၅၀-၁၀၀)ခန့် မြို့တွင်းနှင့် ရန်ကုန်အဝယ်ရှိခဲ့ပါသည်။ နိုဝင်ဘာလ တတိယပတ်တွင် ဘိုကိတ်တစ်တင်းကို (၆၅၀၀၀ - ၆၆၀၀၀)ကျပ်ဖြင့် မြို့တွင်းအဝယ်တစ်ရက်လျှင် ပိဿာ(၂၀)ဝင်အိတ် (၅၀)ခန့်အဝယ်ရှိပါသည်။

    ပြည်ကုန်စည်ဒိုင်တွင်း အရောင်းအဝယ်ဖြစ်လျက်ရှိသော မတ်ပဲ၊ ကုလားပဲ၊ ပဲကြီးဈေးနှုန်းတို့မှာ မြင့်တက်လျက်ရှိပြီး စားတော်ပဲ၊ ဘိုကိတ်ပဲ၊ ပဲစင်းငုံတို့မှာ ဈေးငြိမ်လျက်ရှိကြောင်းသိရှိရပါသည်။

DOCA(ပဲခူး)

    ပြည်ဈေးကွက်သို့ ၂၀၂၃ခုနှစ်၊ နိုဝင်ဘာလ ဒုတိယပတ်အတွင်း ကြက်သွန်သီးနှံဝင်ရောက်မှုမရှိကြောင်းသိရပြီး ဈေးကွက်အတွင်းကျန်ရှိနေသည့် ပစ္စည်းလက်ကျန်များဖြင့်သာ ရောင်းဝယ်မှုရှိနေကြောင်းသိရပါသည်။ လမ်းပန်းဆက်သွယ်ရေးအခက်အခဲကြောင့်  အဝင်မရှိသဖြင့်  ဈေးနှုန်းမှာ နိုဝင်ဘာလဆန်းတွင် အလတ်စတစ်ပိဿာလျှင် ကျပ်၃၆၀၀နှုန်းရှိခဲ့ရာမှ ယခုအချိန်တွင် ၄၀၀၀ကျပ်နှုန်းဖြင့်ရောင်းချမှုရှိနေသည့်အတွက်  ဈေးမြင့်နေကြောင်းသိရပါသည်။ အဝင်မရှိသော်လည်း အရောင်းအဝယ်မှာ ဒေသတွင်းဝယ်လက်များ၊ အိတ်ဆွဲဝယ်ရောင်းသမားများအနေဖြင့် ဧရာဝတီနှင့်ရခိုင်တို့သို့ နယ်ကျော်တင်ပို့မှုများဖြင့် ရောင်းဝယ်မှုရှိနေပြီး ယခုကာလ၌ ကြက်သွန်နီအစို့ပေါက်ထွက်ချိန် အလေးချိန်လျော့သည့်အချိန်ဖြစ်သဖြင့် ပြည်ဈေးကွက်အတွင်း ကြက်သွန်နီအရည်အသွေးပေါ်မူတည်၍ ဈေးနှုန်းခွဲခြားသတ်မှတ်ကာ ရောင်းချလျက်ရှိပါသည်။ ပြည်ပွဲရုံများနှင့် မြို့ပေါ်လက်လီဈေးများတွင် ကြက်သွန်နီကြီး/လတ်/သေးတစ်ပိဿာလျှင် လက်ကားဈေး ကျပ် (၃၅၀၀-၃၆၀၀/၃၇၀၀-၃၈၀၀/၃၉၀၀) နှုန်းတို့ရှိပြီး လက်လီဈေး ကျပ် (၃၈၀၀-၃၉၀၀/၄၀၀၀-၄၁၀၀/၄၂၀၀-၄၃၀၀ နှုန်းတို့ဖြင့် အသီးသီးရောင်းဝယ်မှုရှိနေပါကြောင်းသိရှိရပါသည်။

DOCA(ပဲခူး)

    ပြည်ပဲဈေးကွက်၏ လက်လီပဲဈေးကွက်၌ ဈေးအမြင့်ဖြင့် ရောင်းဝယ်လျက်ရှိသောပဲသီးနှံမှာ ပဲနီပြားသီးနှံဖြစ်ပါသည်။ ပဲနီပြားသီးနှံသည် ယခုနှစ်အတွင်း ဈေးကောင်းရသော သီးနှံအမျိုးအစားထဲတွင်ပါဝင်နေပြီး ပဲဈေးကွက်၌ လက်လီဝယ်ယူသူများဖြင့် တစ်ရက်လျှင် ပိဿာ (၂၀)ဝင်အိတ် (၂၀/၃၀) ကျော်ရောင်းဝယ်မှုဖြစ်ခဲ့ကြပါသည်။ ပဲဈေးနှုန်းမှာ ပဲအရည်အသွေးကိုလိုက်၍ တစ်တင်းလျှင် ၁၁၀၀၀၀ကျပ်မှ ၁၂၀၀၀၀ကျပ်အထိ ဈေးမြင့်အတိုင်း ဆက်လက် အရောင်းအဝယ်ဖြစ်နေခဲ့ပါသည်။ ယခင်နှစ်တွင် ပဲနီပြားသီးနှံဈေးမှာ တစ်တင်းလျှင် ၅၃၀၀၀ကျပ်မှ ၅၅၀၀၀ကျပ်အထိသာရရှိခဲ့သည့်အတွက် ယခုနှစ်တွင် ပဲနီပြားသီးနှံဈေးနှုန်းမှာ စံချိန်တင်မြင့်တက်လာခဲ့သော သီးနှံဖြစ်ကြောင်းသိရှိရပါသည်။ 

DOCA(ပဲခူး)                                                                   

     ပြည်ပဲမျိုးစုံဈေးကွက်သို့ ဘိုကိတ်ပဲသစ်များ စတင်ဝင်ရောက်လာပြီဖြစ်ပါသည်။ ပြည်အနီးတစ်ဝိုက်ဒေသများအပြင် ပေါင်းတလည်၊ ပေါက်ခေါင်းဒေသများမှလည်းဝင်ရောက်ခဲ့ပါသည်။ တစ်ရက်လျှင် ပိဿာ (၂၀)ဝင်အိတ် (၄၀/၅၀) ကျော်ဝင်ရောက်ခဲ့ပြီး အရောင်းအဝယ်ဖြစ်မှုအနေဖြင့် ဒေသတွင်းလက်လီသမားများအပြင် လက်ကားဝယ်ယူမှုအနေဖြင့် ရန်ကုန်ဝယ်လက်များလည်းအဝယ်ရှိခဲ့သောကြောင့် ဝင်ရောက်လာသမျှ အရောင်းအဝယ်ဖြစ်ခဲ့ကြပါသည်။ ပဲဈေးမှာ တစ်တင်းလျှင် ၆၈၀၀၀ကျပ်ဖြင့် ယခင်နှစ်ဈေးထက် ဈေးပိုရလာခဲ့ပါသည်။ ယခင်နှစ်တွင် ဘိုကိတ်ပဲသီးနှံတစ်တင်းလျှင် ကျပ်၅ သောင်းအောက်သာရရှိခဲ့သောကြောင့် ပဲဈေးကွက်တွင်လည်း ဈေးအနိမ့်ဖြင့်သာရောင်းဝယ်ခဲ့ကြကြောင်းသိရှိရပါသည်။

DOCA(ပဲခူး)

    ၂၀၂၃ခုနှစ်၊ နိုဝင်ဘာလ စတုတ္ထပတ်တွင် ပြောင်းသီးနှံမှာ အစိုဓာတ်မလွတ်လျှင် ၈၀၀ကျပ်နှင့် အစိုဓာတ်လွတ်လျှင် ၉၅၀ကျပ်ဈေးပေါက်နေပြီး လမ်းပန်းအခက်အခဲကြောင့် စီးဆင်းမှုအေးနေပါသည်။ အရောင်းအဝယ်မှာလည်း တောင်သူက ဈေးစောင့်ပြီး ကုန်သည်ပွဲစားများကလည်း ဝယ်လက်စောင့်နေသည့်အတွက် နိုဝင်ဘာလကုန်ပိုင်းလောက်မှ အားကောင်းလာမည်ဟုသုံးသပ်မိပါသည်။ ကြက်သွန်ဖြူ (ရှမ်း)မှာလည်း းမျိုးခြား ၈၅၀၀ကျပ်၊ ထူး ၉၅၀၀ကျပ်၊ ထူး ၂.၁၀၀၀၀ကျပ်၊ ထူး ၃.၁၁၀၀၀ကျပ်၊ ထူး ၄. ၁၂၀၀၀ကျပ်၊ ထူး ၅. ၁၂၅၀၀ကျပ်၊ ထူးလွန် ၁၂၈၀၀ကျပ်၊ ကြူကုတ် (၁၂၀၀၀/၁၄၀၀၀)ကျပ်ဈေးပေါက်နေပြီး ယခင်အပတ်အောက် (၁၀၀၀)ကျပ်မှ (၁၅၀၀)ကျပ်ခန့်ဈေးကျလာခဲ့ပါသည်။ ဈေးနှုန်းဈေးကွက်အရ စားသုံးသူသုံးစွဲမှုလျော့ကျနိုင်ပါသည်။ ရှမ်းကြက်သွန်ဖြူအသစ်ပေါ်ချိန်လည်းနီးလာပြီဖြစ်ရာ ထိုအချိန်တွင် ဈေးနှုန်းကျဆင်းပြီး စီးဆင်းမှုကောင်းလာနိုင်ကြောင်းသုံးသပ်ရပါသည်။

    အာလူးသီးနှံမှာ မျက်နီ S2 ၃၀၀၀ကျပ်၊ မျက်နီ S1 (၂၅၀၀/၂၇၀၀)ကျပ်၊ မျက်နီ OK A1 ၁၃၀၀ကျပ်မှ ၂၂၀၀ကျပ်အထိ၊ မားကစ် S1 S2 အရော ၃၅၀၀ကျပ်၊ မားကစ် S1OK အရော ၃၀၀၀ကျပ်ဈေးပေါက်နေပြီး   ပွဲရုံများတွင် ကုန်ဝင်/ ကုန်ထွက်နည်းပါးနေပါသည်။ (စက)အာလူးပေါ်ချိန်နီးလာပြီဖြစ်သည့်အတွက် ဈေးကွက်လိုအပ်ချက်ကိုကြည့်၍ စီးဆင်းနေကြရာ ယခင်အပတ်အောက် စီးဆင်းမှုလျော့ကျနိုင်ပါသည်။ ချင်းသီးနှံမှာလည်း အခက်ကြီးအသစ် ၃၀၀၀ကျပ်ခန့်ဈေးဖွင့်ဝယ်နေသော်လည်း လမ်းပန်းကြောင့် ရခိုင်ဘက်သို့ စီးဆင်းမှုရပ်တန့်ကာ ယခင်အပတ်တွင် စီးဆင်းသွားသည့်ကားများ ပြန်လှည့်လာရ၍ အောင်ပန်းပွဲရုံများတွင် ပြန်လည်သိုလှောင်ရောင်းချနေရပါသည်။

    ကုန်စိမ်းသီးနှံများတွင် ဂေါ်ဖီ (၆၀၀/၈၀၀) ကျပ်၊ ပန်းမုံလာ (၈၅၀/၁၀၀၀) ကျပ်နှင့် ခရမ်းချဉ်ရှယ်သီး ၁၂၀၀ကျပ်၊ အလတ် ၁၀၀၀ကျပ်၊ အသေး ၈၀၀ကျပ်နှင့် အစိမ်း/သံယောင်အကြီး ၁၀၀၀ကျပ်၊အလတ် (၅၀၀/၆၀၀)ကျပ်နှင့်  အသေး ၄၀၀ကျပ်ဖြစ်၍ ယခင်အပတ်အောက် ၂၀၀ကျပ်ခန့်ဈေးကျလာပါသည်။ ဘိုစားပဲ ၈၀၀ကျပ်၊ ဥနီ (၁၀၀၀/၁၁၀၀)ကျပ်၊ ကျောက်ဖရုံယို (၅၅၀/၇၀၀)ကျပ်၊ ရွှေပဲ (၃၅၀၀/၄၀၀၀) ကျပ်၊ ခရမ်းသီး ၈၀၀ကျပ်၊ ငြုပ်ပွ ၂၀၀၀ကျပ်မှ ၃၀၀၀ကျပ်ခန့်၊ သံပရာသီး ၃၅၀၀ကျပ်မှ ၄၀၀၀ကျပ်အထိ၊ ဂျူးမြစ် ၃၇၀၀ကျပ်၊ ငြုပ်သီးစိမ်း(ကုလားအော်) ၅၀၀၀ကျပ်၊ သာမို 11 ၄၅၀၀ကျပ်၊ ကျောက်စိမ်း ၃၅၀၀ကျပ်ဖြစ်၍ ငြုပ်သီးခြောက်ရှမ်းသွယ်စ (၁၂၀၀၀/၁၃၀၀၀)ကျပ်၊ ရှမ်းပွခြောက် ၁၂၀၀၀ကျပ်ဈေးပေါက်နေပြီး ရှမ်းတောင်ထွက်သစ်သီးများမှာ ဆန်းကစ် ၂၄၀၀ကျပ်၊ လိမ္မော်သီး ၂၅၀၀ကျပ်မှ ၃၅၀၀ ကျပ်အထိ၊ ထောပတ်သီးတစ်အိတ်လျှင် ၁၇၀၀၀ကျပ်မှ ၃၅၀၀၀ကျပ်အထိ(တစ်အိတ်လျှင် ပိဿာ ၃၀ခန့်) ဈေးပေါက်နေပြီး စီးဆင်းမှုမှာ ယခင်အပတ်အောက် လျော့နည်းခဲ့ပါသည်။

     လာမည့်အခါရက်များတွင် ပြည်သာယာဈေး(အောက်ဈေး)၏ ရောင်းဝယ်မှုများရပ်နားထားမည်ဖြစ်ရာ တချို့အိမ်ပွဲရုံများမှ နယ်ဈေးကွက်အမှာတင်ပို့မှုအနည်းငယ်သာရှိနိုင်ပါသည်။ ယခုအချိန်အခါအရ သီးနှံများ၏ဈေးကွက်လျော့နည်းလာခြင်း၊ ကုန်ဝင်ကုန်ထွက်နည်းပါးခြင်းနှင့် သီးနှံများ၏အရည်အသွေးအရ ဈေးကွက်ဈေးနှုန်းအခြေအနေမှာ အကောင်းဘက်တွင် ရှိနေဦးမည်မဟုတ်ကြောင်း လေ့လာတင်ပြလိုက်ရပါသည်။

DOCA(ရှမ်း)